×

用戶登入

找回密碼 | 註冊


王國facebook
義工

全職媽媽 今日: 1|主題: 16097

查看: 553 | 回覆: 8
生多一個的煩惱


民房

國民生產總值:22


發表於 16-12-1 04:30 |顯示全部帖子
大仔四岁半,细仔三个月,未生細b前都係自己凑住大仔,无同99住(99已75歲,但身體還可以)自覺大仔還算聽話!自從生咗細仔後99帮手凑大仔,于是搬到99隔離的單位,99幫埋煮飯,凑大仔返學放學冲涼包括同埋大仔训觉,大仔係做功课时先会过隔離我哋度,呢排开始发现佢问题多多,无之前咁听教,身体亦瘦弱咗,99仲意睇電視,經常同佢十點半甚至十一點先訓,第二日七點半到又要起身返學,仲有依家好痴99,因为99凡事都順著佢,我時時有種無力感,當時唸住生多個好大原因係想阿仔有伴,估唔到依家為咗細b會令到自己疏忽佢,無力照顧佢,睇到佢咁多問題個心亦好痛,好想自己凑返佢,又怕自己無能力凑兩個,細b好痴身,曰頭成日訓唔多,又要人抱住,有無jm可以俾些意見我

王國熱話
3歲女最近經常半夜醒、大喊
我仔二歲俾老師一投訴話打人,玩水。好...
bb成日伸懶腰
婆婆嫲嫲工人湊B係咪會多數會曳D?


別墅

國民生產總值:697


發表於 16-12-1 08:03 |顯示全部帖子
Hi hi,我同你情況差唔多,我大仔3歲,返k1,都算聽教,細女兩個半月,我份工一日只需要返3至4小時,所以大仔出生到依家主力都係我湊,我返工時就請鍾點ee睇住,直到有左細b,我地就選擇請工人,細b出生後,我主力依然都係湊大仔,細B就多數俾工人睇,因為我唔想俾大仔覺得細b ge出生會令我地疏忽左佢,而唔鍾意細b,我聽人講多數細佬妹出生後,大嗰個都會好呷醋,會學返細b ge bb 行為,會蝦細b,我個仔開頭都有呷醋,真係一日一激,但因為我地重心都係放返係佢到,同時教返佢,佢同bb ge分別,到依家睇到佢都聽教返 ,其實我奶奶都住我地附近,我未生時佢都叫我地是但俾一個放係佢到湊,但我知道如果我真係俾左佢,我基本上會無左個仔或者女,我唔係話佢對佢地唔好,相反佢錫到佢地燶,我可以想像到俾佢湊完我仔會變成點,俾細b佢我又唔捨得,所以我地月月清都決定請工人,錦樣我可以日日見到我對仔女,所以我覺得好值得


別墅

國民生產總值:697


發表於 16-12-1 08:18 |顯示全部帖子
因為我都係想多個伴俾大仔,所以我覺得我一定要令大仔鍾意細b同錫細b,所以我覺得你問題係本身你自己湊開大仔,細b一出生,就將佢俾左奶奶湊,自己主力湊細b,佢會覺得細b搶左佢媽咪,再加上奶奶ge寵壞,就會變得好難教,亦都會因為錦而唔鍾意細b,我ge建議係你可唔可以叫你奶奶過黎一齊睇大仔同細b,而你主力睇大仔,細b呢個時候通常都係食同訓,我諗你奶奶都應該應付到,襯呢段時間教返好大仔做哥哥,俾佢知有左細b,爸媽都依然錦錫佢,等佢適應細b ge存在,教得好,大仔都會係好幫手


民房

國民生產總值:22


發表於 16-12-1 10:20 |顯示全部帖子
kavina1234 發表於 16-12-1 08:18
因為我都係想多個伴俾大仔,所以我覺得我一定要令大仔鍾意細b同錫細b,所以我覺得你問題係本身你自己湊開大 ...

多謝晒你的建議,自己之前真係無你諗得周到,完全估唔到會係咁㗎,依家個大仔完全無要啊媽甘濟,好多時都無力到想喊,真係要學你咁將佢地兩個調換,諗返有些錢真係唔慳得


翡翠宮

國民生產總值:79224


發表於 16-12-1 11:51 |顯示全部帖子

回覆樓主:

自己湊番,起碼乜都係你去控制。


別墅

國民生產總值:697


發表於 16-12-1 18:15 |顯示全部帖子
回覆 范范1983 的帖子

唔使擔心,如果之前大仔係你主力湊大,你應該有方法攞返佢個心但始終佢俾人湊過一段時間,你要有心理準備教返佢時需要雙倍的耐性, 只要你堅持,一定無問題,因為媽媽呢個字,係無人可以取代到,加油呀


大宅

國民生產總值:3345

BK Milk勳章


發表於 16-12-1 22:17 |顯示全部帖子
看到你們的經歷,我堅定要請工人了


別墅

國民生產總值:697


發表於 16-12-1 23:29 |顯示全部帖子
回覆 appledai 的帖子

你都將會一湊二?


大宅

國民生產總值:3345

BK Milk勳章


發表於 16-12-1 23:52 |顯示全部帖子
回覆 kavina1234 的帖子

是啊,馬上就會。我大女99帶,但是後來產生很多矛盾,細的我一定要自己來。怕請不到好工人,也不喜歡家裡多個人,我想先試下鐘點,也一邊在找工人,
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎