×

用戶登入

找回密碼 | 註冊


義工

婆媳關係 今日: 1|主題: 25197

查看: 2501 | 回覆: 13
我的99是咁的


大宅

國民生產總值:1175

BKXmas勳章


發表於 17-8-20 01:23 |顯示全部帖子
本帖最後由 angelaine627 於 17-8-20 01:34 編輯

老公一家移民外國嘅,老公宜家同我係香港,佢屋企人係外國......

我99有舖生b癮。
佢自己四個仔,咁都明顯係基因問題,加上老公精子都幾活躍,所以我兩個仔(一個兩歲一個就出世,想快啲出世,39w2啦,唔想過期呀), anyway, 之前照到第二胎都係仔時已經叫我追多個喎,我心諗呢胎都未生就叫我追多個,又唔係你養,你奉子唔會湊添啦,同個大孫最多都係玩一陣。
陀呢胎時,都要我哋返去幾個月,就係為咗比佢哋見吓個孫,話說我陀呢胎開頭嘔到9彩,搭飛機連黃膽水都嘔埋,但都無人care。接機個陣佢想抱大仔,大仔即喊,心裡有點壞嘅覺得係好事,大仔唔痴嫲嫲。
因爲係外國做産檢,基本上要用上半日時間,無辦法底下就拜託佢,老爺同姑姐幫忙睇住,佢哋可以勁到幾粒鐘都唔可以同大仔換條片,尿都算啦,因為産檢同照結構中間要等成兩個幾鐘,所以有時間就同佢哋食個lunch(唔係屋企附近,佢哋咁啱出開去),見面個時,阿仔條片已經重到一個點,再唔換就濕硬,都係我自己換,我算。食完個lunch又再返去等照結構,佢哋一家就開車返屋企先,車程大概40分鐘。到我照完結構再開車返屋企,已經係食lunch後3.5至4個鐘嘅事,因為老公開車,所以無留意電話有msg,點知我哋返到屋企,停好架車就發現99係我哋返到去前40分鐘左右send過個msg嚟話個孫痾咗便便,到我返到入屋時係發現個仔仲未換條屎片㗎囉。個吓我真心嬲,又成日問住幾時同佢戒片,話係屋企咪由佢唔著片,我當你唔識,唔想同佢換啦,咁點解你唔除咗條屎片係咁二同佢用水沖一沖咪比佢唔著片一陣囉,一陣佢up到patpat紅哂又有說話講。
重成日叫我哋快啲搬返去住(我哋係有搬返去嘅打算,但我會帶埋我父母過去),到時兩個呀,你講就輕鬆,又唔會幫手,係香港起碼公公婆婆點都會幫吓手吖。玩孫你就叻,所以就算搬返去,我都會自己買屋,同佢哋分開住。



王國熱話
有冇出年暑假去大板/東京?
年年去泰國, 入嚟分享下!
跟團加床一問
快閃 hea 台灣


大宅

國民生產總值:1175

BKXmas勳章


發表於 17-8-20 01:30 |顯示全部帖子

回覆樓主:

本帖最後由 angelaine627 於 17-8-20 01:34 編輯

二寶就嚟出世啦,佢同老公講話二寶一出世就話佢知等佢plan幾時返嚟香港,最緊要係睇吓bb,佢唔關心我都算,佢講呢句我真心嬲 tbc


聽完個msg,我即同老公講,咁到時你自己一拖二去見你媽得啦,佢想見bb之嘛,咁我可以唔去啦,老公即刻無嘢講。

我係外國個幾個月佢都無咩關心過我,如果我唔好,你粒孫都唔會好啦吓話。講過比佢聽有啲咩係一定唔食得,轉個頭就無咗件事,好彩我問清楚係咩姐,如果唔係食咗邊個負責。

總知婚前婚後,有小朋友前同後真係兩個世界。最討厭嘅係佢係一個雙重標準嘅人囉,我好唔想佢教壞我個仔呀

總算呻咗啲嘢出嚟,舒服咗啲啦


伯爵府

國民生產總值:16860

BKXmas勳章


發表於 17-8-20 02:09 |顯示全部帖子

回覆樓主:

你99的問題(自私啦,雙重標準啦,只動口不動手啦)基本上是全部99的通病,我擔心你生完細B之後,99馬上飛返來探孫?估計會影響產婦的休息,快D請定工人,否則到時你又要湊B又要招呼99(估計99實住夠3個月先肯走)都幾忙吓ge,但要記住到時候千萬別叫你媽媽來邦手wo,因99實點你阿媽做野兼向兒子告你媽的狀,到時候你媽媽吃力不討好,99就日日坐系度當檢查官,bk上太多呢D例子,前車可監呀!

點評

vinvin901    發表於 17-8-21 16:02


大宅

國民生產總值:1175

BKXmas勳章


發表於 17-8-20 02:20 |顯示全部帖子
美之選468 發表於 17-8-20 02:09
你99的問題(自私啦,雙重標準啦,只動口不動手啦)基本上是全部99的通病,我擔心你生完細B之後,99馬上飛返 ...

好在我同爸爸媽媽住,由於阿嫂係外國都生b,所以媽媽已經飛咗過去幫哥哥手。
而亦因爲咁樣,99係唔會嚟住嘅,唯一嘅安慰

不過你都啱,9成奶奶都係咁,但我就100%肯定我媽唔係咁嘅99。

我但求到時唔洗成日要出去見佢咋,加上大家湊b方法,準則唔到,真心好難住埋一齊


子爵府

國民生產總值:14633

畀面勳章 BKXmas勳章


發表於 17-8-20 02:38 |顯示全部帖子

回覆樓主:

都時我真係唔會理。忍心小小自己出街點老公做哂啲野。唔係佢地唔會明白係幾多野做。好似我奶奶屎@痕要幫個六個月仔介片喎。俾佢唔著褲周圍走。等佢瀨幾次係地下。我唔幫手佢抹到死下死下。第二日已收聲。


伯爵府

國民生產總值:16102

BKXmas勳章


發表於 17-8-20 02:51 |顯示全部帖子
懿仔媽媽 發表於 17-8-20 02:38
都時我真係唔會理。忍心小小自己出街點老公做哂啲野。唔係佢地唔會明白係幾多野做。好似我奶奶屎@痕要幫個 ...

我個仲搞笑,我仔剛剛滿月,pat pat 有d紅,距話叫唔俾距著片窩,瀨⬅️等工人姐姐洗。我心入面真係反曬白眼,有姐姐你都唔係咁玩人下話!何況bb咁細經常都係訓係度,張床仔唔洗要啦。pat pat 紅搽zinc cream(醫生開)就可以,好彩距最後都無實行。距仲話距個friend話應該買d以前既尿布,通爽d,反正有工人叫距洗。我立刻話唔好啦,心入面又係話,bb一日咁多屎尿,你以為工人唔會抗議咩,我唔想搞到個工人話唔做囉!係唔係咁樣黎搵野俾個工人做呀。


大宅

國民生產總值:1175

BKXmas勳章


發表於 17-8-20 11:02 |顯示全部帖子
懿仔媽媽 發表於 17-8-20 02:38
都時我真係唔會理。忍心小小自己出街點老公做哂啲野。唔係佢地唔會明白係幾多野做。好似我奶奶屎@痕要幫個 ...

六個月就戒片,諗咩㗎。
真係要佢哋自己承受吓後果佢哋先會知


伯爵府

國民生產總值:16860

BKXmas勳章


發表於 17-8-20 11:04 |顯示全部帖子
angelaine627 發表於 17-8-20 11:02
六個月就戒片,諗咩㗎。
真係要佢哋自己承受吓後果佢哋先會知

做得好!


大宅

國民生產總值:1175

BKXmas勳章


發表於 17-8-20 11:05 |顯示全部帖子
大豬既老婆 發表於 17-8-20 02:51
我個仲搞笑,我仔剛剛滿月,pat pat 有d紅,距話叫唔俾距著片窩,瀨⬅️等工人姐姐洗。我心入面真係反曬白 ...

真係9成奶奶都係活於自己世界。

我會引我奶奶為鑑,盡我最最最大努力,將來唔會成為佢咁樣嘅奶奶

點評

vinvin901    發表於 17-8-21 16:04


大宅

國民生產總值:4668

BKXmas勳章


發表於 17-8-20 22:59 |顯示全部帖子
angelaine627 發表於 17-8-20 01:23
老公一家移民外國嘅,老公宜家同我係香港,佢屋企人係外國......

我99有舖生b癮。

有得揀肯定同99分開住好,同住到時矛盾仲更加多


大宅

國民生產總值:1530

BKXmas勳章


發表於 17-8-21 01:36 |顯示全部帖子
我都係外國住,但我6299係我生完後都會黎,加上我自己父母同bb,一屋七八個人,其實佢地有無諗過產婦最須要休息架...我媽照顧我之外仲要煮多人飯


大宅

國民生產總值:2001

BKXmas勳章


發表於 17-8-21 01:45 |顯示全部帖子
angelaine627 發表於 17-8-20 01:23
老公一家移民外國嘅,老公宜家同我係香港,佢屋企人係外國......

我99有舖生b癮。

你真係唔好期望佢地會幫你手,始終係人地阿媽,肯幫係 bonus嚟架


大宅

國民生產總值:1175

BKXmas勳章


發表於 17-8-21 03:05 |顯示全部帖子
s7824 發表於 17-8-21 01:45
你真係唔好期望佢地會幫你手,始終係人地阿媽,肯幫係 bonus嚟架

其他時候我寧願佢唔幫,但個個moment,個個case都可以為個孫著想吓掛。


大宅

國民生產總值:2506

BKXmas勳章


發表於 17-8-21 16:01 |顯示全部帖子
angelaine627 發表於 17-8-20 01:30
二寶就嚟出世啦,佢同老公講話二寶一出世就話佢知等佢plan幾時返嚟香港,最緊要係睇吓bb,佢唔關心我都算,佢講 ...
係, 雙重標準, 咩都佢講晒, 最憎最反感最討厭
你需要登錄後才可以回帖 登錄 | 註冊

分享按钮
© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎