想生BB

跳至

首頁

尾頁
   62


大宅

積分: 3452


發表於 17-4-3 19:04 |顯示全部帖子
20170101 發表於 17-4-3 15:55
回覆 20170101 的帖子

同一時間, 有親友之前又係多次小產, 佢最睇左陳雲X 醫生成功生B, 所以我同老公又走 ...

感受到你的辛苦經歷,好想睇落去。你好叻,恭喜您


大宅

積分: 2075


發表於 17-4-5 00:13 |顯示全部帖子
追post 推..
係咪最後係威院揾李教授 食薄血同打藥同針 而成功呢?


大宅

積分: 2080


發表於 17-4-5 01:44 |顯示全部帖子
我正在處於極度想放棄狀態。。。一次小產,兩次IUI失敗 。。。本身嚴重多囊,子宮內膜異位,老公常子型態得 1 - 3 %! 我已經33!由 30 試到 33.。。。。。


我已經頂唔順! 不停諗"無仔女既人生"係點。。。。。。我由細到大都好想做媽媽的! 而家好痛苦!


男爵府

積分: 5313


發表於 17-4-6 13:34 |顯示全部帖子
回覆 ourbobbie 的帖子

威院prof.Li 呀, 不過冇打簿血針....過程一匹布咁長


男爵府

積分: 5313


發表於 17-4-6 14:16 |顯示全部帖子
bubujew 發表於 17-4-5 01:44
我正在處於極度想放棄狀態。。。一次小產,兩次IUI失敗 。。。本身嚴重多囊,子宮內膜異位,老公常子型態得 ...
我呢幾年都經常諗定自己將來冇仔冇女既生活, 等自己到失敗放棄時心裡有思想準備好過D...但事實係為一件「未知」既事情早下結論, 對事情冇好既幫助, 又為自己添痛苦壓力....退一步, 做好可做的實事, 其他的只好順應自然發展而去。(我之前因為壓力太大, 去見心理輔導先放開D)


大宅

積分: 2080


發表於 17-4-7 00:44 |顯示全部帖子
回覆 20170101 的帖子

我其實真係寧願有人話我知我呢世都唔會有小朋友,都唔想有希望但最後失望!


別墅

積分: 542


發表於 17-4-7 17:32 |顯示全部帖子
回覆 20170101 的帖子

多謝分享, 期待故事下集。


複式洋房

積分: 181


發表於 17-5-3 21:18 |顯示全部帖子
20170101 發表於 17-4-6 14:16
我呢幾年都經常諗定自己將來冇仔冇女既生活, 等自己到失敗放棄時心裡有思想準備好過D...但事實係為一件「未 ...

我都會咁諗
有時諗下係咪要接受冇小朋友
定係再繼續試

期待你嘅分享


男爵府

積分: 5313


發表於 17-5-27 10:55 |顯示全部帖子
回覆 20170101 的帖子

威爾斯治療編


我又回來了。之前太忙冇時間UPDATE


還記得當年在機緣巧合下,得知威爾斯的李教授對慣性小產好有經驗, 所以就決定去搵佢。
教授睇過我之前好多唔同的報告, 話IVIG 治療未得證實, 而抗體有好多好多種, 根本驗唔曬, 而之前拎去美國驗血的報告下面註明化驗項目FDA都未有, 所以認為不可信, 亦冇文獻有提及相關IVIG 治療有效, 所以要我跟佢地方案先做檢查, 排除可能原因, 再決定治療方案。
以下是我在威院做過的檢查,前後連覆診,花了好幾個月:


1.抽血,驗最重要的幾種類抗體

2.夫婦染色體
3.照子宮同輸卵管結構
4.最重要: 刮子宮內膜組織化驗抗體



檢查結果係我沒有抗體問題, 結構亦正常, 只是我黃體HORMONES不足。待續。


大宅

積分: 1368


發表於 17-5-27 12:03 |顯示全部帖子
20170101 發表於 17-5-27 10:55
回覆 20170101 的帖子

威爾斯治療編

照子宮同輸卵管結構
是要照CT 嗎?


男爵府

積分: 5313


發表於 17-5-27 12:19 |顯示全部帖子
回覆 pinkyee 的帖子

應該係CT。佢打顯影劑入去, 子宮要放個波入去再PUMP 氣吹脹佢....有強烈M痛感


大宅

積分: 3871


發表於 17-5-27 17:12 |顯示全部帖子
20170101 發表於 17-5-27 12:19
回覆 pinkyee 的帖子

應該係CT。佢打顯影劑入去, 子宮要放個波入去再PUMP 氣吹脹佢....有強烈M痛感

想問你做完呢d 檢查之後
係咪就可以開針?
放胎後有無用乜野配合呢?


複式洋房

積分: 208


發表於 17-5-27 18:06 |顯示全部帖子
我自已本身係多囊泡,結左婚一年後,開始想要小寶寶,好努力睇婦科,醫生一開始比 避孕丸我食,食左6個月話我的指數0k可以食排卵丸,我還好天真地認為衹要吃到排卵丸就一定成功……點知一個月接一個月來M,M來的一刻我好失望,好傷心,覺得最錯係自己,生不出的責任在於自己, 會在黑房內大哭!如是過左年半未成功,轉去睇不育,又天真地以為做iui好快成功!點知老公的精子4樣有3樣肥佬……醫生話不 建議做iui……直接做ivf,但1x萬唔係禁易拎出來的,我當場哭左出來……我們的感受好難同外人道出,因為佢地衹會覺得放鬆就能成功!但見到你這樣困難都可以成功,令我增加信心!加油落去!


別墅

積分: 703


發表於 17-5-28 02:46 |顯示全部帖子
留條腳毛追睇


男爵府

積分: 5313


發表於 17-5-30 13:00 |顯示全部帖子
回覆 20170101 的帖子

排卵藥


教授排除了引起慣性流產既大原因之後, 針對黃體不足問題建議我食排卵藥, 補足我黃體HOMONES 低的問題。


2015年2月開始食第一次藥,呢個月要先避孕, 再抽血睇下藥效合唔合適。


3月開始正式造人生活,我自己再用紅D 估計排卵日...如是者, 試左兩個月都唔得。


第三個月教授叫我照陰超追蹤排卵情況, 再按時夜晚回醫院打破卵針然後第二日行埋。到DUE DAY 抽血驗孕, 結果是+ !!!!我前一日FEEL 到強烈乳頭痛, 之前從未試過咁 !!! 可惜開心左一日, M 竟來! 仲要勁多, 原來化學懷孕了。我和老公失望到極點,但教授好樂觀, 安慰我可以化學懷孕代表我受孕冇問題, 只是時間問題, 要耐心。今次事情來得快去得快. 心情都好快冇事。由於教授發現我子宮內膜不夠厚(可能食了排卵藥有關), 加上我同老公要定時交功課有困難, 所以我地決定進一步試IUI。




大宅

積分: 4031


發表於 17-5-30 14:16 |顯示全部帖子
本帖最後由 prof.mimichan 於 17-5-30 14:17 編輯




男爵府

積分: 5313


發表於 17-5-30 14:19 |顯示全部帖子
回覆 20170101 的帖子

IUI


又休息一個月, 聽了醫院講座, 正式做IUI !


第一次IUI
自己幫自己打針,感覺OK 唔太痛。到我滿心期待回來超下排卵情況, 竟然發現我有8粒卵 !!!係8粒!! 天呀, 我對D藥反應太大, IUI 要取消進行! 連自己行埋都唔可以, 因為中左會好危險 ! 我好唔甘心好嬲, 錢花了, 針打了, 卵排了, 但乜都唔可以做 !!!! 最重要係時間又白白浪費了 ! 我又要再休息一個月先可以再來IUI ...冇法, 只好接受。


第二次IUI
教授今次要我隔幾日就噃去照超聲波, 再調教藥量。今次結果有兩粒,順利放精。可惜失敗告終。又要再休息一個月。


第三之次IUI
今次得一粒蛋, 只要成功, 有一粒已足夠, 唔貪心。
上一次放精後有D出血情況, 加上我有子宮後屈, 教授今次幫我注水入膀光, 邊幫我超肚超邊放精, 過程都順利。 可惜最後都係失敗收場。好傷心, 15年已經過左10個月有多, 努力左咁多個月都係失敗, 我心好痛。


男爵府

積分: 5313


發表於 17-6-9 20:54 |顯示全部帖子
本帖最後由 20170101 於 17-6-9 21:00 編輯

回覆 20170101 的帖子

決定IVF+PGS 前 ~ 中醫治療




排卵藥同IUI 都幫唔到我, 我決定要好好休息, 因為個子宮同卵巢已經透支左好多個月了。
沈醫師建議我調理好後做IVF....我諗都冇諗過自己要行到呢一步。我又開始了日日量體溫煲藥食藥既日子。經期乾淨後隔日針灸到排卵, 之後繼續食中藥至下一CYCLE。一般中藥唔難飲, 但加埋紫河車粉實在很難接受....但為左生仔都要忍。


同一時間, 教授同我地做賽後檢討。我可以自然懷孕, 冇抗體問題, 黃體問題加上子宮內膜唔夠厚既問題都能用藥解決到,而胚胎質素便是關鍵。所以我地最後決定IVF + PGS。


PGS 已是輔助生育科技中最尖端技術, 所以如果我仍然繼續失敗就只好認命。所以,我就邊睇中醫邊預備IVF 要做的事, 例如講座, 抽血化驗等等。


男爵府

積分: 5313


發表於 17-6-9 20:59 |顯示全部帖子
本帖最後由 20170101 於 17-6-9 20:59 編輯

回覆 20170101 的帖子

打針~ 抽卵


中藥調理左幾個月, 2015年就在失敗中渡過。2016年決定開始打針療程。由於我要做PGS, 所以教授想我谷多D蛋出來, 加大藥量。因為我住得遠, 所以都係決定自己打針。我記得最多同時間一次打3支針, 其中一支要溝鹽水....每朝8點準時打針, 隔幾日又要一早去醫院照超聲波, 之後又要趕噃工...呢種模式已經習慣了。最後, 我有十幾粒蛋, 6粒去到DAY5, 但做埋PGS 只剩3粒, 一半有染色體問題。


十幾粒最後只有3粒係完全正常...如果我冇做PGS, 6粒DAY 5蛋隨機植入, 有一半機會係失敗, 分分鐘再小產。所以我冇後悔加錢做PGS, 好值得....至少盡量排除有問題既胚胎唔再行枉路。我記得抽卵時聽住音樂同打鎮定劑, 開頭只覺得有D眼瞓, 但藥效開始散但又未抽完卵個下就勁痛, 要立即加藥麻醉先受到,但之後噃到房就嘔一輪先走得。仲記得抽卵個半日要入住私家產後病房, 聽到初生BB喊聱, 百感交雜。相信成個IVF 最辛苦就係谷卵打針同抽卵呢個過程。由於我谷太多蛋, 怕有OHSS, 事後要食藥,D 靚胚胎就要雪住留待PGS & 植入用。月經在抽卵後唔夠一個星期就來了。


大宅

積分: 1343


發表於 17-6-10 00:10 |顯示全部帖子
20170101 發表於 17-6-9 20:59
回覆 20170101 的帖子

打針~ 抽卵

追!

首頁

尾頁

跳至