Anka 發表於 17-11-26 13:44
睇返條約,
https://www.nipponrentacar.co.jp/english/insurance/cdw.html
7萬應該係5萬(損傷)+2萬NOC(因維修做唔到生意嘅損失),但我都有買NOC,但收車職員話我無報警,所以都要賠,佢似乎好多野都唔知(佢大約40嵗,照計唔會咁無經驗,可能真係因爲唔同公司),英文亦有限公司,加上已辦check in 家通知話最遲06:20要check in,搵緊人來接手,果時已經剩番10分鐘,我諗就算家人來接手都唔會有乜改變,於是唯有畀咗先,同時亦打算返香港再同呢間野爭取一下。
睇返呢個條款,我咪即係畀咗最高賠償?咁就仲離譜!
真係無留意係邊間代收,印象好似係有唔同公司名響隔,因爲佢話“Not same company”,所以我覺得佢指係代收而要打電話去問。不過今日飲茶傾開,有人覺得“Notsame company”
係咪指攞車同交車地點唔同,我覺得應該唔係掛,通常都係架啦,而處理呢D野一定會有標準指引,又使乜講話“Notsame company”來解釋呢? 我地考慮呢間其實就係因爲佢話24小時服務,但唔知佢係會搵另一家來代收。
你嘅題外話講出咗另一個重點!
我地10個人去,其中一位負責訂機票,而佢收到嘅“最高指示”係要平,無考慮其他交通同頭尾無咗兩日,機票Itinerary出咗我地先知,too late 勒。不過都有好處嘅,出發唔使趕,食完午飯慢慢出發都唔遟(唯有係咁諗安慰下)。