媽媽幫家姐湊,不幫自己湊,心底裏很難過 - 懷孕前後 - Baby Kingdom - 親子王國 香港 討論區

義工

懷孕前後 今日: 147|主題: 60864

123
跳至
查看: 5599 | 回覆: 57
媽媽幫家姐湊,不幫自己湊,心底裏很難過  


大宅

國民生產總值:2440


發表於 17-12-16 18:39 |顯示全部帖子
本帖最後由 qq6a 於 17-12-16 18:42 編輯

媽媽四十幾歲退休後一直幫家姐湊對仔女,由出世湊到上曬小學,家姐冇請工人,會俾返家用媽媽,媽媽在家姐家中長住了十年湊小朋友,湊得佢地好好的。
今年,到我生了,她來了幫我坐月及幫bb沖涼等,她最近跟我說,叫我不如請工人及叫99幫手湊,因她來了我這邊,家姐果兩個仔女會掛住佢,佢又會掛住佢地,而且她湊了小孩十年,再幫我湊大我個囝又要花上十年。
我當然想自己媽媽湊多過99,因99快70歲,手腳又慢,又不是自己媽媽,我媽則仍是50多歲,手腳快,識氹小孩,經驗豐富。99就唔識湊newborn.至於工人,請冇問題,但都不可旨意工人帶大小孩。
我產假快完,我返工後很擔心沒有媽媽幫忙湊,我個囝會怎樣。
我一向跟媽及姐的感情也很好,但當媽媽說不可以好像幫姐姐咁幫我湊大我個囝時,我心裏是很難過,夜晚想著就會流淚,心裏有點妒忌,為什麼同樣是孫兒,但又不想帶我的孩子。
其實我明白教養孩子從來是父母的責任,不可依賴他人,但我心裏仍是很難過。
我也明白媽媽也想有自己的自由時間,因她十幾歲就結婚生了我們,湊大我們後,又湊大家姐對仔女,再幫埋我湊,佢就從來冇休息過。我知道她的辛勞,但我心裏仍是很難過。
我的難過,冇向媽和姊表達,因我知道自己不可自私,但我心底裏還是很難過。
各位jm,怎樣可以令自己沒有那麼難過?


王國熱話
皇室堡 LEVI\'S Kids 結業開倉清貨 低至半價
PRO CAM-FIS 休業特惠
歐化寶開倉
Staccato 鞋特賣


複式洋房

國民生產總值:259


發表於 17-12-16 18:56 |顯示全部帖子

回覆樓主:

我哥哥家姐D仔女全部都係我媽媽一手湊大,個個都肥肥白白,但我就唔想再麻煩我媽媽了,因為佢湊左咁多都好吃力,同埋都知佢湊b 都好辛苦,所以唔忍心叫佢湊埋我個,等佢享下生活好過啦


別墅

國民生產總值:535


發表於 17-12-16 20:27 |顯示全部帖子

回覆樓主:

我覺得你媽媽都湊左咁多年小朋友都攰啦,湊一個小朋友又辛苦又困身,點解唔俾你媽媽休息吓,享受吓人生呢?


珍珠宮

國民生產總值:48791


發表於 17-12-16 20:37 |顯示全部帖子

回覆樓主

如果你知道唔應該自私就唔好咁諗。
媽咪想湊咪湊,佢無責任。



男爵府

國民生產總值:7813


發表於 17-12-16 21:32 |顯示全部帖子

回覆樓主

你媽湊大一個用左 10 年。
佢仲有幾多個 10 年 ?!
比佢享下福,閒時同孫仔女玩,做下自己中意既野,過下自己既人生啦。


大宅

國民生產總值:2536


發表於 17-12-16 22:14 |顯示全部帖子

回覆樓主

個人覺得,個問題唔係阿媽攰唔攰,係佢已經100%幫左家姐10年,一年半載都唔想幫下樓主,而且字面睇,阿媽係有精神而選擇要繼續湊家姐嘅小朋友。結論係其實覺得阿媽偏心。如果阿媽話2邊都唔再湊都應該無咁唔開心。
無咩解決方法,我自己會心淡囉,接受到就當無野,接受唔到一係直接講睇下阿媽咩反應,一係少見d先,比d時間自己接受現實,自己努力。


大宅

國民生產總值:2856


發表於 17-12-16 22:17 |顯示全部帖子
qq6a 發表於 17-12-16 18:39
媽媽四十幾歲退休後一直幫家姐湊對仔女,由出世湊到上曬小學,家姐冇請工人,會俾返家用媽媽,媽媽在家姐家 ...

明白你的難受,始終她對家姐仔女有感情,如果開始了幫你她會少了去果邊可能先令你最難過。但既然是媽媽也沒辨法,自己再請工人吧!唔開心一陣好喇


別墅

國民生產總值:525

最關心BB問題熱投勳章


發表於 17-12-16 22:19 |顯示全部帖子

回覆樓主:

樓主,我明白你的感受。我媽媽想幫我但姐姐個囡得4歲,佢都冇辦法離開。

我還好因為我幸運地請到一個好姐姐,佢一個人幫我照顧個仔,你講得啱,湊仔不求人,所以所有教仔個part我地會做反,要求姐姐配合。奶奶係得閒,但我同老公都覺得佢1吾適合照顧小朋友,所以我地頂硬上,姐姐病左或放假會自己搞掂,心理要有準備。

吾好諗點解你媽媽或姐姐吾理你感受,多想點樣面對前面的挑戰,責任係父母到,其他人的選擇你真係吾會控制到,希望你請到個好姐姐。


侯爵府

國民生產總值:23471


發表於 17-12-16 22:20 |顯示全部帖子

回覆樓主:

你會唔開心都好正常嘅~人始終會有私心,況且對方係你最親嘅人,你本身有期待都好合理呀~
不過希望你可以快啲平衡到自己心理啦~
有時做媽媽嘅,都好無奈,可能佢真係有心無力,而且你都識講,佢住係你家姐度,又有收家用,佢地住埋一齊,幫手湊BB係好自然嘅事,我覺得你媽同你講請個工人,係怕佢一個人無咁多對手,萬一佢有乜疏忽,好傷感情架~況且你家姐戈兩個,事實跟左你媽10年,好難再跟第二個,相比你請工人湊初生,唔難理解你媽嘅考慮~
不如你照請個工人,你家姐嘅小朋友日頭要番學嘅,到時叫你媽跟下眼個工人,始終初生你會擔心,同你媽商量下~


公爵府

國民生產總值:29773

2018勳章 BB防敏心得分享勳章


發表於 17-12-16 22:21 |顯示全部帖子
我覺得你真系要體諒下你媽媽吖,可能佢自己都唔想湊,太攰喇


大宅

國民生產總值:2440


發表於 17-12-16 22:25 |顯示全部帖子
KILW 發表於 17-12-16 22:14
個人覺得,個問題唔係阿媽攰唔攰,係佢已經100%幫左家姐10年,一年半載都唔想幫下樓主,而且字面睇,阿媽係 ...

That’s the point
我很愛我媽媽,
但當想到她不能愛我的孩子像愛家姐的孩子般,
我心裏就很難過,想著想著就會流淚。

我在想是不是我的思想有問題,不能體諒媽媽的處境。想著想著又會流淚。

我不想這樣,不想自己不開心,但卻沒有辦法。


大宅

國民生產總值:2671


發表於 17-12-16 23:18 |顯示全部帖子
qq6a 發表於 17-12-16 22:25
That’s the point
我很愛我媽媽,
但當想到她不能愛我的孩子像愛家姐的孩子般,

咁佢對左家姐的仔女十年,一定有深厚感情
不是偏心問題,始終人是感性的
你請工人,媽媽間中來幫手、同小朋友玩下
都很好了


大宅

國民生產總值:1807


發表於 17-12-17 00:18 |顯示全部帖子

回覆樓主

樓主我同你面對嘅好相似,所以我明白你嘅感受,寫上嚟呻下都好,唔好屈住喺心。

我妹遲我一個月有BB,我媽事事都以佢行先,都只會幫我妹湊唔會幫我湊,但俾家用嗰個永遠都係我,我妹完全唔俾錢佢。既然如此,唯有諗辦法靠自己吧。加油。


大宅

國民生產總值:2440


發表於 17-12-17 00:21 |顯示全部帖子
baby317 發表於 17-12-16 23:18
咁佢對左家姐的仔女十年,一定有深厚感情
不是偏心問題,始終人是感性的
你請工人,媽媽間中來幫手、同小 ...

對的,只能夠說,我的孩子與婆婆的緣份不夠。


大宅

國民生產總值:2440


發表於 17-12-17 00:25 |顯示全部帖子
hughnmama 發表於 17-12-17 00:18
樓主我同你面對嘅好相似,所以我明白你嘅感受,寫上嚟呻下都好,唔好屈住喺心。

我妹遲我一個月有BB,我媽 ...

你可以睇得咁開,可能真係我問題,但我每次想到我囝不能跟婆婆,要跟工人;我囝不能像表哥表姊那樣有婆婆無微不至的照顧;我就很難過


大宅

國民生產總值:2440


發表於 17-12-17 00:28 |顯示全部帖子
做個靚太 發表於 17-12-16 22:20
你會唔開心都好正常嘅~人始終會有私心,況且對方係你最親嘅人,你本身有期待都好合理呀~
不過希望你可以快 ...

我心裏就是覺得初生的需要比小學生更需要得到悉心的照顧,但媽媽叫我請工人幫手,所以很難過


大宅

國民生產總值:2440


發表於 17-12-17 00:30 |顯示全部帖子
hoada 發表於 17-12-16 22:19
樓主,我明白你的感受。我媽媽想幫我但姐姐個囡得4歲,佢都冇辦法離開。

我還好因為我幸運地請到一個好姐 ...

可能我心裏仍是覺得工人不能跟婆婆比,我的囝囝沒有表哥表姊般和婆婆有緣份


大宅

國民生產總值:1807


發表於 17-12-17 00:30 |顯示全部帖子
qq6a 發表於 17-12-17 00:25
你可以睇得咁開,可能真係我問題,但我每次想到我囝不能跟婆婆,要跟工人;我囝不能像表哥表姊那樣有婆婆無 ...

我講多少少,我係婆婆由細湊到成年,妹妹係媽咪湊,佢錫妹妹多啲可以理解。

至於你嘅情況,婆婆湊梗係最好,希望你同我一樣請到個幫到手嘅好工人,結果其實比想像中會好的。唔開心一陣好喇,我初初都好傷心,諗通咗就好。


大宅

國民生產總值:2536


發表於 17-12-17 00:52 |顯示全部帖子
qq6a 發表於 17-12-17 00:28
我心裏就是覺得初生的需要比小學生更需要得到悉心的照顧,但媽媽叫我請工人幫手,所以很難過
...

其實你諗法好正常,事實係你媽唔公平,不過呢個世界就係好多唔公平,你今日愈難過,其實代表你本身愈錫阿媽,但偏偏對阿媽嘅愛得唔到同樣回報。唯有比d時間自己處理「失戀」嘅情緒,諗下以後點同阿媽相處。
同埋同自己講,我個仔人地唔愛,我同老公愛多d,他日有多過一個小朋友,亦要做一個唔偏心嘅媽媽,等佢地將來唔會有你今日一樣嘅難過。


侯爵府

國民生產總值:24754


發表於 17-12-17 00:54 |顯示全部帖子

回覆樓主:

你媽10年前同10年後體力都差左,佢要湊10歲小朋友亦肯定比湊new born輕鬆舒服,50幾歲仲要湊初生b唔容易㗎

123
跳至
你需要登錄後才可以回帖 登錄 | 註冊

© Baby-Kingdom.com Limited. All rights reserved.