回覆 Giant 的帖子
其實我都係肥野扮專家。
你食既野唔算肥~
我諗都真係邊爐出事。
但你地係食開咩湯底? 湯底係MAINPOINT喎!
如果麻辣鍋就真係......致肥兇手。
星期一 ~ 五 (必定同仔響快餐店/茶記，食完佢返學)：
早餐(快餐店)：燕麥包一個 + 無糖豆漿一杯 (因上網睇話快餐店的麥皮就算無糖，都加咗好多花奶去煮，令其滑d香d，所以索性買個麵包豆漿去快餐店食算數) OK呀!
午餐(公司食)：蕃茄烚蛋治1份 / 烚蕃薯2個 + 蘋果1個 (我響公司食，唔帶飯係因為我唔想食隔夜飯，我本身孭住呢個病，聽聞唔好的) OK呀! 但如果烚蕃薯2個, 最好加隻烚蛋啦~ 有D 蛋白質到肚好D。除了蕃茄烚蛋治, 炒蛋其實OK架~ 唔洗戎絕哂油類, 你可以用平底鑊一茶匙油煎蛋。又或半罐水浸吞拿魚, 加一湯匙低卡沙律醬黎夾方包。又或白烚雞脾加大量蔬菜。(雞脾去皮, 少少鹽醃)
可以多D變化。
晚餐(屋企食)：飯2湯匙、菜湯一碗、菜2碗、蒸肉2湯匙 + 生果1個 (維持不變，放工開行turbo煮飯最快都7:00開飯)
星期六：
早餐(茶記)：火腿通粉走火腿 + 檸水唔落糖 (我已戒晒精製肉如火腿、午餐肉、腸仔... )
其實如果食茶記, 有些餐廳有叉燒, 咁就叉燒通啦~ 有D 肉到肚好D。
午餐(快餐)：叉燒湯米1碗 + 檸水走甜1杯 (放心，一向討厭肥叉的)
早上食了叉燒咯, 生厭既話, 午餐可食星加坡魚蛋米 或 白切雞米, 雞就去皮, 食得清D既話, 可以叫快餐店幫你另上, 咁D雞可自己搵熱水過一過先, 冇咁油。如果放落米粉度, 可能連帶一碗粉都較油。
晚餐(屋企)：呢排食火鍋多，肥牛2-4片、餃子2隻、響鈴2-4件、麵子麵1個，其餘都係菜類菇類，而且唔會飲D湯，亦好少點醬油 (要低調，所以一開波就淥定一大碗蔬菜先俾佢哋淥肥牛，因都知菜好吸油，肥牛、餃子，上限2件，唔食的話會惹懷疑，戒響鈴、炸魚皮、炸枝竹呢d炸嘢，亦唔點任何豉油醬汁)
一定要肥牛嗎? 其實轉生牛肉可以嗎? 生牛肉都好好食架喎!
同埋真係要睇咩湯底, 湯底油, 就全部油。EVEN 先淥了菜好D, 但你其他食物一樣吸油。
豉油可點, 係醬汁唔好姐。
麵子麵<--係咩黎架? 定你想講蝦子麵? 如果係, 就盡量揀非油炸個種。
咁你要低調, 其實唔一定同人講減肥先要食清D既, 為了健康, 一樣可以唔好食咁油同肥膩架喎!
星期日：
早餐(酒樓)：灼菜1份 + 鮮蝦腸粉1條 + 蝦餃/燒賣1粒 + 生果1個 (C6話佢weekday已經朝朝茶記，所以堅持星期日飲早茶，將叉燒包改蝦腸，蝦餃/燒賣減至1粒)
蝦腸，蝦餃/燒賣減至1粒 <--OK呀! 蝦腸, 最好唔好點佢D 豉油, 因酒樓個D好多油架。
如果要低調, 輕輕HIGH下扮點佐。
午餐(茶記)：豬潤粥一碗 <-- 簡唔中食啦, 唔好個個星期食。
晚餐(屋企)：飯2湯匙、湯1碗、魚肉1碗、菜2碗 + 生果1個 (屋企煲湯係用瘦肉的，我戒雞湯，所以應該唔肥膩的)
花生醬多、蛋治、鴛鴦、牛腩麵、壽司...... 甚至麥噹噹都會食，不過只限一個月1-2次，當俾心態放吓假回吓氣，維持作戰持久力，亦呃吓自己身體，上網睇話如果長期捱餓或食得太清淡，身體會自動調低新陳代謝去適應"危機"的，減肥就會越來越艱難。
壽司<-- 其實壽司係減肥良伴黎架, 一餐食6-9件係OK架! 壽司係最清淡~ 除非你揀個D有醬既軍艦, 如果唔係, 刺身加舊飯,女人的浪漫, 好健康又冇油。
上網睇到tabata運動，好啱我呢d冇乜時間做運動嘅懶人，又試吓跟下。GOOD!!! 你試下上FB 既PLAY EAT EASY , 佢成日放1D TABATA / 瘦腹操既短片, 可以跟住做。另外亦可搵COFFEE LAM (林芊妤） (前TBB 藝員) , 我見佢FB 專教人做一些瘦身操, 好易跟的。
唔知係咪天氣開始凍，會容易肚餓，我希望自己能堅持，亦唔知新餐單有冇作為(可能根本係運吉)，希望用一個月時間搣番呢9磅。 加油~~~
Childhood is journey, not a race.
發表於 
返回列表
