×

用戶登入

找回密碼 | 註冊

寒冷天氣警告現正生效 - 資料由天文台提供紅色火災危險警告現正生效 - 資料由天文台提供
12oC.64%
 

義工

今日: 15|主題: 83957

12
跳至
查看: 2809 | 回覆: 32
餵人奶餵到好沮喪


別墅

國民生產總值:522

BKXmas勳章


發表於 17-8-7 12:29 |顯示全部帖子
阿b 廿幾日大,由一開始好雄心壯志要全人奶同埋身到而家再住在再補奶粉。。。
阿b 已經每餐要4安左右但泵極都係得2安半至3安半奶,有過半數餐數唔夠要補奶粉。。。有時佢食到訓著,好快又醒要再食。。。

而且埋身往往超過1.5 小時,而且食到個半鐘仲喊,有時唔喎放口但20分鐘後又扭食。。。即係未食飽吧。。。我已經餵到個身僵哂,慢慢有啲抗拒埋身,加上陪月同阿媽係咁講話阿b 唔夠飽或怪我成日唔埋身,係好沮喪到想喊。。。
已經每日飲3,4 大碗陪月煲既處奶湯,好難飲,焗自己灌落去,都係追唔到bb 食量。。。

全埋身餵過一日,完全冇得訓,運
連埋扭下食下有時冇人得閒自己同佢換片,每餐中間訓唔到1個鍾。。。
轉頭個陪月話我唔訓夠所以冇奶。。。。無言 。。。

王國熱話
荃灣童鞋開倉(至12月頭)
荔枝角hallmark 0至8歲衫開倉
PRO CAM-FIS聖誕「折」嘉年華@時代廣場展銷...
荔枝角香工POLO開倉


男爵府

國民生產總值:9215

BKXmas勳章


發表於 17-8-7 16:28 |顯示全部帖子

回覆樓主

呢個係必經的過程,佢地有猛長期會不停索食,需要安全感/安撫

我餵左兩個小朋友,大仔個陣簡單係惡夢,餵到我抑鬱甘濟。不過個陣我做法係,泵到幾多就幾多比陪月餵,夠一餐先餵,即係一餐人奶一餐奶粉。

到陪月走個陣,我就埋身直到夜晚最後一餐,有泵奶餵泵奶,無就餵一餐奶粉

當然好多人會話,要多埋身先得架。但休息都唔夠點多埋身

通常半夜12點定為最後一餐,我比老公餵,同一時間我泵清就訓。最起碼我都可以訓4個鐘。

每個人的方法唔同,唔需要迫自己去成為別人。一直都有人唔同意我的做法,但對我兩個小朋友尼講,我滿月戒左夜奶,自己又夠休息,慢慢就上奶

餵人奶係先苦後甜,努力努力!


複式洋房

國民生產總值:452

BKXmas勳章


發表於 17-8-7 16:52 |顯示全部帖子

回覆樓主

bb 廿幾日 媽媽應該未達到供需平衡 滿左月之後會好好多
我自己bb初初都要食45-60分鐘 格個半-兩個鐘又嗌食架啦 而且深夜都係咁 未滿月佢地未夠力啜 所以一定會啜好耐 同埋胃仔又細 加上成日啜啜下訓教 好快會再肚餓
練習多啲側身餵奶咁樣媽咪又可以瞓喺度唔需要咁攰 雙手多咗出嚟又可以上網打機網遊 咁樣啲時間會覺得過得快啲 深夜嘅時候佢喺度食你側身餵佢又可以瞓覺
盡量唔好泵奶 埋身多啲 因為泵奶一定唔夠bb啜咁多 而且泵出到黎少奶亦會影響到自己懷疑唔夠奶 做成壓力 咁樣會少左做奶 (心境好重要對於餵人奶)同埋容易放棄餵人奶 因為泵奶好麻煩 又攰又晒時間 不如用呢啲時間休息下 bb嗌食你就比佢食 唔好諗覺得麻煩又要食 要諗下其實bb幫緊媽媽增加奶量 同埋係親子時刻 堅持到一定有成果
屋企人同陪月方面你多啲灌輸佢哋餵人奶嘅知識 等佢哋知道我餵人奶唔容易唔好俾咁大壓力自己
而家我bb三個月 食一餐5-15分鐘 格2-3個鐘食一次 深夜有時可以訓5-8個鐘
媽媽要加油 我諗每個人奶媽媽都會經歷呢個艱苦時期 你唔係得自己一個架 唔需要自責 我曾經都想放棄 不過為咗BB同埋我真係好享受為人奶嘅時刻 所以繼續堅持埋身全人奶
你可以做得到架


大宅

國民生產總值:1896

BKXmas勳章


發表於 17-8-7 17:09 |顯示全部帖子
回覆 ocean洋洋 的帖子

我個BB 30日, 仲係兩個鐘到餵, 我都餵到有D麻木. 而家我下午陪月餵泵奶, 咁我就瞓.
陪月5點零放工之後, 我基本上係抱住隻B到夜晚1-2 點, 先叫瞓得好D,

一齊加油!!!


大宅

國民生產總值:1796

BKXmas勳章


發表於 17-8-8 01:04 |顯示全部帖子
ocean洋洋 發表於 17-8-7 12:29
阿b 廿幾日大,由一開始好雄心壯志要全人奶同埋身到而家再住在再補奶粉。。。
阿b 已經每餐要4安左右但泵極 ...

你個bb 廿幾日大已經食四安,咁已經好大食,又會好重磅。 你揼都有兩三安其實已經meet 到standard , 做媽媽嘅都只希望自己小朋友健康,肥肥白白就夠啦,順其自然,餵到幾多餵幾多,唔夠咪補粉囉,奶粉又不是毒藥~~ 大家都唔好咁大壓力,可能過一排又係另一番景象呢~~


別墅

國民生產總值:555

BKXmas勳章


發表於 17-8-8 13:04 |顯示全部帖子

回覆樓主

我開頭都唔夠奶 好大壓力 好抑鬱 後尾諗通左 唔夠咪補粉囉⋯唔好勉強⋯心情輕鬆左反而逐漸追返奶⋯宜家夠BB食仲有特


別墅

國民生產總值:522

BKXmas勳章


發表於 17-8-8 23:10 |顯示全部帖子
Fionhohoho 發表於 17-8-7 16:28
呢個係必經的過程,佢地有猛長期會不停索食,需要安全感/安撫

我餵左兩個小朋友,大仔個陣簡單係惡夢,餵 ...

我都真係未搞得明。。。唔夠訓冇奶,但咁情況又有咩可能夠訓。。。


別墅

國民生產總值:522

BKXmas勳章


發表於 17-8-8 23:13 |顯示全部帖子
villa1027 發表於 17-8-7 16:52
bb 廿幾日 媽媽應該未達到供需平衡 滿左月之後會好好多
我自己bb初初都要食45-60分鐘 格個半-兩個鐘又嗌食 ...

我都聽話埋身最刺激奶量,但我仲有一個難題。。。
因為乳頭太短,bb 含唔到,後來人地教我買左個保護罩,有好啲,但bb 都係用咬多
同埋可能因為咁佢埋身食好耐都得好少


別墅

國民生產總值:522

BKXmas勳章


發表於 17-8-8 23:14 |顯示全部帖子
paulman 發表於 17-8-7 17:09
回覆 ocean洋洋 的帖子

我個BB 30日, 仲係兩個鐘到餵, 我都餵到有D麻木. 而家我下午陪月餵泵奶, 咁我就瞓. ...

你好勁。。。。


男爵府

國民生產總值:9215

BKXmas勳章


發表於 17-8-9 00:16 |顯示全部帖子
ocean洋洋 發表於 17-8-8 23:10
我都真係未搞得明。。。唔夠訓冇奶,但咁情況又有咩可能夠訓。。。

你有陪月有屋企人,泵比佢地餵
幾多都好,泵完即訓

我個陣都偷到加埋4小時訓


大宅

國民生產總值:1896

BKXmas勳章


發表於 17-8-9 14:42 |顯示全部帖子
回覆 ocean洋洋 的帖子

乳頭短都唔怕, 夾"BIN" 個乳雲先俾BB食, 等佢多D野係個口入邊容易D啜


大宅

國民生產總值:1255

開心吸收勳章 最關心BB問題熱投勳章 認識瑞士牛牛第一回 BKXmas勳章


發表於 17-8-9 15:34 |顯示全部帖子
唔好灰心呀,母乳唔夠就補奶粉啦。
其實我估你最大問題係唔夠休息。

呀b食奶粉果餐搵人餵,自己泵奶泵完就訓覺。
泵到儲夠兩三餐份量的話,可以開始試返埋身,而埋身唔好超過30分鐘,因為佢未必係食,只係有野含住同埋你抱住好有安全感。假若佢埋完身都仲係想食先補奶比佢食 (奶粉又好泵出黎果d又好,總之搵人餵,你自己就休息),唔肯食就比奶咀佢啜。另外,埋完身最好泵清,等身體造多d奶。

飲食方面,你叫陪月煲炒米黑豆茶你飲,當水飲,食埋d黑豆。另外煲鮑魚湯加鹽加片薑已經好好味,仲有木瓜章魚花生湯都好好味架。早、午、晚都要食飯,因為生完再加上餵母乳消耗好大,我成日覺得好肚餓會食兩碗飯先飽。

我果時係日頭盡量搵人餵,自己就訓覺,訓唔著就食野同飲野。夜晚就自己捱夜。

記得要攝取多d水份同埋有足夠休息,母乳多與少唔好比壓力自己。順其自然,夠體力夠精神應該會好d架啦~ 加油!!!!


洋房

國民生產總值:62


發表於 17-8-9 19:37 |顯示全部帖子
我個bb 27日大。早幾日應該係猛長期。1.5個鐘就喊晒要食奶。我連續玩左我三日兩夜呀都冇乜點訓過覺。唯有比佢密密啜啦。加油呀。捱過呢幾日就變返正常d。
我未生之前都好堅定要餵人奶。但係比想像中有難度。大家一齊加油啦


別墅

國民生產總值:522

BKXmas勳章


發表於 17-9-4 15:54 |顯示全部帖子
Ccccmmmm 發表於 17-8-9 19:37
我個bb 27日大。早幾日應該係猛長期。1.5個鐘就喊晒要食奶。我連續玩左我三日兩夜呀都冇乜點訓過覺。唯有比 ...

我仔都係呀。。。忽然變番兩個鍾左右就食。。。。


大宅

國民生產總值:1994

BKXmas勳章


發表於 17-9-4 16:03 |顯示全部帖子

回覆樓主

我仔21日人仔,早幾日開始一日食十餐,每餐四安,食得比個女四五個月的食量還要多,不知是否猛長期!


別墅

國民生產總值:522

BKXmas勳章


發表於 17-9-4 16:40 |顯示全部帖子
jennyp 發表於 17-9-4 16:03
我仔21日人仔,早幾日開始一日食十餐,每餐四安,食得比個女四五個月的食量還要多,不知是否猛長期!:yummy ...

咁仲厲害過我仔。。。佢而家一個半月,每日食8-10餐,每餐80ml, 剛穩定左,點知哩2日可能又猛長期,不斷要食。。。。


複式洋房

國民生產總值:197


發表於 17-9-5 00:14 |顯示全部帖子

回覆樓主

我個囡45日大,開頭因為未退黃,頭2個禮拜一日食10-11餐,每餐計埋掃風都成粒鐘,完全冇得訓,到第3個禮拜猛長期,佢日抖就2個鐘食一次,試過連續一個禮拜每晚由凌晨1點食到凌晨4點幾5點,中間可能淨係break過1,2次15分鐘....
我99都有話不如餵奶粉,快快趣趣就退哂黃,夜晚又夠飽肚,c6見我咁辛苦都叫我補奶粉算,但最後我堅持到宜家一餐奶粉都冇補過,全部埋身餵,結果最近去健康院,姑娘醫生都話佢重磅重得好理想,餵全人奶餵得好成功,叫做努力冇白費!
媽媽你要相信自己,同埋辛苦都係短時間,當你見到成果係無比咁滿足!!
加油,你唔係一個人㗎!


男爵府

國民生產總值:5538

2017媽媽節 15週年勳章 親子王國15週年勳章 親子王國15週年勳章


發表於 17-9-7 02:53 |顯示全部帖子

回覆樓主:

所有人奶媽媽 , 努力加油呀 。


別墅

國民生產總值:933

BKXmas勳章


發表於 17-9-7 22:32 |顯示全部帖子
qw_1120 發表於 17-9-5 00:14
我個囡45日大,開頭因為未退黃,頭2個禮拜一日食10-11餐,每餐計埋掃風都成粒鐘,完全冇得訓,到第3個禮拜 ...

本帖最後由 Meredith2014 於 17-9-7 22:36 編輯

你好勁啊!凌晨四點幾五點之後點?都係兩小時一次?我bb三週,我餵到2點幾就瞓,3點幾,同6點幾那餐係我媽咪餵奶粉,我早上10點先再埋身,因為試過全晚埋身一個半鐘餵一次真係頂唔到


複式洋房

國民生產總值:197


發表於 17-9-7 22:48 |顯示全部帖子
Meredith2014 發表於 17-9-7 22:32
本帖最後由 Meredith2014 於 17-9-7 22:36 編輯

你好勁啊!凌晨四點幾五點之後點?都係兩小時一次?我b ...

5點幾之後7點幾9點幾11點咁個幾2個鐘餵,由出世第4日到宜家都係全埋身淨係餵過4次樽因為泵奶睇下自己有幾多奶...
呢2日佢開始第6週個猛長期,尋晚凌晨2點幾餵到4點幾,然後佢訓得唔好我同佢都5點幾先訓,朝早7點幾瘋狂餵到中午12點幾....跟住又keep住2個鐘要食到宜家,人都癲,但捱幾日啦就回復正常

12
跳至
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎