×

用戶登入

找回密碼 | 註冊


義工

鐘點工人 今日: 8|主題: 8998

查看: 801 | 回覆: 5
[其它] 打算請「陪月」的準媽媽必看:


大宅

國民生產總值:3399

BKXmas勳章


發表於 17-9-14 00:49 |顯示全部帖子
真心分享,傷心經歷,傷害了自己的BB。
本人居住杏花邨,有兩名女兒,細女現時13個月大,屋企有工人。細女出世時,請咗一位(居住港島東)嘅本地中年陪月姨姨,原先諗住聘請六個月,雖然每月開支好大,但因不希望工人湊住細女同時又要帶大女返校、去街市買餸,亦想趁這段時間讓工人熟習一下照顧兩個小孩。

結果,超黑仔,請咗位疏忽職責、非常不專業既「陪月」,令自己的初生BB受傷。
問題發現之後,我即時終止合約,但反而被她追討欠薪、代通知金、沒收按金 .........佢仲去勞工處告我........ 我都未話告佢疏忽照顧BB要佢賠醫療費..... 唉!又要去勞工處、又要去小額錢債審裁處、又要去法庭,足足攪咗一年,仲要次次請大假,完全浪費我既時間、假期(emoji)最終2016年9月,雨過天晴,法官還我清白。判咗佢需要俾返按金(一個月人工)我,但到而家佢都唔肯還錢!!

舉例「陪月」既問題:
- 照顧BB期間,經常只顧玩電話,甚至乎把BB放在大腿上睡覺,雙手玩電話
- 放BB在地上不理,唔知去咗邊,屋企冇其他人
- 胡亂記錄BB食奶時間
- 連BB漏了大便在床都不知道
- BB耳朵表面不清潔,經常有洗頭水乾咗嘅泡泡漬,咁表面嘅嘢都完全冇留意
- 不知道一個正常BB的奶量
竟然俾180ml 奶量予一個只得2個月大、正常體重之BB。我覺得好有問題,食量實在太多,於是上網搵資料教番佢。
- 事後才知道,除咗餵奶、換片、沖涼,其餘嘅事情(洗BB衣物/玩具/奶樽......) 陪月員都私下吩咐叫咗工人去做。


王國熱話
氣泡 (1-52,更新52)
人切不可把自己看得過重
心情大掃除~~~~
不要做一隻杯子,而要做一個湖泊~~~~


大宅

國民生產總值:3399

BKXmas勳章


發表於 17-9-14 00:50 |顯示全部帖子

回覆樓主

即時終止合約的導火線(對BB造成身體傷害):
週末因陪月休息,晚上自己幫BB沖涼,發現BB兩邊胳肋底損曬,左邊出現紅痕及血水,右邊出現紅痕、血水及脫皮,這情況應該是有水未抺乾,
"up"住多日所造成。
帶BB去睇兒科醫生,醫生告知兩邊胳肋底發炎,傷口滲血水,需要定時用消毒藥水清洗傷口、塗藥膏,如果兩至三日仍然未痊愈,便需要服用口服藥物作治療。--》依家諗返起都心痛

經過呢件事,學到以下知識:
1) 請小心,不要胡亂簽陪月員提供的合約。
首先,一定要搞清楚究竟係僱傭合約/服務性合約?
如果係僱傭合約,僱主需要替僱員購買強積金以及報稅。 所以一般情況下,準媽媽與陪月簽的應該是服務性合約,一定要在合約抬頭寫清楚。
2) 我相信一般準媽媽都會在大約懷孕六個月,就會去聘請陪月,所以一般都要繳付按金,以便所謂Mark住佢個期。但切記寫清楚,按金係咩情況下會退還/或者用嚟抵銷/支付服務酬金。
3) 唔係上到法庭都唔知,原來陪月都有所謂嘅「有薪年期」,即係我哋返工嘅annual leave,如果唔想有拗撬,記得係合約寫明有還是冇。

我不敢在此公開此陪月姓名,以免佢又去告我,浪費我時間!


大宅

國民生產總值:3705

2017媽媽節


發表於 17-9-14 04:11 |顯示全部帖子
18OctMama 發表於 17-9-14 00:50
即時終止合約的導火線(對BB造成身體傷害):
週末因陪月休息,晚上自己幫BB沖涼,發現BB兩邊胳肋底損曬,左邊 ...

可否 pm 資料俾我呀 。


大宅

國民生產總值:3705

2017媽媽節


發表於 17-9-14 04:12 |顯示全部帖子
18OctMama 發表於 17-9-14 00:50
即時終止合約的導火線(對BB造成身體傷害):
週末因陪月休息,晚上自己幫BB沖涼,發現BB兩邊胳肋底損曬,左邊 ...

其實你可以用 X 代替佢名其中1 個字呀


大宅

國民生產總值:3399

BKXmas勳章


發表於 17-9-18 22:53 |顯示全部帖子
18OctMama 發表於 17-9-14 00:50
即時終止合約的導火線(對BB造成身體傷害):
週末因陪月休息,晚上自己幫BB沖涼,發現BB兩邊胳肋底損曬,左邊 ...

up


洋房

國民生產總值:85

BKXmas勳章


發表於 17-10-11 12:09 |顯示全部帖子
18OctMama 發表於 17-9-14 00:50
即時終止合約的導火線(對BB造成身體傷害):
週末因陪月休息,晚上自己幫BB沖涼,發現BB兩邊胳肋底損曬,左邊 ...

可否pm 我,果個陪月的名?
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎