Hello Jennifer1228,宜家小朋友便便情況點呢?仲有冇血呀? 有時小朋友大力谷便便,或者便便比較硬,都有可能會屙到肛門損左,甚至有血絲出現架。如果只係間中出現都唔需要太擔心,媽媽可以俾小朋友飲多D水,食多D瓜菜、水果(例如香蕉、啤梨、紅蘿蔔、粟米),高纖維食物都有助軟化大便架 ! 平時要做適量運動,促進腸道蠕動,便便都好D架。媽媽可以幫小朋友搽D潤膚膏,保護番肛門嘅皮膚,如果小朋友冇其他唔舒服,現階段都可以觀察住先。如果小朋友便便持續有血,都建議去睇睇醫生呀 !
我有一個願望,就是想見到每個BB食得好、瞓得好、笑得好、Poo得好,
有個海綿級肚仔,每天盡情體驗新事物、吸收新樂趣!