×

用戶登入

找回密碼 | 註冊


義工

親子溝通 今日: 1|主題: 12954

查看: 770 | 回覆: 0
興趣班


大宅

國民生產總值:4686

BKXmas勳章


發表於 17-8-14 11:51 |顯示全部帖子
[size=13.3333px]到咗暑假又係報興趣班嘅熱門時間, 最多人報嘅當然係游泳班啦。 我之前都做咗好耐游泳教練, 發覺好多家長都諗住外判咗個小朋友畀游泳教練就可以學識游水。 啲家長以為跟教練學10堂就可以學識, 但以我嘅經驗,除非個小朋友一開始就唔怕水, 如果唔係都好難喺十堂入面學識。 要小朋友好快學識游水, 剩係靠教練教根本冇可能, 要靠家長喺學游水之前就成日要同小朋友去玩水玩到佢哋唔驚水先可以比較快學識,當然學緊都仲要同佢哋一齊去玩水,俾啲挑戰佢哋。 所以雖然我自己都係一個游泳教練,但係我都將教游水嘅責任交畀教練而我自己只係負責同小朋友去玩水。 所以要小朋友學嘢學得有效率家長都需要隨付出。
[size=13.3333px]講開興趣班, 好多家長都會畀小朋友學好多嘢, 美其名就係搵多啲唔同嘅興趣, 但係講得叫做興趣班,點樣令到小朋友有興趣先至係重點。 如果唔係好多小朋友上完堂之後就好快乜都唔記得曬。 以我嘅經驗,如果想小朋友有興趣繼續玩落去,除咗平時上堂之外,我哋做家長嘅就要平時同佢哋一齊練一齊玩咁先至可以保持到佢哋嘅興趣, 同埋最重要係唔好迫佢哋去學, 因為只有係佢哋自己想學嘅,佢哋就冇理由唔去練習。 除咗唔好迫佢哋之外,仲要畀空間同時間佢哋,因為如果佢哋覺得嗰樣嘢令到佢哋好悶好辛苦就乜嘢興趣都冇曬,所以我就唔會畀佢哋學好多嘅興趣班。 我有個經驗,就係我對仔女好鍾意同我分享喺興趣班學嘅嘢,好似我阿仔阿女學琴咁,佢哋就好鍾意成日叫埋我坐喺側邊聽佢哋練琴,當然聽完之後仲要讚佢哋啦!為咗令佢哋更加有興趣,我仲會同佢哋一齊彈琴添,雖然我唔識但唔識咪好囉,因為阿仔阿女可以教我。 跟住之後我自己仲走咗去學小提琴其實主要係想學識睇譜,同埋可以幫佢哋一齊數拍子, 開頭佢哋都好奇怪原來爸爸都識得睇譜, 我坐喺佢哋側邊一齊練琴仲可以幫佢哋數拍子,除咗可以增加親子時間,仲可以培養佢哋嘅興趣一路繼續練落去。 又好似我個仔亦都有學畫畫,佢好鍾意畫畫, 除咗上堂之外,佢仲成日都喺屋企自己畫, 為咗增加佢嘅成功感, 我間唔中就會同佢一齊揀佢啲畫得靚嘅作品,就喺屋企啲櫃門同旁邊或者牆上面呀度貼曬出嚟好似貼堂咁。其實要培養一個小朋友嘅興趣唔係多就得,係要諗方法點樣令到佢有興趣繼續落去先至最重要。另外一個另小朋友有興趣繼續嘅要素係成功感,所以要欣賞佢哋學到嘅嘢,要經常鼓勵同言讚賞先得。 講真如果興趣班只係為咗部學校其實根本就冇意義,我試過帶阿仔去面試, 除非你畫畫畫得好出色或者彈琴彈到第七第八級,如果唔係根本就冇作用,因為好多人都學緊,最壞係教咗個小朋友功利只求目的。 所以我覺得幫小朋友報興趣班應該係培養佢哋多方面嘅興趣為原則, 所以唔需要多但係真係要有興趣囉。唔好以為多就可以搵到興趣,我就只會每次最多報兩樣,嘗試培養興趣,真係唔鍾意先再報其他。我幫小朋友報興趣班嘅原則係一樣運動同一樣藝術。游水係冇停過一路學,就算得幾度都照去上堂,因為游水係好孤單嘅運動,只有只己不停游,其實對鍛練毅力好有幫助。因為我想佢哋知道人生有啲嘢係需要先有機會成功。



王國熱話
Pokemon 七歲生日會分享
分享小女生日會!
分享自制生日會
影bb 1歲相,但預著唔好攝影師
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎