×

用戶登入

找回密碼 | 註冊


義工

本地旅遊 今日: 3|主題: 7639

查看: 1466 | 回覆: 13
海馬公園玩水一日游(景點篇)


洋房

國民生產總值:62

BKXmas勳章


發表於 17-8-7 23:49 |顯示全部帖子
  咁多位又係我呀!XD上次寫左玩水篇,今次終於得閒寫埋其他野!
  其實呢,上fb睇人晒圖晒左好耐,終於等到今日,海馬公園其實耐唔耐都會玩一次,不過夏水禮呢,就自從結左婚之後都冇玩過喇。今次仲係同老公仔仔第一次坐地鐵去添!

由金鐘站轉車,行3分鍾左右就去到,之後車程2分鐘左右,落左車行5分鐘就到,講真比起巴士方便好多!特別係有BB車既,唔洗摺車。

  一入到去見到佢?!

 

聽完個哥哥介紹下,然後合照果陣發現:呢隻貓頭鷹唔鍾意望鏡頭囉...

  跟住就去左玩水喇(就係玩水篇既內容,呢度唔重覆喇)


  玩完水食野,是說熊貓餐廳個海南雞飯真心好食,可惜食之前冇影到相...(太肚餓喇)食完就去左門口水都餅店食仔仔一入黎就睇中左既鴨仔布丁。


個人覺得最神奇既係布丁都可以整到佢企o係度,再一次可惜,隻鴨一拎埋去,仔仔心急食,未影相已經一野""走左個鴨仔頭...唯有影呢度啦

 

佢呢度有3款甜品係鴨仔主題,試左個布丁,幾滑唔錯,而其他果dfb朋友講味道都OK


  食完野就去玩水區隔黎果個迷宮,再一次感嘆海馬公園做得好,因為,有頂架!!!!!

  

見唔見到?一d都唔晒!真係好正!本身幫左仔仔著防晒衣,結果根本唔洗用囉其實,同埋呢佢都係分左3個高度3條隊玩既,好可惜,佢有高度限制,身高要120cm以上先玩到,仔仔唔夠高玩...


  下一站:威威天地,



入到去,鴨仔依然無處不在

    

 

咁多位,記住呢張相,因為入便係鴨仔專門店,冇計劃買野既千其千其唔好入去,因為小朋友係會唔肯走架!

  

鋪仔細細不過勁多鴨仔


  跟住行到去...好想唱:鴨~全部都係鴨~

  


呢度係自拍位,不過留意喇,呢度冇得落水既,不過d哥哥會比我地1人拎住1隻影相囉

  

佢有水流,見到d鴨仔游下游下咁架


跟住就係隔離果個跳彈床喇

     

呢個又係用身高分左3條隊架,我見有個2歲幾BB自己一個玩,玩親都係差唔多大既小朋友,感覺安全好多。


玩完威威天地,就諗住去坐欖車喇,經過老大街,再一次唱:鴨~全部都係鴨~



終於,頂唔住仔仔,玩左一次,


點知...差小小羸到珍寶獎呀!真係差小小咋!激死人呀!


well...望都冇用啦...同佢擦身而過...


跟住,又一間鴨仔:


都係果句,認住呢間鋪,小心小朋友唔肯走呀。

  

呢個就係傳說中既自訂版鴨仔,可以o係鴨仔上便印自己鍾意既字咁,黎之前fb係咁比佢洗版。

  

仔仔最鍾意都係呢d模型,同我老公一樣。

  

電車都有鴨仔搶鏡...

 


埋左站喇,快d上車啦


你地上唔上車架?


好,收工(?)

本身諗住坐欖車,點知佢要行好長斜路上,同埋見到好多人排隊,於是諗住去坐列車好d

點知,路經玩水區,仔仔再一次要求玩水>玩泡>玩沙無限loop,加上頭先玩完老公應承左佢話一陣再玩,所以淨係抹左身,擰乾左件防晒衣又著返,冇換到衫,所以...就冇然後喇...最後仔仔又入左去無限loop到天黑,我用過山車同睇企鵝引佢都冇用...

旅程去到呢度就完喇。


今次玩夏水禮感覺好arm仔仔玩,而且佢安排得好好,咁當然啦,如果個玩水區再大d再多野d更好啦(雖然其實掛住玩水,都冇咩點玩其他野)




王國熱話
請教點樣電飯煲整乳酪
問尋晚鼎爺叉燒食譜
海綿蛋糕
學鼎爺炆罐頭鮑


大宅

國民生產總值:2367

BK Milk勳章 BKXmas勳章


發表於 17-8-8 01:43 |顯示全部帖子

回覆樓主:

超讚,謝謝妳


大宅

國民生產總值:4955

BKXmas勳章


發表於 17-8-8 02:00 |顯示全部帖子

回覆樓主

Wow ~ 好多資訊

請問明天 8 號夏水禮,
星期二冇夜場,
玩水區開到幾多點?
充氣迷宮,又幾點截人?

另外,
官網寫煙花表演係 8 pm,
歷時 15 分鐘,
但公園閂門時間,又係 8 點正

你哋有冇睇埋先走?


別墅

國民生產總值:513


發表於 17-8-8 12:59 |顯示全部帖子
多謝jm分享


複式洋房

國民生產總值:116


發表於 17-8-8 18:16 |顯示全部帖子
果幾個甜品幾錢?


洋房

國民生產總值:62

BKXmas勳章


發表於 17-8-8 22:47 |顯示全部帖子
Piko 發表於 17-8-8 01:43
超讚,謝謝妳
多謝呀!第1次寫post,本身係會o係自己電腦寫開記低同仔仔去玩既回憶,第1次放上網,d相upload又剩咁真係搞到我頭都暈@@,不過你地覺得有用/好睇就抵返晒啦!


洋房

國民生產總值:62

BKXmas勳章


發表於 17-8-8 22:51 |顯示全部帖子
KLDC 發表於 17-8-8 02:00
Wow ~ 好多資訊

請問明天 8 號夏水禮,
佢夜場係5/6/日先有架,平日都係玩到8點冇得玩,星期6就9點截龍,不過行過門口見到果d bbq好似會好夜咁,果日我地玩完換完衫佢個雙龍奇緣都緊,都睇左尾水啦


洋房

國民生產總值:62

BKXmas勳章


發表於 17-8-8 22:51 |顯示全部帖子
connieeesze 發表於 17-8-8 18:16
果幾個甜品幾錢?
冇記錯個布丁同個cup cake 48蚊,另外果個就38蚊


複式洋房

國民生產總值:247


發表於 17-8-9 00:30 |顯示全部帖子
唔係露天又真係抵讚ge~咁佢玩水入面會唔會好熱/焗?特別係冇濕身會唔會熱/焗到要濕身?


複式洋房

國民生產總值:113


發表於 17-8-9 15:24 |顯示全部帖子
如果有b車搭列車方便好多 見d人拎住b車又要摺又要上樓梯咁去搭欖車我都鄧佢麻煩


洋房

國民生產總值:62

BKXmas勳章


發表於 17-8-9 21:57 |顯示全部帖子
map743 發表於 17-8-9 00:30
唔係露天又真係抵讚ge~咁佢玩水入面會唔會好熱/焗?特別係冇濕身會唔會熱/焗到要濕身? ...
唔會呀,果度其實除左沙雕後面果面牆之外,其餘3面牆都有出入口,一定唔會焗啦。同埋同出便比較都係涼爽既。


洋房

國民生產總值:39


發表於 17-8-10 16:03 |顯示全部帖子
我下禮拜都去呀 等我認住果兩間店先haha


公爵府

國民生產總值:28663

畀面勳章 BKXmas勳章


發表於 17-8-10 16:28 |顯示全部帖子
多謝分享


大宅

國民生產總值:1313

BKXmas勳章


發表於 17-8-12 06:24 |顯示全部帖子

回覆樓主:

謝謝分享
你需要登錄後才可以回帖 登錄 | 註冊

分享按钮
© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎