婆媳關係 今日: 6 | 主題: 27693

積分: 201

1^#

發表於 17-4-20 14:54 |只看該作者 |倒序瀏覽 |打印

本帖最後由 IceW 於 17-4-20 15:36 編輯

上星期五終於忍唔住大爆左奶奶一鑊，到而家條氣都未順到！

同往常一樣，又係無通知之下突然殺過黎，又係買左一大堆餸！我會叫工人每次買兩日餸，但奶奶次次過親黎會重復買左一大堆，最少兩三日餸，最後啲食物唔係變壞要掉垃圾桶，就係冰住食幾日，咁我駛乜一次買兩日新鮮餸？咁冰法我買急凍食物就得啦！講左無數次叫佢過黎話聲我知等我好預算，都係唔理我！試過行前一步，打電話問佢會唔會過黎，佢答可能過可能唔過，未知道！咁我點就佢？啲細路中午要食野，要預備餸菜比佢地，咁我買唔買好？就因為奶奶鍾意過就過，咁點就佢？我買唔買餸好啊？呢樣野已經令我好不滿，所以佢每次過黎都已經好嬲！
上星期五同C6 book左枱夜晚出去撐枱腳，所以奶奶買左餸黎煮無人食，唯有急call朋友過黎食！出去之前我上樓上望下啲小朋友，見到奶奶由廚房門口追住我個女餵野食行到入睡房，再由睡房追返出去廳，我見到就話個女，問佢係咪食飯要坐定定架？邊個周圍走？阿女知我話佢就係度喊，奶奶就即刻哄佢趕我走叫我快啲出去食飯！我走前叫阿女坐定定再叫奶奶唔好再咁追佢食（之前又係講過無數次）先出門口！
同C6食完飯返屋企，睇奶奶搞掂啲野未順便車佢去搭車，兼接手返對仔女！奶奶重係廚房整緊野，咁我同C6就係度等，期間阿女走入廚房，奶奶見到抱起阿女重同佢玩，大佬，你開緊火煲緊野架，抱住阿女行埋個爐度？你有無病啊？我就叫返阿女出黎，奶奶聽到就抱返阿女出黎放低行返入廚房，阿女即刻扭計追入廚房搵嫲嫲，我就好惡咁話，邊個重入廚房啊？係咪知道唔入得架？（平時嫲嫲唔係度，個女都算乖，唔會走入廚房，最多只會係廚房門口望下你做緊咩，但永遠阿嫲黎左，個女就會完全失控兼唔聽我講野），鬧完個女大喊，爬上梳化，奶奶就同佢朋友想哄返阿女，我即時抱起阿女放係另一邊梳化，叫佢地唔好哄...

點評

ami703

發表於 17-5-10 12:57

0 0 0

私人傳訊

積分: 201

2^#

發表於 17-4-20 15:16 |只看該作者

回覆樓主：

本帖最後由 IceW 於 17-4-20 15:37 編輯

奶奶就話我好喝個女，搞到佢喊！果一刻即時跳制頭一次鬧奶奶，對話如下：
我：平時佢好乖，係你次次過親黎搞到佢失哂控我先要鬧佢，就係因為你太縱佢！
奶奶：咁唔駛喝佢啊！搞到佢夜媽媽係度喊！
我：咁佢唔聽我講，我咪要鬧囉！你一過黎佢就唔放我在眼內！
奶奶：你唔可以喝佢鬧佢！
我：個女我生架，我教佢駛唔駛你同意啊？我教緊佢既時候，你要叉隻腳埋黎，關你咩事啊？
奶奶：係啊，個女你生架嘛！巴閉啦！
跟住奶奶就走入房，奶奶朋友就係度打圓場，話奶奶今日辛苦，由下午2點鐘開始係廚房整呢樣果樣，無停過手，C6就話我地無叫佢咁做，已叫左佢好多次過黎玩孫就算，唔好搞咁多野！奶奶就話：係啊！我自己攞黎賤架！我無再理佢地，抱返個仔落去，走前同奶奶朋友講左聲唔好意思，比佢見到頭先嘈交！朋友話明架喇，跟住讚阿仔好乖，乖過家姐好多，我就話，係啊，未比佢（指住係廚房入面奶奶）污染丫嘛，以前家姐都好乖架！跟住同朋友笑笑講拜拜就走返落樓！
C6隔左15分鐘左右就抱返阿女落黎，話頭先同奶奶個朋友傾計，希望借由朋友把口勸下奶奶改變一下！我話你阿媽會聽人講既話，就唔係你阿媽啦！
C6話咁又係！
當晚半夜，下左啖火之後send左篇whatsapp比奶奶，內容大致係話語氣重左，對唔住，我希望大家有點共識，相處會容易一點，希望佢可以過黎前早少少話我知，等我可以預算，唔駛浪費食物同金錢！希望佢可以湊個孫既時候有底線，唔可以完全順哂個孫，個孫就黎要返學要面試，要糾正佢既脾氣同行為，解釋哂我既希望同後果，期望佢會明白！
亦話返比C6聽我whatsapp左奶奶，比佢睇我打左啲咩，同C6講我做既做哂，佢聽唔聽我控制唔到了！
之後，奶奶睇完無覆過我，但就whatsapp 左C6...

私人傳訊

積分: 201

3^#

發表於 17-4-20 15:31 |只看該作者

內容係話：兩個工人唔好，佢係廚房整咁耐野，兩個工人都無幫手，一個睇電視，一個係度揼骨，重黑佢面，話我地教唔好兩個工人，亦唔會教得好小朋友，所以佢先咁緊張每次過黎整野比兩個小朋友食！亦話我地無愛心無耐性，小朋友唔喝得，會有心理陰影，影響成長等等....
C6比返我睇，我咪話，兩個工人黑佢面正常架噃，平時佢係度點到兩個工人唔係人咁，黑面都正常丫！試問你一日行幾十次樓梯，每次兩層，上上落落咁多次，比你都會黑面啦！兩個工人唔幫手？之前想幫佢手，佢就話人地唔識，又話唔駛，趕返人地出去，咁而家又話唔幫佢手啊？佢係咪精神分裂架？佢話要愛心同耐性？佢湊你地果陣有無鬧過打過你地啊？C6話有啊，一唔乖，比5毫子另一個買條藤條即場打！我咪話，咁咪係囉，佢教你地都唔係咁，而且我又唔係要軍訓兩個細路，我鬧佢都因為係你阿媽搞到個女咁先鬧！C6都話係囉，見到個女完全失哂控，抱住唔放得落地，一落地就喊，又發脾氣掉野！佢都覺得好有問題，而問題係出自奶奶度，因為平時個女無咁過份的！
最後，我發覺講咩都好，奶奶都唔會覺得自己有問題，只會覺得自己已付出好多，我地班後生既忤逆、不孝！凡事都話係為你地好，但實際上只係為自己去出發！經過今次之後，我真心想佢以後都唔好再過黎，我對佢已經好有成見，難聽啲講，佢呼吸都有錯架喇，我已經忍得太耐，大家唔見對大家都好！（呻完）

私人傳訊

懿仔媽媽

子爵府

積分: 14657

畀面勳章

4^#

發表於 17-4-20 15:44 |只看該作者

回覆樓主:

其實叫c6叫佢呢排唔好過黎大家冷靜下先。而家大家嬲到頂。咩說話都聽唔入耳。而且你奶奶點衰都有一樣野好。就係唔會淨係話你一個。有好多奶奶見到個仔話佢都只係因為新抱教壞個仔。

私人傳訊

sumsum_so

伯爵府

積分: 16562

5^#

發表於 17-4-20 15:55 |只看該作者

除左買野嗰度，我小朋友一有其他錫佢既人係度都失控，我好彩既係我冇你見得咁密...知你辛苦既...加油啦...

私人傳訊

積分: 201

6^#

發表於 17-4-20 16:15 |只看該作者

懿仔媽媽發表於 17-4-20 15:44
其實叫c6叫佢呢排唔好過黎大家冷靜下先。而家大家嬲到頂。咩說話都聽唔入耳。而且你奶奶點衰都有一樣野好。 ...

梗係唔係啦！佢係佢啲朋友面前話我教壞佢個仔，搞到個仔鬧佢，變左忤逆仔，不孝子！我係門口親耳聽到！又唔諗下係個仔頂唔順佢先鬧佢，總之，個個都有問題，佢最無問題果個！

私人傳訊

懿仔媽媽

子爵府

積分: 14657

畀面勳章

7^#

發表於 17-4-20 16:19 |只看該作者

IceW 發表於 17-4-20 16:15
梗係唔係啦！佢係佢啲朋友面前話我教壞佢個仔，搞到個仔鬧佢，變左忤逆仔，不孝子！我係門口親耳聽到！又 ...

總之就叫佢唔好黎住先。

私人傳訊

yyc1027

積分: 3523

8^#

發表於 17-4-20 17:03 |只看該作者

完全明你諗法, 我奶奶又係成日失驚無神走黎, 買一大堆野
我已經好有禮貌咁叫佢唔好買, 食唔曬好曬..
但佢唔理我架~_~

佢又係成日寵,
個次我好聲好氣叫囡囡坐番低食,
我囡開頭都聽架, 佢竟然話" 細路仔玩下有咩所謂"
之後我就話: 呀奶奶, 我教個囡要乖乖地坐定食飯, 呢D係有家教...
好似你咁樣樣都冇底線, 佢只會愈黎愈曳唔聽話..
同埋你玩一陣就走, 我要花幾多時間再教番佢同一樣既野你到底知唔知??
個囡係我既, 希望你尊重下我既教法

私人傳訊

hkgra

伯爵府

積分: 19838

2024年龍年勳章

9^#

發表於 17-4-20 17:10 |只看該作者

好奇一問,奶奶日日上黎?小朋友未返學?
如果1次半次我當睇唔到,平時會安排小朋友多0的活動,減少同奶奶共處~
有時老人家就會諗,我做既就一定岩,真係好難頂,
幸好你有一個明白你既C6~

私人傳訊

積分: 201

10^#

發表於 17-4-20 17:47 |只看該作者

hkgra 發表於 17-4-20 17:10
好奇一問,奶奶日日上黎?小朋友未返學?
如果1次半次我當睇唔到,平時會安排小朋友多0的活動,減少同奶奶共處~
...

本帖最後由 IceW 於 17-4-20 17:59 編輯

唔係日日上，但永遠估唔到佢幾時上，試諗下你同小朋友係房玩緊既時候，忽然有個人頭痴埋係窗度望，嚇左唔知幾多次，亦倍感壓力，日日都要估佢會唔會忽然出現，兩個小朋友都細，阿女下年先上K1，唔係一次兩次，係年幾黎都係咁樣，有段時間日日過黎，阿女直情發神經，教唔到，隨住佢少左過黎，阿女先好返啲

私人傳訊

hkgra

伯爵府

積分: 19838

2024年龍年勳章

11^#

發表於 17-4-20 18:11 |只看該作者

回覆 IceW 的帖子

叫C6 KO佢

私人傳訊

ling_198710

積分: 2550

MommyPanel勳章認識瑞士牛牛第一回

12^#

發表於 17-4-20 18:23 |只看該作者

雖然話佢係99,佢好心幫手清潔湊孫, 不過我明白點解你會發火點解會咁嬲, 對方唔聽你講野, 覺得自己永遠是對,你地班後生既咩都唔識, 我明你感受

過左你條底綫係好難忍...

私人傳訊

minipinky017

積分: 1712

13^#

發表於 17-4-20 18:55 |只看該作者

IceW 發表於 17-4-20 15:16
奶奶就話我好喝個女，搞到佢喊！果一刻即時跳制頭一次鬧奶奶，對話如下：
我：平時佢好乖，係你次次過親黎 ...

奶奶呢d生物係咁架啦
佢講既佢做既永遠是對的
佢唔會做錯架
你老公企曬你呢邊已經好好

私人傳訊

ccjelly

積分: 1883

14^#

發表於 17-4-20 19:12 |只看該作者

minipinky017 發表於 17-4-20 18:55
奶奶呢d生物係咁架啦
佢講既佢做既永遠是對的
佢唔會做錯架

好同意

我老公就算都覺得阿媽做野有d問題
佢都會話算啦由佢啦唔緊要啦 etc
永遠幫住哂

雖然佢尊重阿媽愛錫阿媽係好
但都唔可以咁盲目支持架嘛

私人傳訊

minipinky017

積分: 1712

15^#

發表於 17-4-20 20:12 |只看該作者

ccjelly 發表於 17-4-20 19:12
好同意

我老公就算都覺得阿媽做野有d問題

我老公都係
孝順過龍
我奶奶血壓高好燥底
老爺日日都俾佢鬧緊
老公有時關心佢都會俾佢鬧返轉頭
仲要氹返佢轉頭
睇到我好心疼
好彩奶奶無鬧過我（可以未當我係自己人）

又或者係我少出聲
佢無位入去鬧我

私人傳訊

ccjelly

積分: 1883

16^#

發表於 17-4-20 20:24 |只看該作者

minipinky017 發表於 17-4-20 20:12
我老公都係
孝順過龍
我奶奶血壓高好燥底

本帖最後由 ccjelly 於 17-4-20 20:24 編輯

係囉
本身孝順係好好既
但係唔好「阿媽永遠是對的」啦
搞到愈黎愈蠻不講理

私人傳訊