醫生有冇話BB咩原因痾? 肚痾要俾時間BB 腸道慢慢康復,有時醫生會建議食冇乳糖奶粉/豆奶,減輕呢段時間BB腸胃既負荷,如果BB比較抗拒豆奶可以暫時唔飲奶住,最重要飲多D水/湯水補充足夠嘅水份,半夜BB起身媽媽都可以俾水佢飲,細菌會經由排泄物排出身體,仲要暫時減少食纖維類食物(瓜、菜、水果),避免刺激腸道,粉(通心粉)/麵(剪碎上海麵)濕濕地比較吸引冇食慾嘅BB。如果便便漸漸成形,冇咁爛,次數亦開始減少,即係代表BB正在康復中。14個月BB係BB出牙仔嘅階段,BB有冇成日放手或者其他物件放入口咬?亦容易因為細菌進入身體而引致肚痾甚至發燒架。
Hello CATHYHO115,沙門氏菌症狀一般約1-2星期內康復,媽媽定時幫囝囝量體溫,留意便便質地和次數,如果見到便便質地杰身左,次數逐漸減少即代表囝囝慢慢康復中,最緊要同囝囝補充足夠水份,俾佢多D休息,跟足醫生指示食藥。小朋友肛門皮膚幼嫩,幫佢揸厚厚既凡士林/zinc cream等等保護皮膚先至包返片,祝囝囝早日康復!
Hello sellbaby ,今日肚屙情況有冇好D? 明白BB屙左幾日媽媽會擔心,BB腸胃幼嫩,肚仔唔舒服可能要長D時間先會好返,醫生會因應返個情況睇下需唔需要用止痾藥,反而希望小朋友盡量排出細菌比較好,如果醫生冇建議BB唔飲奶/轉飲豆奶/冇乳糖配方,媽媽唔駛停飲奶架。抗生素能增強BB對抗病菌既能力,記得要食晒成個療程,照顧肚痾BB最重要補充水份以防出現脫水既情況,減少瓜菜份量都可以減輕腸道負擔架。媽媽選擇返多元化、天然,唔同配搭食材,既可以吸引到BB食慾,營養仲更全面添。祝BB早日好返