×

用戶登入

找回密碼 | 註冊

 

義工

心聲留言 今日: 8|主題: 15474

123
跳至
查看: 11099 | 回覆: 47
媽媽說不能幫我湊小朋友,我心裏很難過  


大宅

國民生產總值:2136


發表於 17-12-16 18:49 |顯示全部帖子
媽媽四十幾歲退休後一直幫家姐湊對仔女,由出世湊到上曬小學,家姐冇請工人,會俾返家用媽媽,媽媽在家姐家中長住了十年湊小朋友,湊得佢地好好的。
今年,到我生了,她來了幫我坐月及幫bb沖涼等,她最近跟我說,叫我不如請工人及叫99幫手湊,因她來了我這邊,家姐果兩個仔女會掛住佢,佢又會掛住佢地,而且她湊了小孩十年,再幫我湊大我個囝又要花上十年。
我當然想自己媽媽湊多過99,因99快70歲,手腳又慢,又不是自己媽媽,我媽則仍是50多歲,手腳快,識氹小孩,經驗豐富。99就唔識湊newborn.至於工人,請冇問題,但都不可旨意工人帶大小孩。
我產假快完,我返工後很擔心沒有媽媽幫忙湊,我個囝會怎樣。
我一向跟媽及姐的感情也很好,但當媽媽說不可以好像幫姐姐咁幫我湊大我個囝時,我心裏是很難過,夜晚想著就會流淚,心裏有點妒忌,為什麼同樣是孫兒,但又不想帶我的孩子。
其實我明白教養孩子從來是父母的責任,不可依賴他人,但我心裏仍是很難過。
我也明白媽媽也想有自己的自由時間,因她十幾歲就結婚生了我們,湊大我們後,又湊大家姐對仔女,再幫埋我湊,佢就從來冇休息過。我知道她的辛勞,但我心裏仍是很難過。
我的難過,冇向媽和姊表達,因我知道自己不可自私,但我心底裏還是很難過。
各位jm,怎樣可以令自己沒有那麼難過?

王國熱話
詩語閑情.......斯人讀潮水
開悟
<<修一顆良心,做一個好人>>
[轉載] 有因有緣,世間相聚


子爵府

國民生產總值:10276


發表於 17-12-16 21:04 |顯示全部帖子
qq6a 發表於 17-12-16 18:49
媽媽四十幾歲退休後一直幫家姐湊對仔女,由出世湊到上曬小學,家姐冇請工人,會俾返家用媽媽,媽媽在家姐家 ...

你咪當冇人幫到手咁處理,請工人裝cam,叫奶奶間唔中得閒去你屋企睇下

我移民十幾年,奶奶又矇下矇下,都冇人可以幫到我,生bb時就請陪月+工人,我都係咩都唔識,叫陪月教我湊bb,我再教工人點湊bb


伯爵府

國民生產總值:15830


發表於 17-12-16 21:54 |顯示全部帖子
唔好難過

我係你媽都唔想湊,已經花左十年湊大兩個孫,又再多十年真係好困難。


大宅

國民生產總值:3579


發表於 17-12-16 21:56 |顯示全部帖子
qq6a 發表於 17-12-16 18:49
媽媽四十幾歲退休後一直幫家姐湊對仔女,由出世湊到上曬小學,家姐冇請工人,會俾返家用媽媽,媽媽在家姐家 ...

睇完你的故事,心諗如果係我我都好唔開心。但係又知媽咪辛苦,我諗我會請工人,但要求佢間中過來幫忙下。有時都係講緣分


珍珠宮

國民生產總值:46599


發表於 17-12-16 22:19 |顯示全部帖子

回覆樓主:

你信唔信, 其實你媽幫你姐湊大兩個, 佢心入面係覺得辛苦多既, 但又唔想呻, 不竟係自己女, 又怕呻完你姐知道後會嬲。。。。所以你都唔好唔開心, 應該諗, 自己唔想媽媽再死忍再辛苦。。。。


翡翠宮

國民生產總值:80470

2018勳章


發表於 17-12-16 22:34 |顯示全部帖子
無法子, 要請人湊, 要你媽再湊佢覺得太辛苦, 比佢抖下.


男爵府

國民生產總值:9547

畀面勳章 2017媽媽節


發表於 17-12-17 00:07 |顯示全部帖子

回覆樓主:

只能夠講家姐早生或你太遲生,如果媽湊左家姐仔女三幾年,你就生了,可能媽叫家姐請工人,轉為幫你湊。

十年又十年真係好辛苦架。

有時做人就係咁,時不與我。


大宅

國民生產總值:1744


發表於 17-12-17 01:05 |顯示全部帖子

回覆樓主:

湊小朋友的壓力和心力,只有妳媽媽才領略到。妳和姐姐也是她的宝貝,做父母絕不會偏心的。我也是為人父母,可能她年紀已不是十年前,心力和體力已大不如前,所以,她才提議妳請工人。妳應諒解她。

點評

學會放下    發表於 17-12-20 03:39


伯爵府

國民生產總值:17183

畀面勳章


發表於 17-12-17 07:49 |顯示全部帖子

回覆樓主

你媽媽畢竟己比之前老左十年丶體力精神都差好多,我估佢困身左咁耐,都開始想有私人時間,做自己喜歡做的事,快請工人吧,不要想太多。


大宅

國民生產總值:1586


發表於 17-12-17 09:10 |顯示全部帖子

回覆樓主

會否因你媽和家姐同住經濟上依賴佢?


大宅

國民生產總值:4334

2018勳章


發表於 17-12-17 15:00 |顯示全部帖子

回覆樓主

其實應該係timing唔岩,上左小學即係都湊左至少六七年,講真湊仔真係辛苦過返工,咁不如請工人,再叫婆婆得閒上去望下算啦!


FB體驗帳戶

國民生產總值:409


發表於 17-12-17 16:16 |顯示全部帖子
章魚妹妹 發表於 17-12-17 15:00
其實應該係timing唔岩,上左小學即係都湊左至少六七年,講真湊仔真係辛苦過返工,咁不如請工人,再叫婆婆得 ...

唉!不要難過?我現在幫大仔揍仔,啫係新首嫲嫲真是辛苦過返工!我自己媽媽就一個孫都未揍過?佢自己返工洗碗碟到70歲退休,成日說揍仔女容易揍孫難?正正是我的心聲明言!揍了一個都怕怕?再生我都叫佢請定工人!


男爵府

國民生產總值:6317


發表於 17-12-17 16:20 |顯示全部帖子
qq6a 發表於 17-12-16 18:49
媽媽四十幾歲退休後一直幫家姐湊對仔女,由出世湊到上曬小學,家姐冇請工人,會俾返家用媽媽,媽媽在家姐家 ...
其實你媽都好叻肯開心見誠同你講,真係好辛苦,你請左工人先,再睇下點安排,你呢家難過因為你未諗到點做,你叫佢幫你until請到工人,到時bb都唔係newborn,


大宅

國民生產總值:3707


發表於 17-12-18 03:03 |顯示全部帖子

回覆樓主:

你家姐對仔女都上小學,可能你媽媽怕依家既體力再重新湊nb好辛苦呢,雖然佢有經驗,但隔左咁多年,可能有啲野個套做法已經吾同左呢!
樓主吾好吾開心啦!


大宅

國民生產總值:2789

2018勳章 親子王國15週年勳章


發表於 17-12-18 10:11 |顯示全部帖子
愛媽媽就想媽媽好, 佢都辛苦咗咁多年, 係時候要退休過自己喜歡嘅生活, 媽媽開心我就開心, 你依家重後生, 唔明白老一年就係身體差一年, 我人到中年都開始明白, 身體開始有D小痛症出現, 有苦自己知.


珍珠宮

國民生產總值:32020


發表於 17-12-18 16:03 |顯示全部帖子
qq6a 發表於 17-12-16 18:49
媽媽四十幾歲退休後一直幫家姐湊對仔女,由出世湊到上曬小學,家姐冇請工人,會俾返家用媽媽,媽媽在家姐家 ...

咁你生之前冇問過你媽湊唔湊嘅咩?佢唔湊你係未唔生先?


大宅

國民生產總值:4336

開心吸收勳章 美好大世界2017勳章 育兒性格勳章


發表於 17-12-18 17:03 |顯示全部帖子
我明白你感受,
未湊過BB, 會以為湊BB 好輕易, 但當你真正落手落腳去照顧時, 就會好佩服全職媽媽/專責照顧者。你媽媽已經辛苦咗咁多年, 好不容易就快甩身, 又添一個初生孫兒, 雖然會為你開心, 但佢真係好攰, 比佢休息下, BB頭3年乜都唔識講, 最難搞, 要個50幾歲長輩湊都唔輕易。一係請工人, 二係自己做全職媽媽主力湊, 如果同家姐住得近, 可以等BB 半歲以後, 多D 帶佢去家姐度, 到時你媽咪可能可以幫輕你少少。

之前睇台灣節目學咗一句, 幾啱聽:
生的容易, 養的難,
養的容易, 教的難,
教的容易, 陪的更難。


男爵府

國民生產總值:5919

2018勳章 好媽媽勳章


發表於 17-12-18 23:10 |顯示全部帖子

回覆樓主:

你要明白第一次就辛苦但有新鮮感,再感情搭夠。第二次真是又辛苦又悶。所以湊到怕怕。媽媽都會咁,何況婆婆。人之常情。唔開心完,放開心情接受呢個現實。搵折衷方法算了。
我B仔10月4日出世. 3.78KG
18MTH 15KG,84.5CM
13MTH 13KG,82.5CM
10MTH 12.42KG(連衫)
6MTH 10.08KG,72.5CM
5MTH 9.8KG(連衫)
4MTH 8.73KG,68CM
3.5MTH 8.98KG(連衫)
3MTH 8.4KG(連衫)
2MTH 6.9KG,61.5CM
1MTH 5.2KG


別墅

國民生產總值:885

2018勳章


發表於 17-12-19 09:54 |顯示全部帖子

回覆樓主

唔開心係因為你覺得媽媽只幫家姐唔幫你,事實唔係咁,如果十年前生既係你,結果都一樣,現正你媽已經五十幾歲,真係冇以前咁好精力,而且湊初生BB都壓力大,又困身。
如果你錫你媽媽請左工人先,起碼洗衫、洗奶樽、換片、沖奶、屋企清潔都有姐姐做,請到個好姐姐,你同媽媽都可以輕鬆好多。除非錢銀上有壓力,如果唔係請姐姐再叫媽媽/奶奶得閒黎幫手,一定係上策。

以我為例,我第一胎本來媽媽一開始答應幫我湊,點知中途又唔想湊,話同我坐完月先算,到最後都有幫我我。第二胎,知道湊BB/小朋友辛苦,已叫我考慮請姐姐,其實請姐姐都有好處,湊B,煮飯、洗衫、清潔,會令你舒服好多架。


複式洋房

國民生產總值:112

2018勳章


發表於 17-12-19 11:05 |顯示全部帖子
不要難過, 如果她們老人家覺得應付不來, 就無謂勉強啦, 如果日後有什麼疏忽, 你真的不知怎麼辦.

建議你先請工人, 等個仔大少少都可以讀N班或入托兒中心啦!

123
跳至
你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎