母乳餵哺

跳至

首頁
12

尾頁
   1


別墅

積分: 782


發表於 17-5-16 12:16 |顯示全部帖子
未生之前,我一直好堅信大家講嘅沒有窮媽只有懶媽嘅理論,所以就算個女早產,要分開係兒童病房,我都堅持就算自己未落得床,得兩滴都好都落力擠俾老公拎去俾個女飲,好堅信擠得多就刺激到造奶…但bb係兒童病房冇理由餓親佢,無奈下都冇辦法唔俾姑娘補粉

一落得床就落去跟姑娘學埋身,但個女早產、嘴細、冇力啜加我乳頭扁,一直都成功唔到,唯有繼續擠/泵出黎俾佢飲,當時一次只擠到2、3ml…但個女已經飲緊3、40ml…

一直都冇人地講嘅谷奶感覺…只係好慢好慢咁…由2、3ml進展到10-20ml

到我後來終於返得屋企可以試全埋身了,又一直一啜就喊,唔識食加姿勢唔好…屋企人壓力下唯有繼續泵奶加補粉…

係健康院姑娘建議下,試左用乳頭盾,終於令個女成功啜到了,每餐堅持埋身半個鐘先補粉,好落力地無論幾攰都堅持埋身後再泵清,每日堅持8泵以上,咩power泵、上奶湯、按摩、邊埋身邊泵追奶等等…全部做齊,都係冇咩起色,亦試過幾次唔補粉埋身放題,俾個女密密啜,但每次啜左3、4個鐘佢都仲係啜極都唔飽,一路啜一路狂喊,結果就俾媽咪話我餓親個女,抱左去補粉…

到左個女滿月,終於可以唔用乳頭盾都啜到…但一直奶量都仲係冇起色,唔埋身3個鐘頂多泵到3、40ml,所以就去試下睇中醫調理,睇左兩、三個禮拜了,比起之前只有泵多到10ml左右

而家阿女就黎2個月大了…前日我整親條頸,俾屋企人禁止埋身,只能夠泵出黎,結果全日唔埋身只泵到350ml左右…但個女一日要飲差唔多1000ml…人地泵少啲就石頭胸…我就半日唔泵都係得少少谷…

頭先媽咪同我講…泵極都咁少…不如泵埋呢個零月就放棄…我真係覺得好灰…我係咪唔應該堅持…次次泵奶都俾人話又泵奶…其實如果夠飲嘅話,我都想唔駛泵咁多次,但泵少/泵遲一次我都驚身體造少左奶嘛…如果可以埋身夠佢食我真係想攞苦黎辛咩…但所有可以做嘅我都已經試過哂…我仲可以點?係咪真係要放棄??


大宅

積分: 2307


發表於 17-5-16 15:30 |顯示全部帖子
yukiru 發表於 17-5-16 12:16
未生之前,我一直好堅信大家講嘅沒有窮媽只有懶媽嘅理論,所以就算個女早產,要分開係兒童病房,我都堅持就 ...

Hi 我都係窮媽,bb而家7個月。一日大約食到2歺人奶、2固、1粉。窮都無法,盡左力就可以。我次次泵完,我媽都會話:甘少 (3oz 左右)不過佢有佢講,我由我pump XD



大宅

積分: 1299


發表於 17-5-16 15:55 |顯示全部帖子
yukiru 發表於 17-5-16 12:16
未生之前,我一直好堅信大家講嘅沒有窮媽只有懶媽嘅理論,所以就算個女早產,要分開係兒童病房,我都堅持就 ...

你用咩泵?有可能係個泵同你唔夾。 我上胎都係咁, 泵成個鐘都係得個1oz, 後來朋友借左第2隻泵比我就出奶順好多, 慢慢追返全人奶食到2歲
BB你要健健康康啊!


別墅

積分: 782


發表於 17-5-16 16:17 |顯示全部帖子
yy_kan 發表於 17-5-16 15:55
你用咩泵?有可能係個泵同你唔夾。 我上胎都係咁, 泵成個鐘都係得個1oz, 後來朋友借左第2隻泵比我就出奶順 ...

我用medela freestyle, 我有試過手擠出黎同泵係差唔多~而且我身邊冇朋友可以借泵俾我試,freestyle又唔平,冇咩可能花錢去買過第二個唔知有冇用嘅泵…

而家泵果陣永遠得頭10分鐘左右有奶出…之後就泵極都冇乜…個女埋身都係咁…頭10分鐘左右有吞水聲…之後就開始梅梅下…跟住就開始扯,扯極都飲唔到就喊…

我個中醫話我太虛…要我盡量食多啲野同多啲飯…但係我只有初初食中藥果兩日精神、胃口同奶量好左dd …好快又打回原型…食唔到多野,最多一碗飯,但有盡量多湯水…最近仲成日訓極都覺得攰同頭痛…


大宅

積分: 1299


發表於 17-5-16 17:47 |顯示全部帖子
yukiru 發表於 17-5-16 16:17
我用medela freestyle, 我有試過手擠出黎同泵係差唔多~而且我身邊冇朋友可以借泵俾我試,freestyle又唔平 ...

得頭10分鐘有奶出, 我都係咁。
可以試下熄左部機, 等幾分鐘開機再泵, 睇下刺唔刺激到噴奶反射。
我上胎都係用呢個方法架!

不過得唔得都好, 唔好比太大壓力自己, 泵到幾多就幾多! 加油!!
BB你要健健康康啊!


大宅

積分: 2258


發表於 17-5-16 18:51 |顯示全部帖子

回覆樓主:

唔好放棄,一日有350都有兩三餐比bb
人奶有抗體,點都好過全奶粉咩都冇
放鬆點
想得太多影響心情,影響造奶


大宅

積分: 1588


發表於 17-5-17 10:22 |顯示全部帖子
don't give up, there is a lot of pumping mother who can succeed!! just pump as frequent as your baby feed


禁止訪問

積分: 16558


發表於 17-5-17 10:44 |顯示全部帖子
提示: 作者被禁止或刪除 內容自動屏蔽


複式洋房

積分: 351


發表於 17-5-17 12:36 |顯示全部帖子

回覆樓主:

唔好放棄,只要你放鬆心情,你只同自己盡力就可以,你越是介意奶糧的話就越是少的,放鬆心情去泵奶,當泵奶時諗吓bb開心的樣,這個會好d呀!


水晶宮

積分: 52654


發表於 17-5-17 14:52 |顯示全部帖子
都唔知點解而家D老人家係咁, 有咩唔對就一定係阿媽問題、最好俾奶粉俾BB飲好D, 我大仔時都係咁, 加上大仔有濕疹, 我知係我遺傳俾佢, 但唔關D人奶事囉~所以果時我都較燥、可能壓力問題奶量亦唔多, 我都試過話過我老公幾次 (因佢有份幫99口叫我唔好俾人奶啦)。
到而家第2胎啦~我抱住有就有、無就算既心態, 電奶泵機都買優合平平地算, 反而奶量出奇咁夠, 阿仔就半歲都係全人奶...房入面個細雪櫃仲放爆晒人奶有足夠既儲貨量TIM, 所以樓主你第一件事係唔好俾自己壓力, 其他既幫助如飲多D水、湯之類做到你就做, 做完後都係咁就有佢啦~實在無必要自己迫自己, 因我第一胎時都係迫先生泵多D耐D, 泵極都係一日250ML左右 (好多時仲無), 就算12個鍾唔泵都無事, 到最後壓力更大時就自動收左奶, 乜都無食過...而家雖然我仲有泵半夜果轉 (我係無埋身的), 但個人輕鬆無壓力, 效果真係比第一胎時好得多


珍珠宮

積分: 44951

2024年龍年勳章 2024勳章 15週年勳章 親子王國15週年勳章 親子王國15週年勳章


發表於 17-5-17 17:16 |顯示全部帖子
yukiru 發表於 17-5-16 12:16
未生之前,我一直好堅信大家講嘅沒有窮媽只有懶媽嘅理論,所以就算個女早產,要分開係兒童病房,我都堅持就 ...

唔好理人講乜 , 樓主有幾多就俾幾多 , 唔夠就補奶 , 我覺得無問題 , 只覺得媽媽係偉大嘅 , 努力加油 , 但唔好有壓力呀 。


別墅

積分: 782


發表於 17-5-17 18:23 |顯示全部帖子
多謝大家~我努力試緊唔好咁在意奶量嫁啦…不過真係好難囉⋯⋯


男爵府

積分: 9012


發表於 17-5-17 21:08 |顯示全部帖子

回覆樓主:

有冇多飲一d谷奶既湯 或者自己食左一d收奶食物唔知??


別墅

積分: 782


發表於 17-5-17 22:00 |顯示全部帖子
coffee2012 發表於 17-5-17 21:08
有冇多飲一d谷奶既湯 或者自己食左一d收奶食物唔知??

所有啲人講嘅上奶湯,青木瓜、梳蘿魚、蓮藕章魚之類嘅全部都當水咁飲啦~連榴連都試埋啦~而且都好小心所有啲人話收奶嘅野都唔敢掂吖…連中醫都睇埋啦…都唔知點解咁窮…


大宅

積分: 1136


發表於 17-5-17 22:33 |顯示全部帖子

回覆樓主:

食多啲飯,飲多啲水,餐同餐中間加食麵包,飲豆漿,要食到好飽好飽就會有奶。


大宅

積分: 4032


發表於 17-5-18 09:20 |顯示全部帖子
yukiru 發表於 17-5-16 12:16
未生之前,我一直好堅信大家講嘅沒有窮媽只有懶媽嘅理論,所以就算個女早產,要分開係兒童病房,我都堅持就 ...

我同你一樣,bb個半月大,我一日泵既量都係得3百幾,得閒已經比bb埋身,但佢永遠啜唔飽,2邊加埋啜一個鐘,未夠半個鐘又喊,補90ml奶佢都仲飲得到,平時飲開4安,真係唔知bb唔識啜定我冇奶


別墅

積分: 782


發表於 17-5-18 11:21 |顯示全部帖子
曉如1312 發表於 17-5-18 09:20
我同你一樣,bb個半月大,我一日泵既量都係得3百幾,得閒已經比bb埋身,但佢永遠啜唔飽,2邊加埋啜一個鐘 ...

唉…我就係因為咁…屋企人要我泵出黎…泵出黎見到咁少又話唔掛得之唔飽啦,你都冇奶…跟住就話反正都唔夠,咁辛苦埋身做咩…泵出黎算啦…係咪追咁耐都冇就冇嫁啦…bababa…真係好難唔大壓力…想埋身果陣話好埋身…好啦唔埋身啦…泵奶又話我一日泵到黑…唔泵又唔埋身唔通等收奶咩


大宅

積分: 1932


發表於 17-5-18 18:58 |顯示全部帖子

回覆樓主:

我係全泵媽,身邊有朋友全日1200ml,亦有全日加埋只有200ml既媽媽,佢地都係話飲好多水,飲上奶湯,密密泵等等,所以我諗多奶與否係好個人,例如生仔前鍾意飲凍嘢,多出入冷氣,身體虛寒的係會較少奶。
JM你屋企人勸你放棄,可能係因為見你壓力大,唔想你辛苦呢,未必係唔支持你既。
我覺得滴滴皆辛苦,有幾多俾幾多囉,補粉亦冇咩所謂啦,我身邊好多小朋友都係全奶粉,一樣可以健健康康,肥肥白白的。
加油


大宅

積分: 2473


發表於 17-5-19 12:42 |顯示全部帖子

回覆樓主:

加油呀!我都好窮。。我都係追極都冇奶。個幾月果陣泵極加埋都係30ml..有時40ml...好灰架。。之後訂左more milk +.都只係多左dd ja。都成日聽到阿媽奶奶話仲係咁少奶依d說話。。係會唔開心架 !! 到返工前真係諗得咁少應唔應該返工泵。。但見d媽媽都叫我唔好放棄。。公司阿姐都好support...每次都係泵到2安-3安不等。。每日泵ge 奶其實只夠仔仔飲2.5餐。。。但我都會繼續泵落去 !!

返工日子就泵。。放工會比佢埋身。

加油 !!!


大宅

積分: 4108


發表於 17-5-19 14:23 |顯示全部帖子
我第一胎時都係好窮, 所以我無逼自已去追奶, 有幾多喂幾多, so far每日有一二餐人奶, 佢都好少病, 一歲前都係病二次度. 其實你咁辛苦, 休息唔夠都會影響奶量, 我都好少谷奶, 但星期六日瞓得多時, 係可以谷到奶.

宜家第二胎, 我都係打算有幾多喂幾多, 我用優合粉紅色泵, 99蚊人仔, 你可以買黎試下, 佢係快泵清. 可以用返你medela Freestyle D parts, 唔好用優合的配件.
我一開始時3個鐘都係得60ML, 宜家3個鐘會有100ml, 不過我真係好懶, 泵咁密實在太攰, 改左5-6個鐘先泵, so far都keep到有180ml.

首頁
12

尾頁

跳至
你需要登錄後才可以回帖 登入 | 註冊