http://hk.apple.nextmedia.com/enews/realtime/20161130/55985272
吳岱融喺劇集《巨輪II》入面演嘅鷲哥霸氣盡現，不過更鋒利嘅刀都會生銹，幾強嘅人都會有軟弱嘅一面。早前吳岱融夥拍廿幾年冇現身大銀幕嘅太太鍾淑慧(Lily)，幫「關懷愛滋」拍咗條名為《一場試鏡The Casting》微電影，更正好多人對愛滋病患者嘅謬誤。
鍾淑慧早前接受訪問，佢都話有興趣復出幕前，今次算喺復出前熱身小試牛刀。微電演入面佢演一名媽媽，知道囡囡染咗愛滋病而且仲係懷孕期間，而佢就借呢個機會話畀人知，其實就算有愛滋病都有機會可以生BB。講到今次演出Lily都有好一段時間冇亮相幕前，佢話：「都有一定程度嘅緊張，有咁多年冇同香港觀眾見面。」不過身邊嘅吳岱融就搶答話：「唔會嘞，佢(Lily)一直演緊我嘅女主角，o依家都演得好自然。」拍戲都不忘打情罵俏。吳岱融嗰段就講佢去試鏡，應徵演一名知道自己感染咗愛滋病之後嘅反應，佢完美演繹出嗰種絕望同無助，而呢條短片聽日就會有得睇喇！ 
吳岱融日前孖老婆鍾淑慧拍愛滋病微電影 
吳岱融完美演繹出嗰種絕望同無助
發表於 
返回列表
