單親天地

跳至

首頁

尾頁
   3


複式洋房

積分: 186


發表於 17-11-5 23:45 |顯示全部帖子
我仲讀緊書,無經濟能力。
由BB出世到依家一直係我屋企生活,男朋友最初負責左少少物資,之後對BB無負責過任何有形及無形既support。其間家人搵對方商量我地將來面對既問題,點知傾唔掂之餘,男朋友及其家人仲態度惡劣反閙我家人。
我知道佢地咁好有問題,但我好唔捨得個男仔,我家人一直照顧BB,一直無埋怨過我。而男朋友亦仲係學生,呢幾個月佢地果邊對BB無任何支援,所以我家人唔贊成我地,話大家仲未有經濟能力,跟本好難面對生活!
我真係好迷惘!有無人可救下我?


男爵府

積分: 6269


發表於 17-11-6 00:24 |顯示全部帖子
有愛情可以唔要面包,有BB就唔可以唔要面包了,男性的成熟程度一般比女性慢,佢係懂得負責任嘅,就懂得用安全套啦。

妳兩個一D經濟收入都冇,各自基本的責任都負責唔到,仲講咩想點想點呢?

一係妳夠恨心,掉BB去保良局唔要。妳咪可以繼續談情說愛囉!

但可能妳的屋企人都會放棄埋妳呢個女呢!

妳夠忍耐力的話就讀好D書,將來搵工都多D選擇,再發奮自力更生,到時再做返自己生命的主人啦!

現在最傷心的不是妳,是妳的父母啊,仲要代妳承擔妳們的錯誤,品嚐下愛別離的滋味,唔好再輕易走入愛情入面喇,痛到撕心烈肺㗎。


複式洋房

積分: 186


發表於 17-11-6 00:59 |顯示全部帖子

回覆樓主

我都知我父母好傷心好激氣!
男朋友一直不聞不問,突然又話想負下責任,想接BB返去照顧,仲話要我跟埋一齊去,其實我唔想既,但我又真係仲鍾意佢。
我媽媽話我仲未醒!其實我對佢及佢家人都好心淡,但我唔捨得離開佢。
我媽媽話佢無為我同BB著想,叫我唔好再有假希望,但我忍唔住有偷偷地同佢來往


別墅

積分: 559


發表於 17-11-6 01:50 |顯示全部帖子
忌廉碎曲奇 發表於 17-11-5 23:45
我仲讀緊書,無經濟能力。
由BB出世到依家一直係我屋企生活,男朋友最初負責左少少物資,之後對BB無負責過 ...

你年紀仲細,之後路仲好長,依咖2家人的關係咁差,你住過去日子耐佐只會更差。
而且你男朋友年紀亦細,根本唔明白咩係家庭責任。
你自己反而要爭氣,起碼盡量讀到大學,之後先可以獨立生活唔使靠人,因為呢d情況,你同你男朋友好大機會之後會散,幾年之間已經好多野都變曬
愛情唔係唯一,反而親情先係,要好好珍惜你依咖嘅家人,因為呢一世只有佢哋無條件愛你、幫你、支持你


水晶宮

積分: 67383

wyeth冷知識勳章 畀面勳章 大廚勳章


發表於 17-11-6 08:08 |顯示全部帖子

回覆樓主:

無咩可以點,你又咁愛果個男既;但人地唔打算負起一個男人應有既責任(但又識搞大你個肚)…可以點?你屋企人硬食囉。要養你,仲要養埋你個b…唯有等你讀完書,出黎做野,叫做減輕下負擔,你自己做返阿媽既責任…咁囉。
不知所謂的乙陸!!!


版主

積分: 18432

減齡達人勳章 2018母親節勳章 15週年勳章 親子王國15週年勳章 親子王國15週年勳章 熱血勳章 畀面勳章 版主 大廚勳章 BK猜猜猜慶中秋


發表於 17-11-6 10:44 |顯示全部帖子
其實你屋企人咪救緊你,佢地已經幫緊你負番你應要付既責任,仲要無啦啦受埋男方家人既氣,但你仍然唔肯醒,仲想同個男仔一齊,好明顯佢只係想搵你做發洩對象,完全冇諗過負任何責任,唔該醒吓啦,由上床到大肚到生,你地2個根本完全冇諗過後果,依家你已經係人地阿媽,認真啲諗吓自己想點,成日話唔捨得,究竟唔捨得啲咩如果讀到書就俾心機讀埋去,唔想讀既就早啲出嚟做嘢自己照顧番個BB,盡番自己既責任.


男爵府

積分: 6269


發表於 17-11-6 11:35 |顯示全部帖子
忌廉碎曲奇 發表於 17-11-6 00:59
我都知我父母好傷心好激氣!
男朋友一直不聞不問,突然又話想負下責任,想接BB返去照顧,仲話要我跟埋一齊 ...
我都明小朋友能忍就唔係小朋友了,莫說你們,就算3-40歲的人都不是很多人能懂。
不過提提妳,如果妳們真的希望可以將來一起的話,記住你們兩人結婚並不只你們之間的事,而是兩家人的事,各自父母多了個子女,你們各自又多了對父母,如果你們不懂得互相尊重對方父母的話,即使結婚了,亦無法生活得愉快的。

好好記住喇


複式洋房

積分: 186


發表於 17-11-6 12:45 |顯示全部帖子
kenfung71 發表於 17-11-6 11:35
我都明小朋友能忍就唔係小朋友了,莫說你們,就算3-40歲的人都不是很多人能懂。
不過提提妳,如果妳們真的 ...

好多謝你既提醒


複式洋房

積分: 186


發表於 17-11-6 13:29 |顯示全部帖子
chowqv 發表於 17-11-6 08:08
無咩可以點,你又咁愛果個男既;但人地唔打算負起一個男人應有既責任(但又識搞大你個肚)…可以點?你屋企 ...

佢依咖接佢返去就係話要盡返做爸爸既責任,但我知道事實佢亦無供養BB能力,連自己都仲要父母養緊;我媽媽角度話如果男家係肯負責,亦唔會幾個月嚟不聞不問,依咖失驚無神又話想攞走,好似細路仔玩泥沙咁喎,完全睇唔到對方肯承擔咁話,所以我媽媽唔贊成我地一齊。
但我想有一個完整既家比BB,好怕大啲佢問我點解唔見左爸爸,唔知點答佢,怕好影響佢成長!
面對現實同情感之間,我認我處理得好差,所以咪開post請教下,聽下大家意見


瑪瑙宮

積分: 136924

2024勳章 2023年兔年勳章 虎到金來勳章 2018父親節勳章 2018母親節勳章 2018復活節勳章 畀面勳章 環保接龍勳章


發表於 17-11-6 13:58 |顯示全部帖子
唯有父母繼續幫你養


伯爵府

積分: 19444

BK Milk勳章


發表於 17-11-6 14:27 |顯示全部帖子
一定要好好讀書,為BB為自己,將來有自己的一番成績才有生活的選擇空間


水晶宮

積分: 67383

wyeth冷知識勳章 畀面勳章 大廚勳章


發表於 17-11-6 15:15 |顯示全部帖子
忌廉碎曲奇 發表於 17-11-6 13:29
佢依咖接佢返去就係話要盡返做爸爸既責任,但我知道事實佢亦無供養BB能力,連自己都仲要父母養緊;我媽媽 ...

你覺得,拎返去俾男家養,對小朋友成長會好好?父母雙全,不過都係靠祖父母養大,唔同大陸留守兒童有咩分別?
不知所謂的乙陸!!!


翡翠宮

積分: 79224


發表於 17-11-6 15:35 |顯示全部帖子
唔該咩都唔好諗, 快d完成學業, 快d出黎做野養番個仔
唔好再浪費時間發夢
而家仲係你屋企人養你+養你個b!


複式洋房

積分: 186


發表於 17-11-6 16:45 |顯示全部帖子
chowqv 發表於 17-11-6 15:15
你覺得,拎返去俾男家養,對小朋友成長會好好?父母雙全,不過都係靠祖父母養大,唔同大陸留守兒童有咩分 ...

我男朋友係叫埋我一齊過去生活,成日要我同家人傾,佢話我家人唔講道理又野蠻,每日不停煩住我,我認我無用,唔夠理智!叫我氹掂我家人先,過左去先算,過幾個月冷靜後比我返娘家見下家人,我都覺咁樣好有問題,但我抽離唔到............




男爵府

積分: 7667

月餅勳章


發表於 17-11-6 16:51 |顯示全部帖子
本帖最後由 christinetin 於 17-11-6 16:56 編輯

相對好多人,妳已經好好彩,屋企人冇趕妳出去,仲幫妳照顧個b。

如果男仔同佢家人願意承擔責任既話,一早已經做左。而且之前妳地兩家人為呢d事曾經爭執過,就算比妳可以過去同男仔一齊生活,正如樓上所講,如果大家唔識互相尊重,日後相處都未必愉快。

重點係,妳地冇經濟能力去照顧個b,雙方父母冇義務幫妳地.......

現在,要做番學生同媽媽應有的責任,同埋,要對妳父母好D呀!


版主

積分: 18432

減齡達人勳章 2018母親節勳章 15週年勳章 親子王國15週年勳章 親子王國15週年勳章 熱血勳章 畀面勳章 版主 大廚勳章 BK猜猜猜慶中秋


發表於 17-11-6 16:59 |顯示全部帖子
好現實既答案,依家根本唔到你講咩情感,你地2個都未讀完書,可以話完全冇獨立既能力,只係睇靠邊一個屋企照顧,你肯定男仔屋企係可以接受到同一時間要照顧多一大一小????到時唔得你點????
或者你覺得愛情係好偉大,可以解決所有問題,但依家唔係你2個問題,係2家人既問題,都係俾心機讀書啦,快啲可以自立自己照顧番個BB,就係最好既解決方法,過後你唔會覺得呢個人值得你愛.
我可以好老實同你講,我對住我仔女朋友都係咁講,女仔自己唔識保護自已冇人幫到你,如果佢有咩問題,我唔會幫我仔去照顧佢,如果佢堅持要住我屋企,我會連個仔都趕走,就算佢家人走嚟鬧我,我都會好大聲同佢講:「已經警告咗你個女,係佢唔聽,怪就怪你地唔好好睇住個女」.


複式洋房

積分: 186


發表於 17-11-6 16:59 |顯示全部帖子
ada0707 發表於 17-11-6 13:58
唯有父母繼續幫你養

所以我好內疚⋯⋯好想諗方法減輕家人負擔,先至1516想跟佢過去。屋企本身係普通家庭,我係獨生女,爸爸媽媽都係打工一族,但佢地義不容辭咁撑住我.....相反,對方屋企係做生意既,有地方有資源,但從不肯付出........我的確好心淡!
家人堅持我讀完書先可離開!


男爵府

積分: 7667

月餅勳章


發表於 17-11-6 17:42 |顯示全部帖子
本帖最後由 christinetin 於 17-11-6 17:44 編輯

回覆 忌廉碎曲奇 的帖子

如果你想減輕父母負擔,可以既話,做兼職。但講真,小朋友做既兼職,可以幫輕幾多﹖長時間做,又影響學業。
真係為父母著想既話,請妳好好讀書。
讀完書,好好工作,做番媽媽應有既責任。


大宅

積分: 1507


發表於 17-11-6 17:44 |顯示全部帖子
先唔講情感因素,單純照顧B B問題上,妳覺得在對方家庭或自己家庭會邊方好D?
妳唔好忘記妳和他都要返學,早上時間點分配?


大宅

積分: 4840


發表於 17-11-6 19:05 |顯示全部帖子
醒一醒
千萬不要又再被你男友再搞大個肚!

你父母已很好 面對大家既目光都幫你照顧你bb
你係做左人媽媽架了
好好讀書搵錢 養你自己同小朋友啦
個男既要負責既
佢同你已結婚?!
佢俾左幾多錢養你地?

首頁

尾頁

跳至