Hello summernma ,明白媽媽因為唔想嘈住哥哥,所以會抱住BB直到瞓著,2個月左右BB 開始建立瞓覺模式,如果瞓覺都一定係喊、EE哦哦或者媽媽抱住先瞓到,可能已經成為佢入睡模式,媽媽可以先係日頭時候,BB飲完奶掃完風後,放回BB落床仔同佢玩、傾計、唱歌、甚至吊一D 會發聲玩具等BB聽住音樂自己瞓,就算BB喊都唔會太影響到哥哥,媽媽亦唔需要馬上抱,改用輕輕拍佢背部,溫柔撫摸身體黎幫助佢入睡,未必馬上會成功,需要時間慢慢改變架。6個月嘅一般全日瞓12-15個鐘,如果日頭瞓得多、瞓覺環境唔夠寧靜/太光亮,都會影響BB入睡架。
Hello bonbon369,4個月既BB一般全日瞓14-15個鐘,如果BB每次瞓覺都一定要喊住、抱到訓冧,可能已經係佢既瞓覺模式,佢嘅睡眠模式係可以慢慢調節返,食奶後掃風後,食完打直抱一邊行一邊同BB唱歌、傾計先放低係床同BB玩遊戲,同時製造一個良好睡眠環境俾佢瞓,例如拉上窗簾,製造寧靜環境、播放柔和音樂等等,媽媽有時要忍心少少等BB自己係床仔瞓著,蓋住有媽媽氣味被仔令BB有安全感,BB會易D瞓著架。
Hello candyhau ,囡囡全日大概瞓幾多個鐘呀? 最近晏覺有冇瞓多左? 臨瞓餐奶有無早左食/食少左奶呀? 15個月BB全日大概瞓12-4個鐘左右,日頭多D同佢玩遊戲、傾計、唱歌,黃昏後避免去嘈吵、多人地方,係一個溫度適中﹑昏暗和寧靜環境瞓覺會瞓得好D架。