話說我朝朝七點左右都搭長途巴士返工,上星期五我早咗出門,去總站上車,坐下層後面四人對座入面反方向的座位,在中途站上落客時,聽到有人喊:扶穩呀!我回頭望,見到個滿頭白髮的老人家,目測大概有七八十歲,站在擠滿了人的中間位置,車開了,也沒有人讓座,於是我便叫他過來,打算讓座,但坐我旁邊的先生很好,他先站起來,將近通道的位置讓給他。今天星期一,我遲咗出門,都係搭那班長途車,但無位坐,在中途站又見到那位老人家拿著拐杖上車,車迫滿人,他一直走走到車廂後面,也沒有人讓座,一企就企足五十分鐘,見佢落車時都幾吃力。我其實好想出聲叫人讓座比佢,但見後坐的人都無動於衷,心諗:唔通佢地覺得阿伯唔應該朝朝繁忙時間搭車同人迫,定係覺得阿伯應該企響前面關愛座旁邊,叫果D人讓?我最後都無出聲...