吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 無謂的堅持

少年成長今日: 2|主題: 15845

收藏本版

發帖

返回列表

跳至頁

查看: 32572 | 回覆: 13

無謂的堅持

csir3290

子爵府

積分: 10908

發表於 17-11-26 22:46 |顯示全部帖子

本帖最後由 csir3290 於 17-11-26 22:46 編輯

星期五難得放假可以湊阿仔阿女返學。一早起身就見到老婆同阿仔講叫佢著多件厚褸返學，因為佢仲未有校褸所以學校畀佢著件淨色厚褸返學。阿仔好唔願意著，因為佢好驚老師會鬧。老婆就一路同佢講驚佢凍一定要佢著，大家都喺度堅持緊令氣氛有啲緊張。咁我就同阿仔講不如著到學校門口就除啦，但係佢都係唔肯。幸好老婆因為趕住出門口所以冇再同佢堅持，我就同阿仔講如果你唔怕凍咁就唔著啦！咁佢就繼續食早餐，到臨出門口嘅時候，佢又忽然攬住我好似想喊咁，我問佢做乜事，佢就係咁指住件褸，咁我先至問佢你係咪想著呀，佢先至話係。於是我就同佢講，不如我同佢一齊返到學校門口問老師係咪可以著啦！就係咁佢就著住件褸同我一齊出門口，之後老師喺佢面前講話可以著件褸入學校佢先至放心。呢件雖然係一件好小嘅事，但係有時仔女同我哋嘅衝突就係源自於一啲無謂嘅堅持。好多時家長都會覺得仔女一定要聽我哋講，因為我的所做嘅一定係為佢哋好，如果佢哋唔聽我哋講就一定係佢哋錯。但係其實有時仔女都有佢哋自己嘅諗法，根本冇所謂啱定錯。我成日都會覺得只要個選擇唔會令到細路仔生命受到威脅或者返唔到轉頭，而小朋友又知道呢個決定所帶來嘅後果，咁咪由得睇佢哋自己決定囉！就算真係錯，咪由得佢哋去承擔後果，其實都係一個學習。我哋每一日都會幫仔女做好多決定，當中你有幾多真係會聽下仔女嘅意見畀佢哋自己做決定呢？有時我都會覺得對仔女唔聽話，但係想深一層，其實係咪只係我嗰份執著同埋堅持佢哋一定要跟我嘅指示去做呢？放低無謂嘅堅持，接受佢哋都有自己嘅諗法，真係可以減少好多同仔女之間嘅無謂衝突，令到大家相處得更加愉快同融洽。

點評

pigmei

發表於 19-6-11 12:20

JD930

發表於 18-4-30 14:33

私人傳訊

michael.hoho

大宅

積分: 1108

發表於 17-11-27 11:36 |顯示全部帖子

csir3290 發表於 17-11-26 22:46
星期五難得放假可以湊阿仔阿女返學。一早起身就見到老婆同阿仔講叫佢著多件厚褸返學，因為佢仲未有校褸所以 ...

樓主講的好啱啊！的確，小朋友都有自己捻法，雖然我哋做大人想爲小朋友好，但系我都係企起大人角度，我地都應該換位思考。比小朋友自己揀，如果係錯，自己要承擔後果，甘樣小朋友經歷過，印象先深刻，先會學到嘢！。呢D始終要他們自己經歷自己學習嘎！我哋作爲父母只能在旁比D指引，我們始終都會老，唔可以每時每刻幫孩子做決定

明天會更好！

私人傳訊

baby317

大宅

積分: 3523

發表於 17-11-29 10:10 |顯示全部帖子

好認同
父母常常想小朋友按自己的意思做
而唔去了解小朋友的想法

私人傳訊

spicelle

大宅

積分: 1024

發表於 17-11-30 16:42 |顯示全部帖子

I agreed with you but viewing from your wife's perspective, she just doesn't want your kid to get sick. Maybe she insisted a little bit too much but she's just taking a preventive approach. I'm sure every parent wants to do their best in compromising with what the kids desire, subject to different circumstances of course. I would like my kids to make decision and learn on their own too but as a mother it would be heartbroken watching them to fail/ fall sometimes.