事源大緊肚,個肚似五、六個月咁,頭先又來暈又想嘔就坐地鐵回家,上車見優先座其中一個位有個後生女人坐緊,兩腳夾住個超大行李箱,貼身牛仔褲、薄紗睇到腰,咪問下佢可唔可以讓個優先座我坐,佢呆下又望下我指住個中文字就起身,我講唔該後就坐低,一住低已合埋眼狂吞口水,聽到個女人錄音比朋友講普通話,話唔知我廣東話講乜就讓咗座位,後來佢先發現我大肚,佢話比朋友聽佢比人欺負,佢都懷孕,係咁罵,我其實想開眼同佢講對唔住,唔知佢懷孕,但一開眼已經比佢大罵,佢d普通話太快只知罵我佢都懷孕之類,跟住九龍塘九秒九拖喼出咗車,以為告一段落。
九龍塘有個婆婆白髮拐杖上車,我即時叫佢坐我位,但離佢身後有人讓座佢就坐咗,咁我咪繼續合眼坐啦,前面企咗個五十幾歲女人白髮都冇,我隔離個男人讓咗比佢坐就坐我隔離,點知個女人一坐低就指住我大鬧,話我後生都唔讓座……ba ba ba,我即時解釋我大緊肚又唔舒服,唔知道你要坐,我頭先都有叫對面婆婆坐,好彩個婆婆同企喺到d人加讓比佢坐個男人都幫口話我真係有讓座佢先收聲,轉伸隻腳出來話自己腳痛先要坐點點點,我已經合埋眼d眼淚狂流出來,覺得好委屈