Baby Kingdom - 親子王國 香港 討論區 › 首頁 › 懷孕前後› 懷孕8w無胎心

懷孕前後

收藏本版
發帖
返回列表
跳至頁
懷孕8w無胎心 [複製鏈接]

首頁
1

尾頁
   2
dunuknow_ww


別墅

積分: 626


1#
發表於 17-10-14 13:32 |只看該作者
本帖最後由 dunuknow_ww 於 17-10-14 13:36 編輯

今日係第一次產檢去照閃閃，醫生話照唔到有胎芽胎心，得孕囊3.6cm同卵黃囊0.78cm，好大機會係missed abortion，已經寫左報告俾我叫我跟身，同帶定m巾，一個月內有可能會自然排出流血。醫生都有話可以隔多一兩星期照多次，但機會不大，因為我經期雖然每次黎7日但準時。。

有無jm試過隔多一兩星期再照見到閃閃？如果我隔一星期照會唔會太短？

如果第二個醫生都確定係胎停育，係米自己拎住轉介信行入公立急證就得架？定要再等多一排公立照多次先會同我做人流？

我最近屋企係威爾斯，可唔可以叫醫生檢查下孕囊組織睇下係咩問題導致自然流產？
或，我見台灣有得做夫婦染色體檢查，睇下會唔會係呢方面問題令佢停左發育。唔知香港有無得做呢類檢查？我搵黎搵去都唔見有。。

真係好擔心，年紀都唔細喇第一胎就無左，好傷心，又令到家人失望。。之前一直無流啡流血，講真除左胸脹同眼訓啲之外都無害過喜。。唉
私人傳訊

ambermatt


大宅

積分: 2661


2#
發表於 17-10-14 16:20 |只看該作者

回覆樓主：

本帖最後由 ambermatt 於 17-10-14 16:22 編輯

我醫生之前講流產3次先需要做染色體檢查。停育好常見，早期流產5個中1個，你google下就知，無原因的，公立唔會幫你驗搵原因。佢話就算做都未必知原因。
如果去公立，拎封信直接去有婦產科既急症就得，會安排上病房。
私人傳訊

kkat


大宅

積分: 2057


3#
發表於 17-10-16 15:16 |只看該作者
我上年都經歷左同你一樣既事,又係8星期左右諗住去聽閃閃,點知醫生話個胎無心跳同已經停止左生長，
跟住寫信比我去威爾斯睇急症。威爾斯叫我一星期後去照多次超聲波,如果都係無心跳就排期做引產。
等待既一個星期係最痛苦。最終BB都係無心跳,但係排期引產前就自已排左出黎。
我明白你感受,係會好唔開心同唔知點面對屋企人。但唔好諗太多負面野,可以既同朋友或者家人傾下。
坐好個小月,BB實會返黎架。加油呀
我年紀都一樣唔細,但而家都再次有左,就黎4個月喇。
私人傳訊

dunuknow_ww


別墅

積分: 626


4#
發表於 17-10-17 11:01 |只看該作者
ambermatt 發表於 17-10-14 16:20
我醫生之前講流產3次先需要做染色體檢查。停育好常見，早期流產5個中1個，你google下就知，無原因的，公立 ...

明白了 謝謝你呀

私人傳訊

dunuknow_ww


別墅

積分: 626


5#
發表於 17-10-17 11:02 |只看該作者
kkat 發表於 17-10-16 15:16
我上年都經歷左同你一樣既事,又係8星期左右諗住去聽閃閃,點知醫生話個胎無心跳同已經停止左生長，
跟住寫信 ...

本帖最後由 dunuknow_ww 於 17-10-17 11:07 編輯

我打算聽晚去急症室 但我仍然無紅無啡 有可能只叫我一星期後返去覆診唔會叫我上房 好希望多一個星期有奇蹟啦⋯⋯
謝謝你 祝你bb健康長大
私人傳訊

Ilovefuufu


大宅

積分: 2652


6#
發表於 17-10-17 17:19 |只看該作者
我也是無紅無啡，7w3d去私家醫生已經叫我我心理準備，個胎發展太慢，無胎胚無心跳，只有胎囊，繼續等。等既過程最辛苦，去到8w3d都係無發展。醫生說可以繼續等，不過係等佢自然排出，我不想再等，太辛苦。所以要求塞藥排走，無副作用，好過做手術。之後隔一日再睇多一個醫生，佢都確定係空心胎，size停左係week6無再發展，加上開始萎縮，都係話可以等佢自然排走，或者用藥，我睇多一個醫生後，決定用藥，快d排走，重新出發。但我都用左一個星期先排到，星期日剛排左個胎囊出來，一個姆指咁大左右，而家坐小月，睇中醫調理身體，心情也平伏了。
唔建議去急症，因為他們多數起碼觀察3次以上，反覆確定係空心胎先會比藥，有排等，到時去到week12左右比藥或做手術，等既過程太漫長辛苦了，不如你再睇多一個醫生再決定吧！
私人傳訊

manmanbaby73


洋房

積分: 53


7#
發表於 17-10-17 19:14 |只看該作者
Ilovefuufu 發表於 17-10-17 17:19
我也是無紅無啡，7w3d去私家醫生已經叫我我心理準備，個胎發展太慢，無胎胚無心跳，只有胎囊，繼續等。等既 ...

請問塞藥係私家做定政府？要留院嗎？
私人傳訊

Ilovefuufu


大宅

積分: 2652


8#
發表於 17-10-17 20:11 |只看該作者
私家診所，係子宮收縮藥，一般婦科醫生都有，可以幫忙快d排。如果去公立，一般都係睇左3次之後先比藥返屋企排，不用留院。起碼要等2-3week先會比藥你，但公立要你排完個胎囊攞返去做化驗，我唔想等咁耐，驚到時week12個胎囊又大左，難排，最後要刮宮仲衰。所以我8w4d睇完2個私家後就塞藥，好似M痛咁，而家坐小月調理休息，自己開始諗開d,其實個胚胎先天根基唔好，早點知也是好事。同埋醫生話只係今次唔好彩，不影響下次。塞完藥後下次再黎m已經可以再試，最緊要自己不要鑽牛角尖，大家一起加油！
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見