網購天地

跳至

首頁
1

尾頁
   0


洋房

積分: 54


發表於 17-7-24 12:57 |顯示全部帖子
本帖最後由 Wistariailu 於 17-7-24 13:00 編輯

2017年6月6日 有兩份件用四方轉發黎香港, 其中一份同月9號已經收左, 對方沒有致電過黎就送上我屋企。但另一份遲遲都冇音訊, 隔左一個星期見唔對路就打去佢地香港派送個邊, 對方一直一日推一日, 連續兩日都話當日會送, 但又係冇晒聲氣, 又隔左個星期真係頂佢地唔順, 其間每隔4至5日都要我自己主動打去搵佢地問份件既情況, 要不是說我電話錯就係地址錯!其實根本冇錯!一直拖我拖到6月尾, 先話有可能變成無主件, 要搵下, 話聽日會通知我搵唔搵到, 點知又係呃我, 又冇晒聲氣。
去返淘寶四方客服旺旺個度問, 不停係度耍我, 又話反饋, 從來冇做到。話份件一日未能確認係失件, 一日都唔會全額賠償, 只能呆等。佢地根本唔想賠!所以唔會承認係失件, 一日唔承認就唔洗賠償。

7月19日終於比我煩到鬆口肯賠償, 又係呃人, 話會兩日內有售後聯絡我, 但根本又係冇做到, 我上去旺旺度問幾時肯賠, 個客服即係消失, 十問九唔應。
我用淘寶好多年了 等級都唔低 真真係第一次遇到呢種速遞, 四方真係令我勁失望, 賠償金額唔係多 只係人民幣900蚊。希望其他朋友選擇用邊間轉運時要小心。因為意外可能係十次裡面發生一至兩次, 可能大家會心存僥倖, 但重點係萬一真係發生意外時, 對方會如何盡力去幫我地解決事件, 而唔係扮唔知, 縮骨A字膊。售後幾時都係最重要, 而唔係單次服務有幾好。大家要小心挑選。


珍珠宮

積分: 40402


發表於 17-7-24 13:25 |顯示全部帖子

回覆樓主

想不到官方集運都咁縮骨。
可以找淘寶介入處理事件嗎?


洋房

積分: 54


發表於 17-7-24 13:29 |顯示全部帖子
平平常常 發表於 17-7-24 13:25
想不到官方集運都咁縮骨。
可以找淘寶介入處理事件嗎?
嗯..我有試過, 但淘寶那邊的回覆都是根據速遞給他們的答案再轉發給我, 沒有幫到我什麽, 四方怎樣耍我, 淘寶就用什麼答案給我。根本超無助。


大宅

積分: 3293

親子王國15週年勳章


發表於 17-7-25 17:42 |顯示全部帖子
本帖最後由 crystal_ng 於 17-7-25 17:52 編輯
Wistariailu 發表於 17-7-24 12:57
2017年6月6日 有兩份件用四方轉發黎香港, 其中一份同月9號已經收左, 對方沒有致電過黎就送上我屋企。但另一 ...

唔知點解最近4px好亂,我都有d中中地伏,我情況係由上年年尾一直用都無問題,我都係揀自提,但今次係入庫已經出事,有三單收左,當中有兩單要自己聯繫客服先入庫,有一單就直情話入唔到,要線下揾佢幫我合併先得,點都唔肯入庫,又係咁催我合單俾錢,我仲有5個包裹,點合單啫....而+要等佢收齊而且有客服先可以合併付款,仲要唔入庫嗰單唔俾重量資料我,問淘寶又冇用.....將個波拋嚟拋去,其實搵淘寶客服係無用,佢會叫你聯絡番集運商。

之後我無理到,我有問佢地其實係唔係失左件,無理由無資料,又簽收左,又話無得手動入庫,如果係無,咁點解之前果d一問就即刻入左庫??我唔明佢地既系統,只係佢真係無俾到原因我,點解做唔到入庫lor,

而+我果件話入唔到庫既野呢,佢又幫我入左庫....而個入庫時間就係收件後2小時,我真係唔知d所謂官方集運其實有乜保障。






洋房

積分: 54


發表於 17-7-26 11:21 |顯示全部帖子
crystal_ng 發表於 17-7-25 17:42
唔知點解最近4px好亂,我都有d中中地伏,我情況係由上年年尾一直用都無問題,我都係揀自提,但今次係入庫已 ...
我都有不停係網上爬文搵辦法, 意外見到有人情況同我差唔多, 好似係由6月初開始, 由國內倉庫亂到黎香港派送呢邊, 佢地國內客服其實完全查唔到香港倉呢邊任何單, 只可以幫客戶反映問題, 但香港派送呢邊多數唔覆, 所以國內客服只可以耍啲客。香港派送呢邊唔屬於四方, 只係四方搵既另一間派送公司...就算比你聯繫到香港派送公司既人, 基本上每次只係接聽電話, 啲野聽完就算, 送到就送, 送唔到都唔關佢地事。
所以暫時我覺得最安全既都係搵香港公司做轉運..淘寶網國際轉運一亂一錯, 我地完全做唔到任何野, 只可以等運到。


洋房

積分: 54


發表於 17-7-26 11:33 |顯示全部帖子
更新最新情況: 係我努力唔下線, 旺旺度同佢地四方鬥長命後, 國內客服終於鬆口肯賠償, 但又係不停甘等唔知幾多n個工作天。由佢地國內售後客戶聯繫我拎所有失貨既付款記錄, 說幫我做賠付登記。

事件令我體會到:對方係點都唔會向客戶承認貨物遺失, 我地必須要堅持冇貨收就係遺失左我地既資產, 唔好比佢地帶你游花園。

佢地會叫我地無限期地呆等派送員送貨, 幾個月唔送都要我地吹佢唔脹, 呢個時候唔好太有禮貌, 用你所認識既所有髒話炸佢地旺旺, 唔好比佢地下線, 令佢地無法逃避。


子爵府

積分: 10134


發表於 17-7-26 22:10 |顯示全部帖子
回覆 Wistariailu 的帖子

又要做 Crazy customer

首頁
1

尾頁

跳至