我從來只睇發表, 但呢單野唔寫唔得, 為免再有人受害, 一定要公開. 上年我請左個搵笨老吹陪月叫BETTY,唔知係佢真名定假名啦, 佢咁做野應該大把人投訢可能改左好多個名都唔奇. 佢高大肥, 年約38-45, 一頭長曲髮, 染有金毛, 眼大大,背個大背包, 自稱範範掂, 咩以前同人做化妝, 又話識呢樣個樣, 仲開左個FACEBOOK宣揚自己有幾勁, 實情係咁既:
搵笨老吹陪月七宗罪:
1.冇愛心
– 喂奶冇時冇候,
目的係塞飽佢自己做野.
嘔奶都話知你.
冇人係度就勁求其, 有人係度就扮曬野, 扮有愛心同佢傾計. 仲有, 18秒沖完一個涼, 沖左咩?
自己諗. 最基本既肚臍要整乾都唔會做.
2.誠信操手有問題 – 唔知點解, 整比我老婆食既野往往得幾件雞, 全部雞下欄野, 一隻雞原來冇雞比? 定係拎左返屋企? 點止雞, 仲有大量藥材花膠海心都不翼而飛. 貴價野整既話只會碎上.
第一次見人咩都切2mm絲.
3.唔識煮飯 – 我冇見過有人可以煮得咁難食同肉酸, 仲有支味精, 味味送滴, 點解我唔買外賣?
4.公器私用 – 我地廚房唔係比人用黎做實驗室, 要宣傳你既新發明 (D狗都唔食既甜品) 上FACEBOOK, 點解係返工時間度做.
5. 大聲夾唔準 – 佢講既野, 信半句都死. 上網SEARCH下都知啦. 你支自製油, 話要同BB成身沬.唔好當人無知, 臭過鬼仔油, https://news.mingpao.com/pns/dailynews/web_tc/article/20160104/s00005/1451842543034
6.
極唔衛生 – 成個廚房周圍油林林, 生肉粒係地下又有水杯又有.呀嬸, 其實你成世人有冇煮過飯?
7. 吹水唔拭咀 - 可能講得大話多, 成日前言不對後語, 呢D唔理, 不過你有時吹得勁得滯, 我地唔出聲唔係信呀, 係唔想教叻你渣.
數都數唔到咁多, 最記得係呢幾點. 奉獻大家, 仔女自己既, 身體都係自己既. 比幾皮野個3唔識7既, 真係睇你好唔好運. 祝大家好運啦.