夫婦情感 今日: 1 | 主題: 42419

積分: 486

1^#

發表於 17-2-21 17:26 |只看該作者 |倒序瀏覽 |打印

同C6十年，溝通只限日常既事件描述，佢會對其他人行為有意見甚至指控，係好主觀自我既人，少分享自己感受，更唔會問我感受，對佢有意見我其實都想分享佢知、期望佢思考，覺得需要改就改，我亦唔介意佢對我有意見，我覺得溝通可以令雙方進步，可惜佢一直對我有不滿又唔講，但又無視我諗法，我一對佢有意見就只會逃避、轉話題唔回應，所以近年因為生左小朋友好忙，又唔想失望，所以對佢已冇期望，乜都唔再講，關係亦極差。

直至呢幾個月發現佢有外遇，其實真心講我地關係即時變好返好多，因為我主動返關心佢需要，佢都有改善，但仍然唔夠關心我，就算閒話家常都會打斷我話題，其實我好無奈，因為溝通唔到係我覺得十年以來最大既困擾，搞到關係咁差佢先有外遇，我好驚而家呢刻就算好左，但假如繼續溝通唔到，最終點走落去？

再者，雖然大家見到對方有努力付出，但佢一直都COMMIT唔到我同外遇斷，只叫我俾時間佢處理，但又冇講要幾耐，係佢一貫逃避唔回應既處理手法。工事令佢地繼續往來，除工事外仍然講私事，相信佢有提出過分手，但第三者仍然對佢表示關心同情感，明顯唔放手繼續等，我唔知我仲有幾多耐性去包容……

有冇男士可以分享下男人係咪都係咁樣冇溝通法？我自問了解佢性格，但無從了解佢想法。或者JM們既C6係咪都係咁？定只係我對溝通既要求太高？

0 0 0

私人傳訊

Yee_ng

男爵府

積分: 6303

2^#

發表於 17-2-21 17:37 |只看該作者

有無直接問C6期限?或者佢唔比期限,你又有無自己打算,有時唔需要佢比唔比期限你, 你講你自己底線去到邊自己打算等到幾時, 唔好比佢拖你

私人傳訊

積分: 46960

開心吸收勳章

3^#

發表於 17-2-21 17:42 |只看該作者

本帖最後由 wing1388 於 17-2-21 17:46 編輯

chingchub 發表於 17-2-21 17:26
同C6十年，溝通只限日常既事件描述，佢會對其他人行為有意見甚至指控，係好主觀自我既人，少分享自己感受， ...

其實男人一般都係少說話的，亦有可能唔係佢說話少，而係女人嘅說話比較多，因為女人好多時一有不滿都會一五一十咁講晒出嚟先舒服，唔似得男人咁會行動去解決個問題，我舉個例：如果屋企個水喉漏水，我諗女人會一嚟就同個老公講水喉漏水，叫個老公搞搞佢，又或者叫老公搵人整....但男人見到個水喉漏水，多數會自己主動搞搞佢，又或者妳未發覺時已經整好，妳可能唔會知個水喉漏過水添！

所以呢啲係男女有別，千祈唔好怪責任何一方少溝通或多說話，因為根本男同女就係有唔同嘅觀點與角度，而相唔相處到就睇兩個人可以接受到幾多吧！妳覺得佢唔夠關心妳，係由妳嘅準則出發，但可能佢嘅準則佢覺得自己做夠，所以只係妳同佢呢方面嘅差別而已！如果你哋都唔接受大家，只可以講係根本二人都唔夾。

P.S. 我是男人

百花叢裡過，片葉不沾身。

私人傳訊

Nancy20090615

瑪瑙宮

積分: 127836

4^#

發表於 17-2-21 17:55 |只看該作者

最大問題係佢唔應承斷, 咁解決解決到幾時? 2018, 2019? 話斷就斷咁簡單, 做唔到即係對對方已有感情, 你尼方面又無比壓力佢, 佢會盡拖. 時間再多, 更難捨難離, 感情再厚, 其實都係分唔到. 女方如果有心整大自己个肚, 到時咪更難斷. 宜速戰速決. 當然你用婚姻去搏, 有機會輸的, 考慮清楚先好行動.

私人傳訊

skac

子爵府

積分: 11389

5^#

發表於 17-2-21 19:47 |只看該作者

唔斷，我都接受唔到，永遠三人行嗎？！

私人傳訊

hrrecruit

積分: 423

6^#

發表於 17-2-21 20:27 |只看該作者

Nancy20090615 發表於 17-2-21 17:55
最大問題係佢唔應承斷, 咁解決解決到幾時? 2018, 2019? 話斷就斷咁簡單, 做唔到即係對對方已有感情, 你尼 ...

本帖最後由 hrrecruit 於 17-2-21 20:32 編輯

本帖最後由 hrrecruit 於 17-2-21 20:30 編輯

有時唔係唔想迫，只係迫都冇用，免強令佢講大話呃你，亦冇意思

樓主，想清楚自己條底線啦

私人傳訊

clyl03

伯爵府

積分: 15604

7^#

發表於 17-2-21 23:51 |只看該作者

hrrecruit 發表於 17-2-21 20:27
本帖最後由 hrrecruit 於 17-2-21 20:32 編輯

本帖最後由 hrrecruit 於 17-2-21 20:30 編輯

咁又係，你迫到個日子出來又點？那邊一路掹住唔放都好難斷！

私人傳訊

Rubik

積分: 32229

8^#

發表於 17-2-22 10:29 |只看該作者

一年前我經歷緊同你一樣嘅情景，望返轉頭，你問佢幾時斷係無意思的，佢話比你聽斷咗，你又會覺得佢呃你，佢話比你聽未斷，自己又痛，所以最好係將焦點放返係自己身上。

選擇等，就等c6段畸情變回現實，當熱戀感覺因時間過去兩人相處就會出現問題，可能係條女迫佢交代，又或者佢自己清醒發現有嘢要解決，當然唔知等幾耐又或者結局係咪如自己所願。但我呢一年從書本、網上吸收關於外遇嘅知識，大致上都係差唔多，正正常常嘅話都有條路跟的。

選擇離開，就諗清楚自己的後路同需要嘅嘢

旁人比意見好容易，一句叫你離婚都係係鍵盤上打兩隻字，但自己係唔係咁諗又另一回事

加油！

私人傳訊

積分: 486

9^#

發表於 17-2-22 13:03 |只看該作者

wing1388 發表於 17-2-21 17:42
其實男人一般都係少說話的，亦有可能唔係佢說話少，而係女人嘅說話比較多，因為女人好多時一有不滿都會一 ...

你講中左，一開始都覺得唔夾，我都明男女間係有差別，思考方式唔同，但已選擇左，仲有小朋友，都唔想咁輕易放棄。其實你講得岩，大家期望係有唔同，所以我都只係盼望大家可以finetune少少，令差距拉近少少，從來冇諗過要改變一個人。

我係佢身上攞唔到佢既想法，都希望有其他人可以share俾我知男人既諗法，多謝！

私人傳訊

積分: 486

10^#

發表於 17-2-22 14:14 |只看該作者

Rubik 發表於 17-2-22 10:29
一年前我經歷緊同你一樣嘅情景，望返轉頭，你問佢幾時斷係無意思的，佢話比你聽斷咗，你又會覺得佢呃你，佢 ...

我都睇過啲counselling網站，話外遇一般由熱戀、到回現實，再完結，要3年時間，係呢段時間，做另一半真係要超強耐性去忍，有時係自己都唔相信自己可以守得住幾年，中間太多高低起跌既情緒影響住自己，始終人都會自私，去到絕望位都想顧自己感受多啲，離婚真係比較容易既方法解脫。

我仲未諗清楚自己既底線，唔敢做錯決定令自己後悔。

私人傳訊

積分: 46960

開心吸收勳章

11^#

發表於 17-2-22 15:02 |只看該作者

chingchub 發表於 17-2-22 13:03
你講中左，一開始都覺得唔夾，我都明男女間係有差別，思考方式唔同，但已選擇左，仲有小朋友，都唔想咁輕易 ...

其實每個人嘅想法，基本上都係源自佢嘅出身，家庭背境，受嘅教育，人生經歷....等等，如果佢由細到大屋企都係家長一言堂的話，咁做仔女嘅自自然然會變得沉默一點，而再引伸至出來社會工作，如果成日都受到不公平對待，鬱鬱不得志，咁脾氣又點會好？於是都係會少說話多做事...

所以要佢自己開竅先會有所改變的，妳做老婆嘅嫁佢嗰陣係點，其實都要接受佢係一個唔願意表達自己想法嘅人，如果憑妳自己可以改變到佢的話，咁證明妳好本事，因為妳嘅影響力足以改變一個有幾十年根深砥固性格嘅人，但做到嘅人的確唔多。

有時啲嘢爭少少就係爭少少，如果妳想繼續行落去的話，就要接受佢嘅「唔完美」囉！

百花叢裡過，片葉不沾身。

私人傳訊

~小樹兒~

男爵府

積分: 6156

12^#

發表於 17-2-22 16:10 |只看該作者

其實對方肯付出多少也代表他本身有多愛你
只有對方愛你，才會心甘情願為你幸福付出和努力
不夠愛，會時常感到有心無力

私人傳訊

積分: 486

13^#

發表於 17-2-22 18:40 |只看該作者

wing1388 發表於 17-2-22 15:02
其實每個人嘅想法，基本上都係源自佢嘅出身，家庭背境，受嘅教育，人生經歷....等等，如果佢由細到大屋企 ...

同佢比，我反而係沉默嗰個，我只係比較積極面對同冷靜解決問題既人，所以先咁強調有問題要溝通。其實佢唔係沉默既人，對朋友佢會風趣健談，只係處理同我既相處問題會好自我同收埋，我從來唔覺佢會企係別人角度想，我都好明佢有佢成長背景，好多性格同諗法都來自原生家庭，只係我自己奢望佢經過今次事件會有少少改變掛……
我知而家都冇人講到以後會係點，只能見步行步，唯有自己調節一下期望！

私人傳訊

積分: 486

14^#

發表於 17-2-22 18:50 |只看該作者

~小樹兒~ 發表於 17-2-22 16:10
其實對方肯付出多少也代表他本身有多愛你
只有對方愛你，才會心甘情願為你幸福付出和努力
不夠愛，會時常感 ...

你一咁講，突然令我有啲擔心，但我相信佢點都係愛自己多過愛其他人。佢比較主觀自我，不過佢解釋過為左就我，所以寧願忍唔嘈交，但我唔明佢點解覺得忍就係等如解決問題，呢種想法我唔會認同。

私人傳訊

積分: 46960

開心吸收勳章

15^#

發表於 17-2-23 09:57 |只看該作者

chingchub 發表於 17-2-22 18:40
同佢比，我反而係沉默嗰個，我只係比較積極面對同冷靜解決問題既人，所以先咁強調有問題要溝通。其實佢唔係 ...

呢個世界就好似一早規定咗，EQ高要包容EQ低嘅人，有能力就要照顧冇能力嘅人，豁達就要包容小器......所以往往人就會俾呢啲規範搞到自己唔開心，內心變得極度失衡無處宣洩...但係，其實人都可以say no的...要學懂對一啲不合理嘅事情say no，理性地表達自己嘅睇法...當然對方唔一定要接受，但最起碼妳會知道邊一個位係可以彼此接受，河水不犯井水得嚟又可以共同相處落去！

點評

夏落特

發表於 17-4-4 09:49

百花叢裡過，片葉不沾身。

私人傳訊

積分: 486

16^#

發表於 17-2-23 17:48 |只看該作者

wing1388 發表於 17-2-23 09:57
呢個世界就好似一早規定咗，EQ高要包容EQ低嘅人，有能力就要照顧冇能力嘅人，豁達就要包容小器......所以 ...

我都覺，只要係包容度高既人就要去接受啲包容力低既人，伴侶好，工作partner好，都係咁……
有時會諗，打工受薪就遇左乜都要受，但伴侶就唔想，我又唔係等你養，係咪應該大家攞出黎傾互相尊重會好D呢？但實情係，就算SAY左NO都冇人覺得要理，好無奈
仲有，命運都會特別俾你重覆遇到相類似既人……好似既然你有呢種天賦你就要處理呢種人咁……又係另一種無奈……

私人傳訊