我當年係足2歲後(12月出生)去叩N班門叩回來的。
之前全部考不上,但9月開學後,可能有些細路唔適應或第處有位,總有中途退出/轉校的,我去叩啱有,就試返了一星期2個鐘,之後就轉全日了。
我覺得返N最大得益係個仔有同齡玩伴日日一齊玩,呢點大人點照顧都俾唔到,除非你已經有班其他細玩伴日日同佢一齊玩。
反而佢返咗學後,改變咗好多我對教育佢嘅睇法,第一次面對別人客觀指出我個仔問題(我以前認為絕不是問題)點消化?聽或不理勸告?第一次爭執中被咬傷了,點處理?同siblings爭吵引起你發毛嘅感覺完全唔同。那才是除了眠乾睡濕外,學做父母嘅開始。Happiness is not come from so called happy schools, but happy parenting.
我冇大細B嘅迷思,大B唔係易做,因為靠估expected佢“成熟過”細B,越上壓力越大;細B又未必唔能應付,父母要根據仔女個性(只獨留在家絕不全面)去調整期望。返學係我心目中唔係苦事唔係“挨十幾廿年”,苦事係背負超過自己能力嘅父母期望:要科科三甲、要人人稱讚、面對不了批評、面對不了失敗,面對不了無面.....到依家阿仔已經中學,從未後悔夠2歲就送佢返N。