自由講場

跳至

首頁

尾頁
   33


子爵府

積分: 13645


發表於 17-4-24 12:48 |顯示全部帖子
oocholeoo 發表於 17-4-23 01:01
我仔都好硬頸,火爆,唔可以硬碰硬
我老公用高壓手段,work 但必定爆喊
我自己用冷靜手法,叫佢企埋一邊幾 ...

有D小朋友真係吾可以用高壓,要鬥智鬥力,令佢明白,可以用故事形式,用role play形式,最緊要保持良好關係,但又不能只是縱,是潛移默化那種。
很高技巧,超高EQ, 超有耐性。


翡翠宮

積分: 81128


發表於 17-4-25 18:55 |顯示全部帖子
964000 發表於 17-4-24 12:48
有D小朋友真係吾可以用高壓,要鬥智鬥力,令佢明白,可以用故事形式,用role play形式,最緊要保持良好關 ...

我個女就係呢類小朋友~

越高壓越對抗,要講得服佢就ok,人地唔知就覺得我寵佢,但其實我想講如果可以講句「唔得,唔可以」佢就乖乖唔嘈,你估我唔想~

問題係,係街我明知如果我咁做,佢實發癲,大街大巷發癲,我點搞呀??唔通我又撥婦駡街咁鬧女咩??

不過,有陣時如果佢太唔講道理,係屋企我會堅發火,佢會知道大鑊,但我下下動真火真係命都短幾年,所以可以講得服佢既,我盡量想同佢講道理~

係街我會唔理佢,同埋一句起二句止,但語氣係好堅定既,以前情況好差,佢好失控,但依架大大下就好好多,比以前定左~


翡翠宮

積分: 81128


發表於 17-4-25 18:59 |顯示全部帖子
營養多多 發表於 17-4-24 01:00
我細仔都係咁,亦做過評估,話佢非常非常之固執,但唔係自閉症,我都有去聽講座,明白硬碰硬嘅後果,我目 ...

我都係用類似的方法,係work架!!

但我就無坐係佢隔離陪佢冷靜,因為我無佢咁得閒,我有大把家務要做~


男爵府

積分: 9771


發表於 17-4-25 19:04 |顯示全部帖子
luckybaby2011 發表於 17-4-21 11:31
未做媽媽前、我覺得係、自己都乖、曳極都曳唔出咩樣。生左仔自己湊、完全氣餒、硬頸脾氣臭易失控、大叫大喊 ...

我明,我真係明
當同人講自己小朋友脾氣幾臭時
啲人育兒專家上身咁,話你一定係寵佢啦,一定佢喊你比佢啦
你應該點點點,唔好點點點.......
佢個仔又真係好乖
我唯有安慰自己每個小朋友性格唔同,係天生嘅,當然父母有份後天塑造佢性格
但唔代表一定係父母唔識教,係有啲小朋友特別難教


水晶宮

積分: 72641


發表於 17-4-25 19:40 |顯示全部帖子
小manman 發表於 17-4-25 18:59
我都係用類似的方法,係work架!!

但我就無坐係佢隔離陪佢冷靜,因為我無佢咁得閒,我有大把家務要做~

講開冷靜、都教小朋友曳扭就帶佢去naughty corner, 等到佢冷靜再教、但佢又點會咁順攤....係我就唔駛咁煩了....
真係迫唔到、而家把咀又叻....


翡翠宮

積分: 81128


發表於 17-4-25 19:46 |顯示全部帖子
luckybaby2011 發表於 17-4-25 19:40
講開冷靜、都教小朋友曳扭就帶佢去naughty corner, 等到佢冷靜再教、但佢又點會咁順攤....係我就唔駛咁煩 ...

我個女之前唔得,依架開始得~

唔敢走開,但我發覺唔可以太耐,當佢有歉意時就要開始傾,我試過未下啖氣,繼續要佢冷靜下,佢變左若無其事,個態度好似係「坐囉,企囉……無所謂」

不過,其實我用同一方法,我個女的反應係每次都唔一樣,所以我要成日用唔同的方法~

總之就考起我喇!!


翡翠宮

積分: 81128


發表於 17-4-25 19:48 |顯示全部帖子
blinkgogo 發表於 17-4-25 19:04
我明,我真係明
當同人講自己小朋友脾氣幾臭時
啲人育兒專家上身咁,話你一定係寵佢啦,一定佢喊你比佢啦

係喎,通常育兒專家上身個d都係自己小朋友好乖,你又吹佢唔脹喎!!

但其實根本未必關佢事,係佢的小朋友天生服從性強,只能講佢好幸運~


大宅

積分: 1735


發表於 17-4-26 23:21 |顯示全部帖子
luckybaby2011 發表於 17-4-24 09:49
你好叻、我試過俾鄰居單打、關心.....實在忍受大叫大喊又打又lur 超過一個鐘都唔發火都係媽媽eq訓練、以前 ...

我唔係叻,係俾兩個有特殊需求嘅仔訓練出黎嘅。
一個典型自閉+ADHD,擁有無窮無盡精力……
一個發展遲,情緒反反覆覆又有炸彈的爆發力……
兩個加埋,我每日無論體力、精力、腦力全部都消耗逮盡……

一齊加油


大宅

積分: 1735


發表於 17-4-26 23:36 |顯示全部帖子
luckybaby2011 發表於 17-4-25 19:40
講開冷靜、都教小朋友曳扭就帶佢去naughty corner, 等到佢冷靜再教、但佢又點會咁順攤....係我就唔駛咁煩 ...

我仔都用不到冷靜角呢個方式,因為有d小朋友反而覺得去冷靜角係罰緊佢,咁樣佢反而會更加嬲,冷靜唔到,我仔就係其一。所以我就由佢係佢原本嘅位置,跟住就冷處理,效果都可以。但若佢打人,我就會用生氣嘅語氣停佢。
我仔由歲半開始就反檯掉凳掉玩具,且一發脾氣就唔比人掂到佢,有時心諗好彩佢依家都叫做有進步,唔係我真係就黎癲。


翡翠宮

積分: 81128


發表於 17-4-27 09:46 |顯示全部帖子
ppyin 發表於 17-4-22 16:19
本帖最後由 ppyin 於 17-4-22 16:20 編輯

但佢唔睇電視唔好玩具又鐘意擒高擒低⋯⋯呢D都係!

我自從聽完你講,我呢幾日都係度諗番阿女的行為~

佢唔止係屋企,去到公園仲癲,2歲多已經爬到好高,做好多高難度動作,個個見到都話爬咁高好危險~

仲有,佢到依架就黎5歲喇,仲會食潤唇膏、食漿糊、咬筆、咬擦膠……之前細個以為佢係口腔期,但去到k1我問老師,都話佢鍾意擺玩具入口~

同埋我一直以為佢係感官型的小朋友,即樣樣野要透過官感刺激而獲得認知同滿足~

比你睇下佢的傑作~

其實,咁樣算係嗎??
PicsArt_11-25-02.15.29.JPEG


翡翠宮

積分: 81128


發表於 17-4-27 09:47 |顯示全部帖子
營養多多 發表於 17-4-26 23:36
我仔都用不到冷靜角呢個方式,因為有d小朋友反而覺得去冷靜角係罰緊佢,咁樣佢反而會更加嬲,冷靜唔到,我 ...

我個女都係呀!!

覺得去冷靜區係罰佢,仲更加癲,同埋會走開~

我都試過由佢係原本的地方等佢冷靜~


大宅

積分: 4048


發表於 17-4-28 13:35 |顯示全部帖子
小manman 發表於 17-4-27 09:46
我自從聽完你講,我呢幾日都係度諗番阿女的行為~

佢唔止係屋企,去到公園仲癲,2歲多已經爬到好高,做好 ...

本帖最後由 ppyin 於 17-4-28 13:36 編輯

其實對某一個感覺過份尋求已經是感覺統合失調,每個case 都好unique

成日擒高擒低唔識驚或者一律唔肯擒都是極端 case

成日搵野咬唔定或者拒絕咬某D野而引致偏食都可能是

好多都可以係⋯⋯如果唔影響生活大家可能唔多覺!

訓練可以令小朋友可以快D balance 翻,佢D生活可以舒服D你會開心D


大宅

積分: 4048


發表於 17-4-28 13:45 |顯示全部帖子
小manman 發表於 17-4-27 09:47
我個女都係呀!!

覺得去冷靜區係罰佢,仲更加癲,同埋會走開~

好多小朋友介乎ADHD 自閉 亞氏保加中間,去 assessment 又話責界,小朋友又癲唔哂家長又好似冇乜野可以做!

某程度上小朋友被感覺統合失調困住左,小朋友唔知大人唔明變成困獸之鬥

我其實好感謝當年D幼稚園老師
坦白講真是搞著佢地
佢地某程度上唔知我做緊乜
但為左幫小朋友都默默支援


男爵府

積分: 7620


發表於 17-4-28 18:22 |顯示全部帖子
睇見大家reply,我都好感慨,因為我有一個大約2歲半的小朋友(男仔)。
"全職媽媽"節目的峰峰,成日fing開大人隻手就周圍走。其實我仔都會。

由細到大,我/老公 已經教左無數次要拖手,但佢一去到d商舖,就會覺得自己係自由。
因為佢成日唔跟住大人,好多時我地要提早離場,好掃興。

其實我有個好"微小"的願望,就係我仔唔洗"無尾飛陀", "甩繩馬騮"。
如果佢肯乖乖跟住我,我帶佢去全香港好多地方,不知幾好。

係咪真係無教唔到既細路、只有唔識教既父母?>>>>呢個問題,我覺得父母盡左力去教,但小朋友係獨立個體,
佢有幾接受/幾吸收,係睇佢自己。




翡翠宮

積分: 81128


發表於 17-4-28 23:29 |顯示全部帖子
greentea14 發表於 17-4-28 18:22
睇見大家reply,我都好感慨,因為我有一個大約2歲半的小朋友(男仔)。
"全職媽媽"節目的峰峰,成日fing開大 ...

你呢個微小的願望,同我個陣一樣

我成日比人話我唔拖實個女,比99提醒我90幾萬次要拖實,唔好比佢走左去,我知,我當然知喇,你估我好想追9條街咩……

依架我女就黎5歲,好好多了,但我仍然無信心帶佢去得遠,只係未至於好似以前咁辛苦囉!!


翡翠宮

積分: 81128


發表於 17-4-28 23:32 |顯示全部帖子
greentea14 發表於 17-4-28 18:22
睇見大家reply,我都好感慨,因為我有一個大約2歲半的小朋友(男仔)。
"全職媽媽"節目的峰峰,成日fing開大 ...

本帖最後由 小manman 於 17-4-28 23:36 編輯

本帖最後由 小manman 於 17-4-28 23:33 編輯

我以前帶住個女,係唔可以入舖頭睇野架,一入去就走勻成間舖頭~

我女2歲多個陣,有次我實在太悶,咪帶埋佢去行商場,入到間時裝店,我完全無辦法可以睇一陣衫,最後快速咁揀左件衫,期間不停要睇佢去左邊,捉番佢返黎,到我比錢時,佢趁我攞銀包就一支箭咁走出舖頭,我連信用卡都未簽未攞就要走出去追番佢返黎

依架好d,起碼唔會去出舖頭,但都唔會跟住我,佢會自己睇衫,我間中望下佢,佢又間中搵下我~

但去家品店個d,我驚佢會打爛人地d野,我有時會叫佢睇下玩具,但佢睇中玩具就成日走黎同我講要買,又係煩到你嘔

首頁

尾頁

跳至