寶寶的免疫力較成人低,所以有時會咳嗽、打噴嚏,甚至發燒,很多新手父母都會因此而怪責自己,你在小朋友生病時,又有否出現劇中Betty過份擔心的情況?
其實生病,幾乎係每一個小朋友喺成長過程嘅必經階段,唔一定因為有人為錯誤先會發生。而發燒,即係身體溫度比正常高,好可能就係生病嘅徵狀,亦可能係接受免疫注射後嘅反應,表示身體嘅免疫系統正常操作,以對抗外來嘅病菌。
如果BB發高燒,最好就係為佢量度體溫,同埋觀察佢嘅發燒情況係咪持續、有冇出現食慾不振、煩燥等現象。當出現呢啲現象嘅時候,可以同佢沖涼或者補充水分,幫助BB退燒。如果真係有異常情況而又好擔心的,就應該帶佢去睇兒科醫生。
BB病咗,冇人想嘅,最重要嘅係,夫婦之間亦要互相支持,先可以畀BB最好嘅照顧。
請即上家庭議會網站,瞭解更多親職敎育資訊:
http://www.familycouncil.gov.hk/tc_chi/edu/edu_newborn.htm