婦女醫護

跳至

首頁

尾頁
   15


大宅

積分: 4980


發表於 17-8-14 15:15 |顯示全部帖子
我都係同路人, 我仲絕望, 因為子宮腺肌好嚴重, 子宮大到22CM. 過埋肚臍, 每個月生不如死. 搞到嚴重貧血, 1 個月入院輸1次血, 上次輸了6包才上返8度血色素.

試過2次暈係街上, 因為大量出血, 我又要日日係香港上堔圳返工, 成日請病假, 簡直想死....

我頂唔順, 搵左李教授, 佢都覺得我要割子宮才可保命/ 做子宮重建手術...而家仲考慮中. 上星期去左仁安做磁力共振, 星期三會睇報告, 再睇下李教授既提議....

但我仲想生bb, 我得37, 未生過仔, 下個月做完手術後, 要去美國搵代母...

希望一切順利啦.


大宅

積分: 2863


發表於 17-8-14 16:15 |顯示全部帖子
jasmine_hang 發表於 17-8-14 15:15
我都係同路人, 我仲絕望, 因為子宮腺肌好嚴重, 子宮大到22CM. 過埋肚臍, 每個月生不如死. 搞到嚴重貧血, 1 ...

呢位jm, 睇到你呢個情況我真係只是小毛。你揾得代母,即係決定會切左子宮佢?我係你都會,為左健康,我會咁做。我嘅血色素都係低,只係剛好合格喺11.5至11.6左右。每個月m, 第二日就好似倒水咁。我覺得每個月m嘅問題,已十分之影響生活質素,真係想像唔到仲可以去到你嘅情況。你要加油,祝你有一日如願有自己bb。
我今年中期流產後,老公都有提揾代母算,但我又未open到咁,又想仲係三十幾歲,再試下。我好希望prof Li 可以幫到我,後日就番去抽血睇hormones,再大家plan next step。佢都有提過日照磁力共振,又叫我問保險有冇得claim。你上次照左幾多錢?


複式洋房

積分: 276


發表於 17-9-14 15:19 |顯示全部帖子
本帖最後由 Chona 於 17-9-14 15:59 編輯



原來咁多人都有這個症

2015年Body check時我d血色素都掉過落7,但嗰時未知有這個症,直至我佢做婦科年檢先發現。我都係睇親d醫生都話無架啦,切左佢啦
我每次M都會接住咁食止痛丸,每次買親都一大盒。藥房以為我做乜,問左幾次乜事點解要食咁勁嘅藥............aih, 我試過一下就一身都係,所以M好怕出街.
現在只有戒生唥野同敷下中藥熱包,試左2個月,叫做舒緩左dd.

現在唔知可以做d乜,好似等停M咁


大宅

積分: 2863


發表於 17-9-15 15:30 |顯示全部帖子
Chona 發表於 17-9-14 15:19
原來咁多人都有這個症

2015年Body check時我d血色素都掉過落7,但嗰時未知有這個症, ...

如果唔想生,真係會考慮切。真係失血過多加痛到虛脫!你食邊隻止痛呀?


別墅

積分: 974


發表於 17-10-3 18:26 |顯示全部帖子
我覺得我太遲先睇到哩個post😭 我又係腺肌症, m痛到無辦法落床。上星期睇過尖沙咀盧醫生,佢都只係提議我儘快生, 問題係我結左婚年幾都未有。啱啱book左ivf醫生,諗住試下ivf, 而家見大家咁講,覺得prof. Li都好有希望, 起碼佢有信心幫人做手術


大宅

積分: 2863


發表於 17-10-4 09:51 |顯示全部帖子
riri0206 發表於 17-10-3 18:26
我覺得我太遲先睇到哩個post😭 我又係腺肌症, m痛到無辦法落床。上星期睇過尖沙咀盧醫生,佢都只係 ...

我都準備係揾李天照做下一次ivf㗎喇。但未決定邊個月做,我今年都35了,7年前結婚。你加油呀,去見見李醫生無防呀,又唔難約。至少,佢唔似好多婦科醫生,都冇同理心去處理腺肌症病人,咪叫人一係生一係切。生到就一早生左啦!又或者中左,都唔一定佗到足月,地好高早產風險,我就係例子,22周就生。李醫生話比佢會好密切monitor成個孕期,必要時就入院吊藥,會睇實我,佢比我感覺會安心啲囉。
我早排番去自己個婦科醫生例行檢查,完來佢識李天照,佢都話李天照係個好有名氣好叻嘅醫生,對子宮問題好有經驗。其實因為佢喺英國執業廿年,幾年前先回港,會少人認識佢。
你考慮下見見佢攞second opinion la


別墅

積分: 974


發表於 17-10-6 20:18 |顯示全部帖子
回覆 zitali8283 的帖子

聽你咁講李醫生真係少數對哩個病有認識嘅醫生, 好多醫生好似都唔識咁,之前我睇過兩個都只係話我係肌瘤,搞到都拖左成年先知。 BTW, 我上個月黎m食EVE止痛, 啲m少左感覺輕鬆左啲,不過就好削胃, 但起碼唔駛兩日都落唔到床


大宅

積分: 2863


發表於 17-10-7 16:08 |顯示全部帖子
riri0206 發表於 17-10-6 20:18
回覆 zitali8283 的帖子

聽你咁講李醫生真係少數對哩個病有認識嘅醫生, 好多醫生好似都唔識咁,之前我睇 ...

我有朋友叫我食eve呀,佢都話好有效,但佢係輕量級m 痛。我冇食過呀,我食醫生開嘅acroxia,食左幾年喇,初期食,真係好快變番個正常人。而家就冇咁有效喇,但好過冇囉


子爵府

積分: 11999


發表於 17-10-13 12:26 |顯示全部帖子
jasmine_hang 發表於 17-8-14 15:15
我都係同路人, 我仲絕望, 因為子宮腺肌好嚴重, 子宮大到22CM. 過埋肚臍, 每個月生不如死. 搞到嚴重貧血, 1 ...

jm 你而家做左手術未呀?祝你身體健康


民房

積分: 16


發表於 17-10-23 16:53 |顯示全部帖子
你好, 我想揾 PRO LI 睇肌腺症, 應該要做手術了, 但威爾斯醫院私家專科話佢唔會睇只係顧問醫生, 揾左第二個婦科醫生俾我, 請問我如何可以揾李醫生睇症呢


大宅

積分: 2863


發表於 17-10-23 18:17 |顯示全部帖子
tammaa 發表於 17-10-23 16:53
你好, 我想揾 PRO LI 睇肌腺症, 應該要做手術了, 但威爾斯醫院私家專科話佢唔會睇只係顧問醫生, 揾左第二個 ...

係呀,因為佢今年去左仁安tst 睇症呀。你打去tst book就得㗎喇


大宅

積分: 2582


發表於 17-10-24 22:39 |顯示全部帖子

回覆樓主

唔知我係唔係好幸運!45歲高齡有腺肌瘤朱古力囊腫纖維瘤仲有各免疫問題


大宅

積分: 2582


發表於 17-10-24 23:02 |顯示全部帖子

回覆樓主

都比我ivf陀到個b而家37週,好感恩!
見到咁多Jms有呢d困擾,我都比自己經歷大家
05年因為朱古力瘤嚮浸會做第一次腹腔鏡手術
手術整損其中一邊卵巢,跟住m來個量少左差唔多一半,問醫生都話正常。好了,一路要bb都唔得
睇開中醫幾年,吃勁多中藥又戒口,都仲唔得!跟住經人介紹到深圳做ivf,歷時七年,抽卵5次纖維瘤大到過份跟住去廣州做割瘤手術,做手術前一次超聲波先知個腺肌瘤都大,做完手術個教授比荷爾蒙丸我連續吃半年。半年後才再跟返個ivf,又一起睇免疫,放胎前三日打球蛋白,放胎個日再打薄血針到差唔多生!而家37週,已book定日子生產,希望順利!


大宅

積分: 2863


發表於 17-10-25 12:12 |顯示全部帖子
hkyuki618 發表於 17-10-24 23:02
都比我ivf陀到個b而家37週,好感恩!
見到咁多Jms有呢d困擾,我都比自己經歷大家
05年因為朱古力瘤嚮浸會做 ...

你好犀利呀!祝你嘅小b 肥肥白白健康長大
我下一次會先ivf,再停經三個月先放。而家都只係調理身體咋


民房

積分: 16


發表於 17-10-26 14:44 |顯示全部帖子
多謝你地既介紹, 我終於見到李醫生, 佢都話我應該要處理肌腺症問題, 佢亦都好有信心幫我做手術.

其實我之前睇過幾個婦科醫生, 有部份叫我懷孕, 有部份直接轉介我去外科醫生去處理, 但外科醫生又話個瘤咁細唔使切, 切左就好易有小腸氣問題; 又有外科醫生話我係婦科組織, 叫我睇反婦科. 我就覺得自己係個波俾人地推來推去, 我最初好灰心唔知自己咩病點解無人肯醫, 最後排政府醫院等左一年終於見到婦科醫生, 佢排我做手術但唔算係最急症可能要等2,3 年, 不過個瘤一年大 1CM , 若影響膀胱及大腸到時可能要切子宫先控制到病情, 我真係嚇到喊.

好彩最後我揾到這 post 去見李醫生, 佢既解說及檢查都相當細心, 佢亦好有信心話就算做手術都唔會有小腸氣問題, 睇下個醫生手勢啦, 令我好放心交俾佢做. 佢有問我點解識得佢, 我都係話上網揾到囉


大宅

積分: 2863


發表於 17-10-26 18:16 |顯示全部帖子
tammaa 發表於 17-10-26 14:44
多謝你地既介紹, 我終於見到李醫生, 佢都話我應該要處理肌腺症問題, 佢亦都好有信心幫我做手術.

其實我之 ...

你而家打算切子宮,定只切有瘤部分?李教授安排左我照mri, 我個case 係冇得切到個瘤,因邊界不是well defined. 我又唔會全切,仲想懷孕,只好每個月頂住痛痛痛


民房

積分: 16


發表於 17-10-27 10:47 |顯示全部帖子
回覆 zitali8283 的帖子

唉 ! 我地個症最困難既就係邊界無 well defined, 這亦都係其中一個原因好多醫生都唔想做這種手術, 就算做手術醫生都係要切多少少範圍, 希望儘量切晒咋 !
原來我地個病係子宫內膜組織異位引起, 那些組織可以週圍走, 去到卵巢就是朱古力瘤, 走到子宮可以變肌瘤, 去到子宫肌肉層就係腺肌症. 其實2010 年我都生過朱古力瘤, 當時睇左一個 BK 都出名既醫生, 佢用微創幫我切完之後叫我儘快懷孕或者IVF, 怕我會覆發. 但IVF 好貴我沒有選擇, 所以我切完之後好勤力睇何樹勛中醫, 又要勤力戒口, 終於9個月後我成功懷孕生到 BB. 由此証明做手術後唔一定無機會懷孕的, 而微創手術亦令我康復得比較快

但今次肌腺症就連上次幫我做手術個婦科醫生都叫我再懷孕先切, 佢唔多願意做. 所以我忍痛三年試試都無法懷孕, 期間由政府醫生跟進. 直到今年我發現佢太大又好似影響大腸, 政府醫生叫我去照CT SCAN 睇清楚個瘤有冇進入腹腔, 好彩個瘤無入腹腔否則好麻煩

現在李教授發現我又多一粒子宫肌瘤, 所以佢決定幫我做手術, 一次過切肌腺瘤及子宫肌瘤, 佢好肯定話唔使切子宮, 但手術後佢提議我儘快懷孕, 或者帶子宫環以免覆發


大宅

積分: 2863


發表於 17-10-27 17:57 |顯示全部帖子
tammaa 發表於 17-10-27 10:47
回覆 zitali8283 的帖子

唉 ! 我地個症最困難既就係邊界無 well defined, 這亦都係其中一個原因好多醫生都 ...

你個腺肌瘤咩位置?有幾大呢?我嘅都over 5cm喇,仲要係後壁左下位置。李教授話呢個位置近宮頸,所以更加易宮縮打開宮頸,之前22周早産就好有可能係咁。但佢叫我唔好唸手術option, mri後佢覺得唔值得做,可能會切走好多子宮部分。希望用停經藥會幫到易少少懷孕啦


複式洋房

積分: 154


發表於 17-10-31 11:01 |顯示全部帖子
zitali8283 發表於 17-10-27 17:57
你個腺肌瘤咩位置?有幾大呢?我嘅都over 5cm喇,仲要係後壁左下位置。李教授話呢個位置近宮頸,所以更加 ...


複式洋房

積分: 154


發表於 17-10-31 11:14 |顯示全部帖子
zitali8283 發表於 17-10-27 17:57
你個腺肌瘤咩位置?有幾大呢?我嘅都over 5cm喇,仲要係後壁左下位置。李教授話呢個位置近宮頸,所以更加 ...


首頁

尾頁

跳至