×

用戶登入

找回密碼 | 註冊


義工

美國媽媽會 今日: 0|主題: 2359

查看: 819 | 回覆: 9
美國開刀生自己坐月問題


大宅

國民生產總值:3486

BKXmas勳章


發表於 17-3-14 10:26 |顯示全部帖子
大家好!黎緊7月準備開刀生第二胎(由於第一胎係香港開刀生,所以今胎醫生話可以幫我開刀)
由於第一胎係香港坐月有媽咪&大嫂幫手,但呢胎要靠自己,請問有冇jm 有類似經驗,我有乜可以預先準備?(我只諗到可以先炒定米做代茶)
我有考慮過訂月子餐,不過一來幾貴,二來我見啲月子餐好台式怕唔啱食(例如豬肝湯、麻油雞)但如果我想嘗試餵母乳,豬肝不是有收奶效果嗎?
先謝謝大家!

王國熱話
大阪酒店
最近有無人坐印航飛大阪
檳城入境處手腳超慢
2018暑假東京北海道之旅


超級版主

國民生產總值:105149

開心吸收勳章 雞年勳章 2017勳章 BKXmas勳章 最關心BB問題熱投勳章 好媽媽勳章 醒目開學勳章 畀面勳章 有「營」勳章 超級版主 環保接龍勳章 大廚勳章 親子達人勳章 BK Milk勳章 hashtag影視迷勳章 2017媽媽節


發表於 17-3-14 15:19 |顯示全部帖子
置頂有個坐月食譜帖,係以前有JM分享,雖然坐月食嘢都要按體質調整,但你可以當參考下,豬肝好多人都話收奶,我媽以前話對佢冇問題,佢一邊食一邊餵都夠奶俾我食。最緊要係食完睇下反應,如果冇問題可以照食,覺得影響奶量就停。炒米茶我係自己炒定D米,日日用兩湯匙加南棗/去核紅棗加北芪沖一壺熱水,日日飲一壺加湯水、薑醋、奶,唔飲其他。你開刀要留意,唔可以咁快食炒薑飯,進補都唔可以太快。

http://www.baby-kingdom.com/foru ... &extra=page%3D1
花旗太太生活在花旗國,留意時差,你問我未必即時答到。


大宅

國民生產總值:3486

BKXmas勳章


發表於 17-3-14 23:24 |顯示全部帖子
rose-mag 發表於 17-3-14 15:19
置頂有個坐月食譜帖,係以前有JM分享,雖然坐月食嘢都要按體質調整,但你可以當參考下,豬肝好多人都話收奶 ...

謝謝你


複式洋房

國民生產總值:351

BKXmas勳章


發表於 17-3-15 00:15 |顯示全部帖子
BrandonMa 發表於 17-3-14 10:26
大家好!黎緊7月準備開刀生第二胎(由於第一胎係香港開刀生,所以今胎醫生話可以幫我開刀)
由於第一胎係香 ...

你大果個有幾大?老公會唔會放假幫手?如果一湊二,仲要自己坐月真係超辛苦。
我同你個case差唔多,香港第一胎開刀,美國第二胎都係開刀+無人坐月。我果陣係訂台灣人月子餐,唔好食,但都照食左一個月。仲請左個鐘點阿姨,每日三至四個鐘,一星期6日,幫左我兩個月。
鐘點無想像中咁貴,我係bay area, 一星期$250左右,幾年前價,但阿姨只做家務+煮飯炖野,唔會幫手湊bb,唔會幫手買送,唔係專業陪月,所以係你叫佢炖乜就炖乜,有時佢唔識,要幫佢執好材料教佢煲。


大宅

國民生產總值:3486

BKXmas勳章


發表於 17-3-16 00:58 |顯示全部帖子
yllau 發表於 17-3-15 00:15
你大果個有幾大?老公會唔會放假幫手?如果一湊二,仲要自己坐月真係超辛苦。
我同你個case差唔多,香港第 ...

Yllau 你好!謝謝你回覆我
我大仔五歲,不過一向好痴身同倚賴我,到時都怕佢呷醋!我同左老公講希望佢可以請一至兩星期假,佢話應該冇問題!
其實我同老爺一齊住(不過老爺年紀大了,而且一向不太理家務,所以到時都係要靠自己)
請鐘點都係一個方法,可以考慮,謝謝你


複式洋房

國民生產總值:401

BKXmas勳章


發表於 17-3-16 10:01 |顯示全部帖子

回覆樓主:

你喺美國邊度呀? 我食過台式坐月餐, 都OK㗎。最緊要唔洗自己煮, 你仲要開刀添。


大宅

國民生產總值:3486

BKXmas勳章


發表於 17-3-16 11:59 |顯示全部帖子
Jo_be 發表於 17-3-16 10:01
你喺美國邊度呀? 我食過台式坐月餐, 都OK㗎。最緊要唔洗自己煮, 你仲要開刀添。
...

Jo_be 你好!我係San Jose 呀,我上網睇過啲月子餐,比較多評語都係益X坊同廣X,請問你果時叫邊間呢?


複式洋房

國民生產總值:401

BKXmas勳章


發表於 17-3-16 21:57 |顯示全部帖子
BrandonMa 發表於 17-3-16 11:59
Jo_be 你好!我係San Jose 呀,我上網睇過啲月子餐,比較多評語都係益X坊同廣X,請問你果時叫邊間呢?
...

我用廣x 佢哋有搞講座同埋試食 我嗰陣時住Dublin, 佢哋隔两日會送食物嚟 開刀同順產嘅食物都唔同 如果你唔夠奶佢哋會調教個餐單 我嗰次太補流曬鼻血 佢哋幫我adjust 食咗一個月 坐完月之後收身收得快 同埋手腳冇再好似生之前咁成日會冰冷 我老公話如果生多胎 都會用番佢


別墅

國民生產總值:609

BKXmas勳章


發表於 17-6-7 14:00 |顯示全部帖子

回覆樓主

Hello...請問可唔可以俾月子餐嘅網址給我?我預產期係12月,第二胎。大仔今年又係5歳。啱啱移民咗過嚟美國半年,又係煩緊坐月如何...我住喺San Leandro.


大宅

國民生產總值:3486

BKXmas勳章


發表於 17-6-8 14:06 |顯示全部帖子
mores0404 發表於 17-6-7 14:00
Hello...請問可唔可以俾月子餐嘅網址給我?我預產期係12月,第二胎。大仔今年又係5歳。啱啱移民咗過嚟美國 ...

你好!我唔知可唔可以post link ! 不過你上google search (南灣月子餐)就會見到!我之前睇過益x 坊同廣x (都係呢兩間比較多人評論)
祝一切順利
你需要登錄後才可以回帖 登錄 | 註冊

分享按钮
© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎