吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 奶奶陪月夠嗎？

懷孕前後今日: 25|主題: 329684

收藏本版

發帖

返回列表

跳至頁

樓主: Yuki_8866

奶奶陪月夠嗎？

[複製鏈接]

123 4

babykie

複式洋房

積分: 418

21^#

發表於 17-1-12 16:54 |只看該作者

Yuki_8866 發表於 16-12-11 16:20
第一胎，奶奶叫我唔洗請陪月，想問一下得奶奶一個陪月夠嗎？

你咁勇敢搵奶奶做陪月？勇氣可嘉！

私人傳訊

草莓囡囡

大宅

積分: 2759

22^#

發表於 17-1-17 10:56 |只看該作者

回覆樓主：

本帖最後由草莓囡囡於 17-1-17 11:02 編輯

同意所有姐妹講的，要考慮奶奶識唔識煮坐月的湯同餸（唔係要九大鬼不過大概有個概念知到要清淡同邊D食物會回奶或多奶）

我上一胎個時因為同奶奶同住，間屋又係佢，我都唔方便請個陪月用佢廚房，加上佢又話煮坐月D嘢好簡單，所以佢就幫我坐月，佢會幫我煮野食，照顧Bb我自己全部搞掂。但開始左幾日之後，佢每日都同我講唔知煮咩好，同埋佢覺得每日煲湯好辛苦，想一煲湯飲幾日，佢每日個樣好似好慘，好似我逼到佢好辛苦，於是我同佢講唔洗再煮同煲湯俾我，你想煮咩同幾時煲湯就幾時煲。個時我真係俾佢一鑊Q起，不過冇幫法，我都係早餐食麵包，午餐食公仔麵，晚餐佢有煮但唔係月子餐時食的餸，例如涼瓜、咖喱雞個D。當然都唔會有人煲薑水俾我沖涼之類，所以我第一胎基本上冇坐過月。

今胎我好醒了，加上我已經唔同奶奶住，我搵左陪月，陪月一星期黎五日，每日五個鐘，我最主要幫我買餸煮飯，照顧BB我自己都係想一手一腳做，最多陪月幫BB沖涼就可以了。本來奶奶話有兩日陪月唔黎，可以幫我，佢一番好意，我OK，但怕佢好似上次唔知煲什麼湯，於是我自己買好煲湯藥材，pack 好左差不多二十包，等佢只需要買舊肉出水，放埋我包湯包就煲得，唔係佢煩煲什麼，但昨天攞俾佢，佢又話佢D女嘅陪月唔係煲呢D，問我邊度學返黎，又話包咁多包，佢都唔識。其實我已經好平和同佢講解但佢一邊聽一邊皺眉，我個一刻知道求人不如求己，所以我返左屋企之後，同老公講我都係唔想奶奶幫手煮嘢食，佢得閒幫我看住大仔會更好。老公都好好，幫我同奶奶講。

我覺得最好唔好搵奶奶陪月，因為個一個月你情緒變化好大，加上唔夠瞓同要適應BB，你會好易冇耐性同個人會比較敏感，呢個時候仲要同奶奶有咁緊密的見面，99% 會出事，我情願請個陪月，好話唔好聽，就算有什麼唔好，一個月後都唔再見面，要爆佢或者又什不快事件都會過去，但奶奶係揮之不去，所以唔好博。

私人傳訊

duck2mui

複式洋房

積分: 312

23^#

發表於 17-1-17 13:27 |只看該作者

草莓囡囡發表於 17-1-17 10:56
同意所有姐妹講的，要考慮奶奶識唔識煮坐月的湯同餸（唔係要九大鬼不過大概有個概念知到要清淡同邊D食物會 ...

百分百認同樓主。
我同奶奶一家人住，我決定如果生左b,坐月都係返娘家坐。

私人傳訊

黃金魚蛋

大宅

積分: 2115

24^#

發表於 17-1-17 16:21 |只看該作者

如果有錢緊係請陪月
生完媽媽最需要休息呢個時候加埋情緒變化同99有衝突就唔好啦
最緊要有人幫輕媽媽媽媽可以負責餵奶同休息就已經好好

私人傳訊

mblwong

大宅

積分: 3525

BK Milk勳章

25^#

發表於 17-1-23 01:02 |只看該作者

經驗話我知如果唔打算請陪月，返娘家坐月最好。如果唔可以就睇下係咪同奶奶住，唔係的話睇下自己阿媽可唔可以隔幾日過自己屋企准備定半個禮拜的食物咁。

私人傳訊

ilovebaby111

大宅

積分: 1839

26^#

發表於 17-1-29 19:11 |只看該作者

想借post問，我情況係咁：上胎娘家坐月（感滿意）今胎奶奶已上了陪月課程打算幫我坐月，我有工人，覺得可行嗎？有什麼可以分配工人而不用奶奶幫我做？

註：我心底唔係咁鐘意奶奶，但只係我個人問題（就當係我同佢夾唔來）我奶奶係一個好人，唔會對我衰

私人傳訊

Yoayoa

別墅

積分: 576

27^#

發表於 17-1-31 17:47 |只看該作者

永遠嘟不夠

私人傳訊

oo蕃茄仔oo

大宅

積分: 3450

畀面勳章

28^#

發表於 17-2-1 19:40 |只看該作者

sonsonia 發表於 16-12-18 13:38
有錢請陪月啦！我就係信錯99，講到自己乜都識，到坐月日日問返我食得啲咩，煮到勁重口味勁油... 湊b既野又 ...

Waaaa，我同你嘅經歷一模一樣呀

私人傳訊

sonsonia

大宅

積分: 1271

29^#

發表於 17-2-2 15:18 |只看該作者

oo蕃茄仔oo 發表於 17-2-1 19:40
Waaaa，我同你嘅經歷一模一樣呀

Give me five! 最後我係完全無補過，仲病左幾次...

私人傳訊

oo蕃茄仔oo

大宅

積分: 3450

畀面勳章

30^#

發表於 17-2-2 16:09 |只看該作者

sonsonia 發表於 17-2-2 15:18
Give me five! 最後我係完全無補過，仲病左幾次...

我都係病咗幾次喎，身體差過未生之前

私人傳訊

sonsonia

大宅

積分: 1271

31^#

發表於 17-2-2 16:40 |只看該作者

oo蕃茄仔oo 發表於 17-2-2 16:09
我都係病咗幾次喎，身體差過未生之前

係喎！我地同病相憐啊！

私人傳訊

蘇菲薊

複式洋房

積分: 493

32^#

發表於 17-2-14 18:20 |只看該作者

Yuki_8866 發表於 16-12-11 16:20
第一胎，奶奶叫我唔洗請陪月，想問一下得奶奶一個陪月夠嗎？

本帖最後由蘇菲薊於 17-2-14 18:22 編輯

我都中左伏，
一心以為奶奶好好幫手，點知原來唔係.....
我出左院5日，傷口埋得唔好，但奶奶又要做家務，無人湊阿b, 日頭又湊，夜晚又湊

我同奶奶講，阿b 要定時定候隔四個鐘餵一次奶,佢唔信。係都要阿b 大喊先餵，佢話咁餵得快啲，擺明就係無耐性，唔想餵。我傷口痛先無佢咁好氣。好啦，今日去健康院，阿b輕左仲要有黃疸。姑娘講bb 要隔幾個鐘食一餐佢先話，係囉，我都話。哇，我頂，佢之前唔係咁講。

仲有，條臍帶甩左。我話咩都唔洗，洗完印乾就得，佢係都話要用紗布蓋住，我話唔洗，佢唔理。到今日去健康院，姑娘話咁蓋住無得抖氣，佢先信。我頂佢啦！

係！奶奶係好，做左好多野。但我生完情緒好低落，仲要傷口好痛。bb 又黃疸又甩臍帶。我已經好心煩。講佢又唔聽。又唔比我洗頭。

我真係無曬辦法，依家都好後悔。。。
有錢一定要請陪月
費時自己勞氣
比自己多啲時間休息
坐月好緊要

私人傳訊

bbtomatobb

別墅

積分: 952

33^#

發表於 17-2-15 14:19 |只看該作者

咁又唔好咁樣嚇呢位jm

我同奶奶關係唔錯
平心而論佢都錫我

當時有奶奶同陪月幫手
奶奶負責買餸同頂半個夜更
已經幫左好多

但生完BB 情緒真係麻麻
聽到D 乜野都會無限放大
例如我個女pat pat 位有胎記
佢就會話係我大肚時無戒口
係唔係唔夠奶BB 好肚餓等等

其實自己亞媽都係咁講
唔知點解奶奶講就特別唔開心

宜家睇返都幾無謂
所以凡事一定要睇開D
提醒自己係受到荷爾蒙影響
諗野比較負面, 無事GE

私人傳訊

bean12

大宅

積分: 1163

34^#

發表於 17-2-18 18:44 |只看該作者

千奇坐月唔好望99會幫手！！有排後悔！！

我啱啱生完第9日，未生前奶奶就講聽到阿邊個坐月整咩比新抱食，唔好食乜。當時念住有三餐食就算喇，冇特別要求。
出院前一日係醫院仲問我媽，坐月係咪要食早飯，我媽話係，三餐都係要食飯。好喇，出院第一日，奶奶接近晏晝1點先拎飯黎比我食（當時我媽已經過左黎，煲埋水幫bb沖涼）。我媽知99咁晏先拎野比我食已經覺得過份，所以第2日我媽10點煮埋飯同湯比我食左先，奶奶仲要接近2點先拎黎（佢事前唔知我媽會煮）。佢見到啲飯「胡」係到，冇出聲，之後每日2點個餐都冇再煮，只係夜晚8點煮完叫老公拎比我，出院咁多日湯都冇啖飲過（老公日日返去食都有湯飲）。
加上佢連幫bb換片都未換過一條，仲成日話湊孫，有時全日都過黎望過個孫一次（2間屋距離行路唔洗10分鐘）
所以樓主，奶奶坐月要三思呀！我依家好想返自己媽媽到坐月！

私人傳訊

monmon0220

禁止訪問

積分: 260

35^#

發表於 17-2-19 12:04 |只看該作者

提示: 作者被禁止或刪除內容自動屏蔽

私人傳訊

ccchan1980

禁止訪問

積分: 371

36^#

發表於 17-2-19 19:18 |只看該作者

提示: 作者被禁止或刪除內容自動屏蔽

私人傳訊

minnie.mama

公爵府

積分: 26442

37^#

發表於 17-2-24 08:18 |只看該作者

rachel_tim 發表於 16-12-11 17:19
要了解你99先..佢有冇同人坐過月, 係咪識煮. 年紀會唔會太大.
會唔會過於迷信.(又唔比沖涼, 又唔比洗頭)
...

經濟許可我就建議請，佢哋嗰一套太傳統喇

私人傳訊

aquaQ

大宅

積分: 1248

38^#

發表於 17-3-1 15:38 |只看該作者

cometingliu 發表於 17-1-1 14:44
老人家覺得啲錢洗得唔值，但你自己畀得起就最好請月，奶奶信唔過又唔話得
...

「信唔過又唔話得」好中！！

私人傳訊

shadowrainbow

男爵府

積分: 8774

39^#

發表於 17-3-3 18:23 |只看該作者

當年, 生大女時，奶奶話會幫手.
結果，產後在醫院，丈夫帶一瓶紅青蘿蔔瘦肉湯來，叫我快的飲晒佢。
連隔離床個產婦都 O 咀，佢忍唔住搭左一句咀話 " 蘿蔔破氣架，點飲得架？！"
丈夫同我都無經驗，對望左一下，丈夫話 '阿媽一番心意，應該可以飲掛.."
於是飲左。

到出院，我是餵人奶既，因未上奶，於是向奶奶請教上奶方法，佢凈係話 " 你無奶？我地舊時的奶，滴珠架！"
結論是奶奶不停講佢的奶有幾好，但無教過點樣可以上奶。

整個坐月期間，叫我食薑醋，其它乜都唔可以吃。於是早晚吃薑醋，吃到第十天，諗住吃的菜，佢又同我丈夫講，菜好涼，唔可以吃。於是又無得吃。

後來，大新抱 (大嫂) 致電，慰問期間，教要煲雞飯，同如何處理BB紅屁股的心得，我永遠緊記佢既幫忙。當時，佢語重心長話 , " 我知你無媽媽可以幫妳坐月，你要靠自己幫自己補身。奶奶係唔會煲湯比新抱飲架。咁多個新抱，佢一個都無煲過！" 當時才知中伏！

奶奶幫手同BB 洗澡。及後我同菲僱商量，自己同阿B 洗澡，以後唔敢勞動佢老人家。
後來，我生第二個BB , 整個坐月，靠自己同工人。

見到呢個post, 理解一些媽媽，無人幫自己坐月時，真係好無助。
亦在此, 想同一些奶奶講一聲，如果妳們會幫手為新抱坐月，請考慮到自己的體能，及時間能否真正幫到產婦。
畢竟，準備薑水，炒米茶，準備及做中午/晚餐及湯水, 帶BB, 餵奶掃風, 與bb 洗澡，消毒奶瓶，洗BB 衣物等是十分忙的, 而且是體力勞動的工作。

如果自己祇能幫忙其中一項，請開心見誠說清楚, 好讓產婦能早些作出適當的安排。

私人傳訊

shadowrainbow