×

用戶登入

找回密碼 | 註冊


王國facebook
義工

全職媽媽 今日: 7|主題: 16084

查看: 315 | 回覆: 3
好想投訴個醫生!


別墅

國民生產總值:827


發表於 前天 13:35 |顯示全部帖子
各位媽咪,我想請教下你地
我仔23號下午開始發燒,5-6點我發現佢喉嚨底有白點,即刻帶佢去葵芳唐繼昇診所睇,醫生聽完我講佢喉嚨底有白點,再睇佢手上有點紅點,就好肯定話係手足口。
之後醫生開左抗生素,抗病毒,止咳化痰,退燒藥,咁就收左$630。到第二日24號,我仔手臂開始起曬紅點,我屋企人覺得唔對路叫我送醫院,但我諗住手足口去醫院都無用,直至到夜晚7-8點我仔身上D紅疹越發越多,我覺得唔妥再問其他媽咪小朋友出過手足口既情況,個媽咪睇完我仔D相都建議我入急診。
我即刻帶我仔入醫院,醫生話佢唔係手足口,係猩紅熱!個下我真係好嬲,竟然唔係手足口,好彩帶左佢入醫院!如果唔係猩紅熱唔即時處理會有好多併發症!
分流時醫生話唔係手足口,到上病房再黎醫生都話唔似手足口,醫生話因為我仔生既白點(飛茲)同手足口位置唔同,所以唔係手足口!幾個臨床醫生都話係猩紅熱!但又有醫生話佢係非典型手足口同猩紅熱!
同咪第一晚醫生問我有無比過我仔食抗生素,我話有,佢話有D抗生素食左會引起其他疹。其實我有再問其他醫生會唔會係食左診所隻抗生素先會咁,個醫生又話之前係驚會細菌感染先會問我有無食抗生素,咁就不了了之!
我好想問,咁既情況你地會唔會上診所同醫生理論?我想聽下大家意見再決定我應該做D咩!

王國熱話
仲有4日
又係默書
買股票輸左 $2000
今日我生日


大宅

國民生產總值:1080

畀面勳章 BK Milk勳章


發表於 昨天 00:57 |顯示全部帖子
敢醫生都會有斷錯症嘅,你仔D症狀都糸手足口基本症狀,個人覺得唐醫生是好好嘅醫生,敢你呢種情況可以同唐醫生傾下
知足常樂


別墅

國民生產總值:827


發表於 昨天 13:03 |顯示全部帖子
我都明白可能未發曬出黎睇錯唔出奇,但問題係如果分流時醫生睇得出仔仔飛茲位同典型手足口唔同,咁唐醫生當日都一定睇到的!小朋友黎架,萬一有咩事點算。佢收得貴就要比D好既醫療人地,但竟然係信唔過既!我寧願佢同我講要再觀察,而唔係一口咬定非常肯定就話係手足口!如果佢好似大家咁只係睇表面就判定佢係手足口,咁我自己係屋企覺得佢係手足口都可以唔洗去睇醫生啦。


別墅

國民生產總值:566


發表於 10 小時前 |顯示全部帖子
投訴都無用 醫生都係人
都會有錯既時候 何況個個人手足口時開始發病既地方都唔同
急症室既醫生護士睇手足手既經驗實比唐醫生多
記唔晒啲位置有幾出奇 唔好咁就話要投訴啦
最多咪打番個電話落去同醫生請原來個仔唔係手足口係猩紅熱
然後喱世都唔再睇佢囉
就算比係投訴完又點唔錯都錯左

你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎