×

用戶登入

找回密碼 | 註冊


義工

論盡家傭 今日: 31|主題: 123456

查看: 1212 | 回覆: 19
好長篇,關於一次好差請印傭經驗


洋房

國民生產總值:33


發表於 7 天前 |顯示全部帖子
我們於四月透過一間喺荃灣南豐中心12/F,叫力x僱傭公司聘請印傭。希望幫手照顧我們於八月出世的bb。印傭姐姐既履歷上有2次工作經驗,聲稱曾印尼及馬來西亞工作並使用過廣東話,而在自我介紹的影片中,用廣東話報稱自己懂得基本嘅入廚技巧又有照顧小朋友的經驗。
到七月時姐姐嚟到時,我們即時發現姐姐嘅廣東話和英文都係一竅不通,完全溝通唔到。所謂在培訓中心訓練嘅野大概只有用布抹傢私,抹地,摺衫,廣東話都係聽得明抹地,廚房,廁所,食飯,瞓教,同錢。我哋當然明白新工人嚟到要時間適應同學習,我哋起初亦好有心機教佢廣東話,仲專登買咗幾本印傭天書有中文同印尼文嘅翻譯方便佢學習廣東話,每晚臨瞓前仲會同佢補習廣東話,逐個字同佢讀。但呢個叫Dwi Yulixxxxx既印尼姐姐根本冇心機學廣東話,因為有d時間佢無事幹叫佢溫習一下,佢會選擇坐低發呆或者望電視機。最後工作左一個月,連基本問有無買餸,抹左xx未,佢都會發呆望住你,答唔出或者諗3,5分鐘先答到你yes or no。另外身體好差,頭2星期多,每隔一日就頭痛,手痛,或者腰痛,亦都有作感冒,因為我差不多臨盆,佢唔肯去睇醫生,或者戴口罩,對我來說係頗嚴重問題,因為我媽咪同佢相處一整天,已被傳染,我本人得悉佢病就保持距離。

王國熱話
有無bb喺今日17年8月4日岀世㗎?
影bb 1歲相,但預著唔好攝影師
租吹氣彈床平靚正
布丁狗生日蛋糕


洋房

國民生產總值:33


發表於 7 天前 |顯示全部帖子

回覆樓主

而佢有個大問題係誠信,包括偷偷叉電同玩電話後死口唔認,其實佢做家務好慢,所有野都比正常人做慢一倍,連行路都慢過一個臨盆大肚婆,佢有心慢慢做,因為你催促或者要做得mean一點set timer俾佢佢係能夠時間內完成的,所以同佢翻譯上傾過佢工作時不要send msg,完成工作或者食飯時是可以的,而叉電問題係因為佢會自己主動叉電並且係一用完就自己去叉,完全唔似一個新黎工人嘅行為,佢連問都唔會問你一下,做野反而就無 concept 唔識主動,甚至乎忘記叫佢做的事,好基本拎個煲,或者摺一格櫃嘅衫,出左去3小時都無完成,然後發現佢無原無故拎左對鞋去洗,佢好喜歡踎喺廁所洗野,會踎好耐並且用好多水洗到鞋都變形,會自己選擇性做野。被發現sd msg同叉電就第一時間否認,如果當場發現就利用人同情心話掛住家鄉女兒,但其實睇到一堆名係佢d朋友或者佢喺香港打緊工嘅呀姨,初到埗已經識講大話。而佢喺履歷報稱嘅入廚經驗都係零,問過佢本人,以前工作經驗只負責清潔,喺家鄉都係佢媽咪做,佢唔識,切野都係培訓學校教,其他忘記晒,蒸,炒,炸全部唔識,當然你口講佢都聽唔明係乜,佢連炒蛋都唔識,我們用一個月時間教左唔少,佢都係差不多每晚菜式都一樣,唔一樣嘅就自己做返,佢就識少少,但如果你要佢自己完成一餐普通2餸嘅飯,炒瓜菜,蒸蛋連煲飯基本要1.5小時,工作效率十分慢,佢切野又唔識仲要唔會聽你講用"針板",佢好容易切親自己,我地就會即刻stop佢工作,休息下,唔知係咪因為咁,佢更堅持徒手拎住黎切野。最最最重要係佢竟然話唔想同唔識照顧我哋BB,完全違背咗我哋請佢嘅原意,雖然佢有一個女,一問下,佢話係佢媽咪照顧的,工作履歷上出現照顧過嬰兒果一欄都係假,佢只係照顧過4歲同8歲小朋友嘅清潔工作。


洋房

國民生產總值:33


發表於 7 天前 |顯示全部帖子

回覆樓主

得知工人姐姐有個親戚都係香港做工人以十年之久,即係佢呀姨,識講廣東話,咁我哋就希望佢阿姨可以幫下手教佢廣東話,而工人姐姐放假都盡量遷就佢,等佢同阿姨一齊放假,可以同阿姨多啲相處,學下野。但每次佢放完假見完阿姨之後,返嚟就態度又差左但廣東話又完全冇進步。我哋已經開始懷疑阿姨教佢走精面。姐姐放一次假就學壞一啲,佢呀姨係照顧老人家的,比較悠閒,甚至俾我地工人放假時上主人屋企坐,食野飲野,可能因為咁,我地個工人姐姐以為每個家庭同佢呀姨嘅一樣。不過到第三星期,姐姐好多中文都唔明,工作細節,或者需要佢去睇醫生原因都溝通唔到,我地都打電話麻煩呀姨解釋下,但呀姨就話,做咩揀佢呀,你地搵過個溝通到嘛,佢好麻煩呀。我地相信姐姐已經有心唔做,佢呀姨都幫緊佢教佢離開。

我們曾經帶埋姐姐上僱傭公司了解姐姐虛假履歷嘅情況,雇傭公司一如其他公司既講法,履歷表上嘅資料全部係由培訓學校提供,並非由佢哋提供,佢地只係中介,俾資料我地,睇履歷幫我地揀姐姐,收左介紹費後將責任推得一乾二淨。叫我地俾姐姐上去佢地了解下同教下佢中文,理解下姐姐心態同資質,但上到去,佢地無安排翻譯,到姐姐離職果一日,話安排翻譯上公司幫我地溝通,都係無出現過,話翻譯喺大使館行唔開,以往,佢地都係搵佢呀姨當翻譯咁溝通左就算。


洋房

國民生產總值:33


發表於 7 天前 |顯示全部帖子

回覆樓主

喺早2日(即係10/8),佢又因為都偷懶無做家務又忘記要做嘅事又偷玩電話而俾我老公鬧。第二日安排姐姐放假,僱傭公司約咗姐姐上去傾計。原定夜晚8點返屋企,但八點半都未見人打電話又唔聽,係9點先返到屋企,睇返佢電話期間佢有用個電話同人WhatsApp但唔覆電話,咁問佢,點解唔打返電話俾我(打電話,玩電話佢係聽得明呢d字,因為佢最緊張電話,錢,食飯,訓教),佢答我無問題,我問佢咩無問題就答唔到啦,然後用返translate溝通,翻譯後意思係i was in street, i don't have time,我問點解sd msg都唔覆下我?之後繼續講大話掩飾。但個大話被踢爆之後,兜唔到既時候就話辭職唔做。我哋當時就思考下工人姐姐上完公司傾計之後返嚟就話唔做,我就講咁ok,你聽日搵agent。佢即時返左房打電話俾佢呀姨,我地都同呀姨溝通左數分鐘,佢呀姨都實牙實齒話佢要辭職,唔做啦。


洋房

國民生產總值:33


發表於 7 天前 |顯示全部帖子

回覆樓主

於是我哋即刻打咗封英文印尼文封辭職信雙方簽名作實。都即時打俾agent講聲先,證明係工人姐姐自己提出話唔做,並非我哋解僱佢,保障我哋自己。第日姐姐一直瞓,瞓到我地要出門口啦就嗌醒佢,叫佢返僱傭公司辦理解僱手續,(本來follow我嘅agent基本上咁多次都無親自follow返,每次都係佢d同事幫我跟,不過重點要有人跟,我都唔執著呢一點,但某程度上我覺得一個agent sell完姐姐,袋左中介費然後咩都唔再跟,都幾不負責任,姐姐到埗前,佢都有2,3次蝦碌野搞錯我係第二個客) 講返當日,因為姐姐先上去僱傭公司,同公司傾左一陣,我哋後一小時先上公司,僱傭公司嘅一位李小姐報稱姐姐其實唔係唔想做,之後我哋嘅出示嗰張雙方簽名嘅辭職信時,同埋問佢如果姐姐唔係唔想做前一晚唔會自己執好行李,今朝亦都唔會瞓到我地嗌佢要出門口先起身,瞓到差不多10點半,因為僱傭公司11點開門,佢先話再了解下,但當時無翻譯所以叫我地下午4點再上黎,點知,4點3,4上去嘅時候,佢依然話翻譯喺大使館趕唔切返黎,不過講電話上了解過,就改口話姐姐真係想辭職,而姐姐願意做多一個月作通知期,但因為我哋頂唔順佢嘅工作態度,亦都因為佢主動辭職,擔心留返佢喺屋企會有閃失,亦都好彩我哋有雙方簽名嘅辭職信就證明係佢提出辭職,我地決定即時中止合約算了。雙方不用補錢。當晚,我買埋機票,第二日再上去支付剩餘薪金同俾機票佢正式終止合約。我哋連埋介紹費一共用咗$16,xxx請左姐姐工作一個月。我唯一感恩嘅係佢無玩野講完辭職再反口再賴死唔走,因為有朋友都有呢d case。


洋房

國民生產總值:33


發表於 7 天前 |顯示全部帖子

回覆樓主

總結,上述嘅雇傭公司做法非常唔專業,先係經佢哋手比客戶嘅履歷資料虛假,而且無經過核實,而當客戶提出疑問時就將責任推培訓公司。(段片點解乜都話識而又講廣東話咁流利,工人姐姐話公司教,邊間公司就不得而知啦,翻譯翻唔到正確資料) 其次個客戶同工人姐姐溝通有問題時竟然要求客戶自己聯絡工人嘅親戚作翻譯,每次上公司討論問題時先係要求叫埋工人姐姐嘅阿姨上去,竟然連一個翻譯都安排唔到。佢地話自己公司唔會有果d天書provide俾你,呢d係培訓公司工作,有個agent聽到我地話語言問題同埋好多野唔識做,問我地想點?我地就係想問下你地有無方案幫到手,佢就provide左2個,一係送多次佢去培訓2星期,但係我地要keep住出糧俾佢去第二個地方培訓,一係就俾多次介紹費4k幾佢地幫我搵過個或者等個本地完約,我地炒左姐姐。我地對呢間公司都無咩信心,d資料假嘅,加上已到預產期,無心機時間再揀姐姐住,大失預算,雖然bb出世辛苦少少先。


洋房

國民生產總值:33


發表於 7 天前 |顯示全部帖子

回覆樓主

而該名叫Dwi Yulixxx既姐姐一個月已暴露出非常多缺點,例如完全冇心學廣東話,工作超級散漫,好鍾意坐同踎低,你教緊佢煲湯,佢都會無啦坐低扮抄筆記,唔係同你邊學邊做,佢d筆記佢抄完,叫佢講一次,10個step只炒一半,但呢10個step因為怕佢唔明白我已經重複講6,7次先問佢,佢有心唔記,呢一個月內發現佢鍾意去街市,因為有d同鄉可以傾計,所以佢記得買餸嘅野較快較多,同埋會主動dd去睇我買俾佢果本圖文並茂嘅買送天書,不過買到嘅送都好有限,如果你無限制時間佢起碼去一小時,不過買嘅送菜款其實好少(3款蔬菜連魚同瘦肉),附近幾檔就買齊(由屋企落街市無需10分鐘),如果你限制時間,佢都會last minutes返黎,唔會快同唔會早,就算你同佢一齊落去,佢都會行得慢你幾個身位,你要等佢開埋門俾佢等佢慢慢行入大廈,問佢點解咁慢,佢就答好熱,但就算岩岩由屋企行落街其實佢都係咁慢,熱都係半藉口。佢本身無數字concept,我地教左3星期,終於答到部分時間幾點鐘,不過10點半會變3點半,11同12成日搞亂,分鐘仍然唔太理解係咩,分鐘係乜唔識,唯獨timer倒數時間佢就明,你整野叫佢3分鐘熄火,佢係做唔到,只可以等timer響先會明白。錢銀方面我叫佢俾12蚊我,佢俾20蚊,我話唔係,佢直頭拎200蚊,我事前教左好耐而又唔係好舒服先有一日叫佢試下去街市買5樣蔬菜,我叫佢買完即時mark低個價,而家街市都唔會點呃你所以都安全,不過你口頭問幾錢,佢都好勉強先講到,幾蚊都咁難講。一過10蚊佢真係講唔到。其實好有心機教左好耐,但太多覺得係基本嘅野問佢點解唔識或者唔記得佢都話佢tried but very hard for her. 咁就好令人失望。好似衫褲咁,深色淺色佢都唔識分,教佢摺衫分開連身裙,上衣同褲擺都教左9個字,然後都係分錯,我唔知道佢有心定無心啦,唯一見到佢俾力做就係手洗毛巾,鞋,同埋抹地


洋房

國民生產總值:33


發表於 7 天前 |顯示全部帖子

回覆樓主

以下係我嘅個人猜測:可能姐姐個阿姨有10年喺香港做工人嘅經驗,心知遊戲玩法,教唆姐姐挑戰僱主底線,但唔成功令我地炒佢,最後更以辭職為絕招,佢一定要放星期日搵呀姨,好似黎探親咁,乜都話搵呀姨,問佢搵佢做咩又講唔到。我地估姐姐點解初黎香港都咁快話唔做,係因為呀姨表現左喺香港打工可以揀放邊日,又可以成日sd msg㩒電話什至瞓晏教,而家喺我地度打工無呢d福利所以想過新僱主,可能真係有d僱主請個工人普通清潔就ok,咁我祝佢好運

僱傭公司方面亦可能教唆姐姐辭職唔做,希望係佢辭職一個月通知期來幫佢搵到新僱主在賺取一筆介紹費(但最後因為我哋嘅一張辭職信令到佢只能留低14日),不過我買機票只令佢留低2日多,雖然個工人可以選擇唔走,我地亦懷疑佢最後放假果一日,佢呀姨或者agent或者朋友帶佢另覓僱主,所以返黎即時話辭職,但不得而知,不過如果咁岩有人去呢度interview呢位姐姐,而你都接受唔到以上嘅事就請你三思。


洋房

國民生產總值:33


發表於 7 天前 |顯示全部帖子

回覆樓主:

本帖最後由 missymy 於 17-8-14 00:53 編輯

另外,履歷上寫姐姐1988年2月,150高58kg但黎到應該唔只呢個磅數,所以懷疑因為咁佢要成日坐同踎,因負荷唔到,加上佢好喜歡食印尼撈麵,勁多味精,我地俾飯俾菜佢都會揀唔食,好唔健康,再加上夏天,佢體味比較勁,有時都叫佢下午沖多次涼,但唔係好解決到問題,不過呢d個人嘅野我地就幫唔到d咩,不過如果都會concern體味問題就要都考慮一下啦


洋房

國民生產總值:33


發表於 7 天前 |顯示全部帖子

回覆樓主

跟本同履歷有出入,略懂廣東話係得幾個字識,而且話以前工作用過廣東話係假嘅,工人姐姐話無用過廣東話工作,亦無照顧過nb bb,燙衫都唔識,佢會辣親手,要望住佢做野,好怕佢整親,淨係識摺衫,亦唔識煮飯基本功,即係切野都好易切到手,隨時食埋佢d血,莫講係中國菜,送菜喺隔離都會開行水喉喺送菜隔離用洗潔精洗野,彈晒落去,廚房係絕對有足夠位置俾佢擺開d食物!再加上佢係唔願意不使用電話,唔願意跟你安排放假,更加唔會休息日幫你做少少野先出門,好簡單煲個水都唔會,放完返黎就話頭痛唔舒服想休息,當然,佢嘅假期我地都唔會強制去剝削佢,只係履歷上問嘅答案都係俾返standard ans你,根本唔係工人姐姐意願。雖然佢以前工作經驗d工時咁長6至11,但佢黎到安排佢8點先起身佢下午3點後已經恰緊眼瞓,所以我都懷疑d資料真確性,因為資料有一半都唔正確。



附件: 你需要登錄才可以下載或查看附件。沒有帳號?註冊


大宅

國民生產總值:4203

BKXmas勳章


發表於 7 天前 |顯示全部帖子
x勤僱傭.....喺九龍灣?


男爵府

國民生產總值:9312

BKXmas勳章


發表於 7 天前 |顯示全部帖子

回覆樓主

如果你唔怕煩,試下打去海關舉報


大宅

國民生產總值:2146

BKXmas勳章


發表於 7 天前 |顯示全部帖子
missymy 發表於 17-8-14 16:53
跟本同履歷有出入,略懂廣東話係得幾個字識,而且話以前工作用過廣東話係假嘅,工人姐姐話無用過廣東話工作 ...
真的好長好怨氣但自己快生,5好激親自己呀,祝生產順利
我之前亦炒過三個公主,你姐姐令我想起我最5 like 其中一個姐姐,又是叫Dwi, 佢超衰,大話精,當時我請佢照顧99,有日發現我99有兩隻手指瘀曬 (我99痴呆,解釋5到點解受傷)到炒左佢,有一日佢個同鄉上門追債,先講返我知,佢成日捉我99行好好快好快,我99成160-170磅 ,好輪盡,應該是跌倒所以手指受傷,超冇愛心


男爵府

國民生產總值:6528

BKXmas勳章


發表於 7 天前 |顯示全部帖子
missymy 發表於 17-8-14 00:26
我們於四月透過一間喺荃灣南豐中心12/F,叫力x僱傭公司聘請印傭。希望幫手照顧我們於八月出世的bb。印傭姐 ...
其實,僱傭公司嗰d 履歷,不用盡信,請工人完全係撞彩!
我上一個海外印,都話係Malaysia 做過,嚟到同我講係Malaysia 只係睇住d 狗,有两個工人,僱主一家日日去restaurant ,唔使煮飯

話一句,黑面,博咀,我係厨房睇吓佢洗碗,熨衫都唔like, 問太太點解睇,太太唔鍾意我,送我返agency

我對工人煮飯冇期望,自己煮,唔想教,費事勞氣!我連睇都唔俾佢睇,等佢冇得偷師,我煮飯時,我叫工人出去休息!

佢初到時,問過工人有冇親戚,隔離屋係香港做工,佢話冇!後來辭工先話老公家姐係旺角睇住婆婆!

成日叫我送佢返agency 咪一定係老公個家姐教囉!

個工人都係好臭,佢走咗3個月,佢個房都仲有佢陣味!

佢辭工,最好!

佢仲偷介指去當,我寫咗信去入境處投訴,返唔到嚟啦!



洋房

國民生產總值:33


發表於 6 天前 |顯示全部帖子
ChineseHK 發表於 17-8-14 17:05
x勤僱傭.....喺九龍灣?

九龍灣荃灣都有ga


洋房

國民生產總值:33


發表於 6 天前 |顯示全部帖子
chichiho 發表於 17-8-14 17:18
如果你唔怕煩,試下打去海關舉報

真係有諗過,已經打過電話查詢,當時真係好嬲


洋房

國民生產總值:33


發表於 6 天前 |顯示全部帖子
mmkk28 發表於 17-8-14 19:11
真的好長好怨氣但自己快生,5好激親自己呀,祝生產順利
我之前亦炒過三個公主,你姐姐令我想起我最5 like ...

多謝你^^
嘩,好慘呀,你炒得快都算好,不然俾佢繼續整親又捉佢唔到仲蝕,係咪叫DWI都特別差ga.....


洋房

國民生產總值:33


發表於 6 天前 |顯示全部帖子
細姐姐 發表於 17-8-14 21:05
其實,僱傭公司嗰d 履歷,不用盡信,請工人完全係撞彩!
我上一個海外印,都話係Malaysia 做過,嚟到同我講 ...

我都知靠撞彩架啦/ ^ \ 無諗過出入大到咁,而家就生b無心機時間搵過,就算搵都唔知信唔信呢間agency好,因為有半年半價介紹費呢個"優惠"

本身開頭見佢呀姨好客氣,仲以為會幫手教下佢講野做野,點知勁快教佢唔撈,真係有親戚喺香港做野嘅工人都係kick d,不過呢d請之前唔會知,你捉到佢偷野報到案都叫出返啖氣。我地就咁眼白白蝕左一筆仲要俾agent賺多單介紹費,因為第二日上去搞d文件野見到個工人都係拎齊行李坐喺agent度,笑得勁開心同人傾計,勁似等新水魚帶佢走。估計張機票都無用弋ga la,不過唔知點check


大宅

國民生產總值:2146

BKXmas勳章


發表於 6 天前 |顯示全部帖子
missymy 發表於 17-8-15 06:46
我都知靠撞彩架啦/ ^ \ 無諗過出入大到咁,而家就生b無心機時間搵過,就算搵都唔知信唔信呢間agency好,因 ...
我地僱主最冇保證,工人表現5好,即炒佢仲要補一個月$和機票,留佢又激死


洋房

國民生產總值:33


發表於 6 天前 |顯示全部帖子
mmkk28 發表於 17-8-15 09:09
我地僱主最冇保證,工人表現5好,即炒佢仲要補一個月$和機票,留佢又激死 ...

真係!我聽左好多身邊朋友ge case仲大獲,賴死唔走嘅都有,不過留喺屋企咩都唔做,有d就有特別湊小朋友技巧,嚇餐飽,有d就衛生問題,俾佢煮飯唔知自己食左d乜咁。好慘做僱主真係,保障唔到自己,得個炆字!agent公司又可以卸膊,走灰色地帶,好賤
你需要登錄後才可以回帖 登錄 | 註冊

分享按钮
© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎