嬰兒用品

跳至

首頁

尾頁
   1


洋房

積分: 35


發表於 17-10-10 02:03 |顯示全部帖子
本帖最後由 faye_tung 於 17-10-10 02:53 編輯

一個人湊孖仔,求各位媽媽比正能量我!亦想同相同處境媽媽交流下
由兩個月開始自己湊到現在半歲(其實可以話一生完已經自己搞掂) 簡短d講,開頭同99住,但比佢搞到我產前後抑鬱,嘈左好多次。重點係我有bb之前佢係咁叫我生,話幫我湊比我去工作,但生左後佢係愛理不理,我兩日冇訓過都唔幫我,有時應承幫我餵又冇餵,bb喊到我醒自己餵返。坐月時叫我唔好濕水但又唔洗奶樽焗我洗,拜神日又逼我一定要洗頭。唔肯煲湯,一煲就菜乾或綠豆沙。嘈交時講返,佢話特登既因為我唔識尊敬99,係道住唔幫手做家務…試過成個月同佢講野黑面唔睬,我受盡折磨,但要湊仔走又走唔出去,只可以每晚匿埋喊…佢仲要話我冇得訓係我自己唔去訓。兩個月已比佢趕走,只好返我媽度三仔乸逼沙發床,一個月後先揾到屋。
起初情緒依然好唔穩定,身體精神都到極限,真係諗過+嘗試過自殺無數次。慢慢先好轉,可能係冇左99不停刺激我,而且自己湊熟左,情緒自然冇咁波動。不過講真一個人湊邊會唔攰,根本應接不暇,做左基本餵奶換片等已經冇曬時間,更奢論同佢地玩下訓練佢地既發展。有時做唔足家務,又冇時間幫佢地清潔得咁足,見佢地生粒粒/奶癬,又或者剪指甲剪得唔夠密,搞到佢地抓損曬塊面……之類,真係好灰心,但係唔開心完唯有叫自己再努力下。
錢方面都好煩,老公揾2萬多,租屋已使一半,滿月時冇休息+食唔飽收左奶,所以奶粉錢都好甘…而家只買基本野都係岩岩好,自己每日都係輕食+晚餐正餐,更唔使講奢侈品。雖然有bb前有積蓄但真係唔多,產前後都使左筆,之前比家用99都唔少。呢樣都係壓力之一,如果要買玩具或要睇醫生,又要諗計再慳…
當然都有開心時候,見住佢地一日一日長大,覺得雙倍辛苦都有返雙倍回報。曾經我以為自己唔會有咁多母愛,因為以前係只顧工作養家,唔中意小朋友更加冇諗住結婚生仔既人。但係生完成個人係改變曬!
我對湊仔真係生手,邊湊邊學咋,好想知道有冇媽咪又係一打二。。可以教下我,同埋都想揾人呻下得到d鼓勵。。


別墅

積分: 983


發表於 17-10-10 02:32 |顯示全部帖子
faye_tung 發表於 17-10-10 02:03
一個人湊孖仔,求各位媽媽比正能量我!同埋有冇相同處境媽媽交流下
由兩個月開始自己湊到現在半歲(其實可以 ...

本帖最後由 skyyuki923 於 17-10-10 02:34 編輯

我一打三都係咁過,唔好諗住 99 會對自己好幫自己湊,當日我生第 1 個時我 99 驚死我比佢湊咁,最後我有自己呀媽呀爸幫手,之後有左第 2 胎知係孖時我都冇諗 99 會幫手,因為佢唔識 2 黎佢又唔鐘我,我更加冇諗自己父母幫我,因為佢地幫我湊大女已經好攰,仲湊埋 2 個細? 我疊埋心水做 ftm, 大女都自己湊返始終佢升小學所有野都自己跟,細 2 個 keep 住覆診,做治療,唔好講話唔攰,不過每次去到聽到治療師話有進步,可以唔駛再去都幾大鼓舞,而家細 2 個 k2 大個一個小三叫舒服左好多架啦。
所以你都唔好太灰,始終自己湊大係唔同 d, 見住佢地一日一日咁大,又學識好多野時你會覺得乜都抵返,佢地開口叫你媽媽時你就會覺得辛苦有乜好怕,最緊要小朋友健康快樂已經夠。
btw 你老公可唔可以幫下手?


複式洋房

積分: 499


發表於 17-10-11 15:11 |顯示全部帖子
faye_tung 發表於 17-10-10 02:03
一個人湊孖仔,求各位媽媽比正能量我!亦想同相同處境媽媽交流下
由兩個月開始自己湊到現在半歲(其實可以話 ...

我都係一個湊孖B,幾辛苦當然知,大家一齊加油(emoji)


別墅

積分: 861


發表於 17-10-11 20:39 |顯示全部帖子

回覆樓主:

我一湊三 (大女k2 孖孖1歲)
話有99幫手 係幫手睇下 同有時接送大女返學 同煮夜晚飯
我都好攰有時仲做到情緒低落(m前後特別容易有情緒) 同c6呻到自己喊 成日問自己為乜 做到10隻手指都殘曬(家務換片餵奶做功課陪玩沖涼)晚晚都一點先有得訓 朝早七點食奶 根住又重覆做所有家務 有時諗 不如我離家出走 乜都唔理 但又邊捨得c6同三個仔女
同自己講 咬緊牙關捱過去 一定湊得掂
窮咪窮啲 慳自己同c6 仔女一定要照顧 但願佢地健康成長 我期待緊個畫面 係家姐同兩個細佬手拖手一齊行。一齊去公園玩 一齊扶住欄杆睇風景
點辛苦點窮都值得
99呢樣野 唔好指意啦 靠自己同c6
加油呀


複式洋房

積分: 482


發表於 17-10-12 18:05 |顯示全部帖子
pochacco8217 發表於 17-10-11 20:39
我一湊三 (大女k2 孖孖1歲)
話有99幫手 係幫手睇下 同有時接送大女返學 同煮夜晚飯
我都好攰有時仲做到 ...

謝謝你地既鼓勵。

我上個月尾生左孖B, 宜家坐月湊B, 每日都鼓勵自己, 希望能好似你地順利過關。


水晶宮

積分: 59231

好媽媽勳章 大廚勳章


發表於 17-10-13 07:19 |顯示全部帖子
樓主我完全同你一樣呀,而家孖B先半月,老公過二日放完大假返工了,不過我自己住的,我自己阿媽又唔幫,奶奶又完全無經驗好老既鄕下人,連飲奶要五掃風都唔知,話我老公細個冇掃由佢嘔咪得....
D朋友個個話請工人/鐘點幫下嘛
鬼唔知,有錢至得,廢話!
不過見到你甘困難都湊大佢地,令我打了支強心針,多謝你
---生命無價,請支持領養---


大宅

積分: 1864

開心吸收勳章 認識瑞士牛牛第二回


發表於 17-10-13 17:44 |顯示全部帖子
回覆 faye_tung 的帖子

加油呀....... 開頭係辛苦D, 仲要無乜人support, 好易灰咗...... 到佢地大大下, 比到好多反應你, 你既辛苦都會覺得值得的......
老人家唔好指意佢地湊, 佢地玩下算啦......

要正面D, 小朋友會feel 到既.......



複式洋房

積分: 109


發表於 17-10-14 00:30 |顯示全部帖子

回覆樓主:

加油呀!我湊對孖女不過好彩有姐姐幫手冇咁辛苦,我冇乜野分享但睇好多書,知道百忙之中可以點樣幫助bbs發展。
響呢個階段你要不斷咁同bbs講野,例如晒衫就大大聲叫佢地名話媽媽而家晾緊呢件係爸爸既恤衫,係藍色既平時著來返工,逐件講逐件介紹。總之做緊乜都介紹一返,咁對佢地大腦同語言發展係好好既。
換片既時候又可以順便郁下佢地既手仔腳仔。
每天開youtube播英文兒歌比佢地聽(但唔好比佢地睇電視),聽30分鐘左右(唔好太多否則聽慣電視聲會唔太應父母既聲音),同一首歌可聽至少300次,咁啲歌(英文文法,系統)會入哂潛意識,等佢地大啲返學學英文會容易好多。
仲有,多啲緊緊地抱住佢地,表達你既愛,對佢地既發展都好好。
千其唔好睇少以上看似好簡單既野。真係work的!!加油!
記得自己要保持心境開朗,比bbs知道媽媽的堅強,等佢地學下野。
祝你身體健康。


大宅

積分: 1408


發表於 17-10-16 23:11 |顯示全部帖子
faye_tung 發表於 17-10-10 02:03
一個人湊孖仔,求各位媽媽比正能量我!亦想同相同處境媽媽交流下
由兩個月開始自己湊到現在半歲(其實可以話 ...

我一湊三,大既3歲半 孖女半歲,真係好忙,不過慢慢大應該會無咁辛苦,自己住,唔得閒家務咪唔做住,有時間抖左先,第1胎黎孖一定好辛苦,但放心好快上手,可以推佢地去附近行下街,輕鬆d


子爵府

積分: 10589


發表於 17-10-17 15:27 |顯示全部帖子
skyyuki923 發表於 17-10-10 02:32
本帖最後由 skyyuki923 於 17-10-10 02:34 編輯

我一打三都係咁過,唔好諗住 99 會對自己好幫自己湊, ...
甘請問你,平日點接送三個返學,放學?


別墅

積分: 705

MommyPanel勳章


發表於 17-10-19 17:34 |顯示全部帖子
路過,唔係孖B媽

湊B既辛苦樓上有經驗既媽媽都已經俾左好多經驗你,我都係新手媽媽都冇咩可以教到你,但我見你講先生每月收入要支持生活都會比較吃力,有冇試過去搵下你果區既社會保障部都搵下社工幫手,以你屋企既收入應該有機會申請到食物銀行。

另外,小朋友既學習同玩具方面,可以上黎呢到睇下有冇媽媽可以Free到俾你呀。我自己小朋友都係玩朋友俾既玩具。小朋友玩得開心就可以。

其實見到你既post都感覺都你既辛苦,所以先想留言支持下你。你有時都需要比自己表達下自己既情緒,發洩一下,路唔係得一條,記住唔好諗埋一邊呀,加油!


別墅

積分: 983


發表於 17-10-20 22:33 |顯示全部帖子
huilai88 發表於 17-10-17 15:27
甘請問你,平日點接送三個返學,放學?

接完大再接細,細 2 個夜晚 7 點前去接就得


大宅

積分: 2590


發表於 17-11-15 02:52 |顯示全部帖子
faye_tung 發表於 17-10-10 02:03
一個人湊孖仔,求各位媽媽比正能量我!亦想同相同處境媽媽交流下
由兩個月開始自己湊到現在半歲(其實可以話 ...

我都系一個人湊孖女 宜家22個月!老公搵好小錢 又搬左出泥 經濟壓力好大!自己湊都會成日好炆 因為2個都真系比較煩啲!又會好似冇哂朋友 與世隔絕甘 因為多數都系得自己對住2個小朋友 又冇咩節目甘!但我覺得自己湊系好好多!冇野系吾得 你都要加油 遲下小朋友番左學就會舒服啲


大宅

積分: 1159


發表於 17-11-17 15:05 |顯示全部帖子
寶貝:) 發表於 17-11-15 02:52
我都系一個人湊孖女 宜家22個月!老公搵好小錢 又搬左出泥 經濟壓力好大!自己湊都會成日好炆 因為2個都真 ...

我都係一個湊兩個,現在已4歲讀全日班
返學時我可以叉叉電
各位媽媽一齊加油(emoji)


大宅

積分: 2590


發表於 17-11-17 21:58 |顯示全部帖子
fayefresh 發表於 17-11-17 15:05
我都係一個湊兩個,現在已4歲讀全日班
返學時我可以叉叉電
各位媽媽一齊加油(emoji)

媽媽吾易做 大家都加油:)


別墅

積分: 750


發表於 17-11-19 15:57 |顯示全部帖子
faye_tung 發表於 17-10-10 02:03
一個人湊孖仔,求各位媽媽比正能量我!亦想同相同處境媽媽交流下
由兩個月開始自己湊到現在半歲(其實可以話 ...

看到你篇文章我都好有同感,我剛開始自己一打二生活,真係堅辛苦,我對孖仔16個月,根本同時間同自己鬥快,已經乜都念唔到,機械式生活,疲累身軀...好想請教大家時間安排。


大宅

積分: 1022


發表於 17-11-20 19:00 |顯示全部帖子
我都係自己一個凑孖仔,不過我仔依家21個月易凑好多,初初果時我喂人奶,全日坐係度除佐餵奶乜都做唔到,個人好辛苦,好唔開心,狠心戒佐人奶俾奶粉佢地食,先慢慢好返D,有返D時間休息一下,呢個時候有老公嘅支持同鼓勵先最重要,幾辛苦都好兩公婆一條心,D仔好快大,慢慢就會發現幾辛苦都值得,樓主加油(emoji)


男爵府

積分: 9700


發表於 17-11-21 15:55 |顯示全部帖子

回覆樓主

我都係一個孖寶媽媽,現在已快三歲讀,。。
下年返k返學時,好快就有自己時間及輕鬆一點生活
各位孖媽媽,要好好把握當下,小孩都好快長大的,加油啊(emoji)


複式洋房

積分: 356


發表於 17-11-28 18:24 |顯示全部帖子

回覆樓主

唔好諗奶奶會點幫啦,好多野都無所謂既理所當然,我果個我未生就想叫我生,但依家幫佢女湊,唔會話想幫我湊。為有自己努力湊,見步行步,不過可以見到佢一日一日咁成長,果種滿足真係值得既!一湊二真係好辛苦,加油啊!


大宅

積分: 4638


發表於 17-11-29 21:33 |顯示全部帖子
skyyuki923 發表於 17-10-10 02:32
本帖最後由 skyyuki923 於 17-10-10 02:34 編輯

我一打三都係咁過,唔好諗住 99 會對自己好幫自己湊, ...

我見你話細孖要見言語治療係什麼事?

首頁

尾頁

跳至