×

用戶登入

找回密碼 | 註冊

22oC.74%
 

義工

自由講場 今日: 2938|主題: 956620

查看: 734 | 回覆: 3
想教叻仔叻女就埋黎睇下


別墅

國民生產總值:976

2018勳章


發表於 17-12-18 12:14 |顯示全部帖子

唔好過份認真,當係意見睇下就無妨


http://hk.on.cc/hk/bkn/cn.....216_00842_001.html


「叻人」父母11個共通點 你有冇?

【on.cc東網專訊】外國機構同知名大學做咗好多調查,綜合出喺不同範疇有傑出成就嘅「叻人」,佢哋嘅父母喺自身條件、管教仔女方法等,會有11個共通點。所以話,如果作為父母嘅你,想仔女他日成功,或者起碼喺社會可以自食其力,唔靠父幹(即係用晒你退休啲錢)就能有唔錯發展,但又唔想自己不知不覺咁做咗「怪獸家長」嘅話,咁就要偷吓師嘞!

●嗱,問問自己有冇以下呢11點先:

1、畀仔女做家務
哈佛大學研究話,如果仔女唔識洗碗,培養唔到獨立處事能力。家長們應該畀仔女「捱苦」,簡單嘅倒垃圾、洗衫,留畀佢哋做啦!

2、教社交技巧
賓夕凡尼亞州州立大學有份追蹤美國超過700個細路,睇住佢哋由幼稚園至25歲嘅成長歷程,發現有良好社交技巧嘅細路比較容易攞到大學學位同搵到Full-Time Job;無又點?大件事囉,大個咗好大機會犯案、酗酒、無所事事靠救濟。

3、期望「高啲啲」
加州大學分析咗6,600個喺2001年出生BB嘅資料,發現父母期望愈高,仔女愈有成就,但最緊要又唔好over晒,對子女作無謂嘅幻想。

4、兩公婆關係好
唔講都知父母成日「嘈交」會影響仔女成長,離婚嘅話,會好大程度影響仔女對事物嘅判斷。

5、學歷高
有研究追蹤咗超過14,000名由1998年至2007年入讀幼稚園嘅細路,發現阿媽18歲或以下,即係阿媽本身都未讀完高中,仔女大個讀到高中或大學嘅機會都低啲。有研究仲直頭話,細路8歲嗰陣,單憑父母當時嘅教育程度,就可以預測到呢個人40年後嘅教育水平同工作成就。「勁!」

6、從細教數學
愈早掌握數學愈着數,因為數學愈叻,對閱讀愈有幫助。

7、建立良好親子關係
父母有錢,贏喺起跑線上當然好,但調查話嚟自貧困家庭嘅細路,只要喺0至3歲得到父母悉心照顧,細個讀書都會叻啲。

8、唔好搞到有「強迫症」咁
千祈唔好以為陪得仔女時間愈多,仔女會愈叻、愈乖、愈覺得幸福;尤其係阿媽自己都忙到死嘅時候,仲想辦法搵時間陪仔女,呢種壓力其實會好似傷風咁傳染畀仔女。

9、強調後天努力
要灌輸類似「人定勝天」嘅概念,即係話仔女測驗高分,千祈唔好讚係「天生嘅」,因為咁樣等如同仔女講「後天做咩都無用!」。

10、阿媽出嚟做嘢
屋企有女嘅一定要知!哈佛大學商學院研究發現,阿媽外出工作嘅細路女,大個咗比同齡女仔更有機會成為管理層,仲會賺多23%嘅錢!點解?畀阿媽薰陶囉!

11、社會經濟地位高啲
貧窮唔多唔少限制細路嘅潛能,史丹福大學研究2001出年生嘅BB,發現高收入與低收入家庭嘅細路,佢哋嘅成就差距,愈嚟愈大,差距比起25年前大咗30至40%。(所以呢,父母都要爭氣)

●以上11項,你有齊幾多先?睇完再畀埋啲國際猛人父母培育仔女嘅心得你睇,咁就唔好話啲研究「得個講字」喇!

好似美國股神巴菲特咁,佢有三個仔女,而家都已經50幾60歲。想當年,股神又點樣傳授自己嘅投資心得畀自己嘅仔女?巴菲特覺得,小朋友8到10歲就要知金融係點運作,要點樣係商場上打關係。佢話,呢啲技能係會畢生受用,不但對佢哋將來嘅生意有幫助,而且個人嘅快樂指數會高啲,建立美滿家庭又會易啲咁話!

咁點樣幫仔女鋪路係最好呢?微軟創辦人、全球首富蓋茨嘅爹哋、媽咪就好聰明,佢留畀蓋茨嘅,就係自己嘅「社交網絡」。話說年輕蓋茨創立公司嗰陣,佢爹哋、媽咪幫佢搵咗相熟嘅資深老前輩入公司做。有叔叔伯伯「照住」,當然比其他人更易成功喇!

另外,剛剛初為人父的全球最大社交平台Facebook行政總裁朱克伯格,喜獲千金嘅喜悅心情家陣仍未平復,但佢同埋太太已經即時寫咗封公開信畀囡囡Max。朱仔打算樣培育囡囡Max,佢就話最重要是要畀仔女一個健康嘅童年,咁樣仔女未來先至能夠發揮全部嘅潛力喎。

●咁香港啲財金界成功人士,又係點樣同仔女相處,從中教曉佢哋大道理呢?

富昌金融研究部總監譚朗蔚(Stevan)就話,佢有個2歲半嘅仔仔Kayton,Stevan平時都放假都會約埋仔仔嘅同學同佢哋爸爸媽媽一齊去郊外玩,教佢同朋友分享玩具,同埋畀佢地相處吓,學埋社交技巧。Stevan話仔仔對好多事物都好好奇,會不停問問題,對好多事物都好有興趣,所以佢對仔仔嘅期望都幾高架。同埋Stevan話仔仔最鍾意聽故仔,所以Stevan都抽時間講多啲故仔,等仔仔知多啲嘢。


至於中國銀盛財富管理首席策略師郭家耀(Matthew)都有個2歲幾嘅「小情人」Sugar,Matthew深明小朋友鍾意大人信任,從而建立自信心,所以平時都叫Sugar幫手做少少家務,亦可以令佢有責任心。佢又鼓勵囡囡多啲玩,覺得有一個快樂嘅童年緊要啲,反而覺得學術就唔急住要學,亦唔介意佢發展比人慢,會多啲畀機會佢從遊戲中學習,輕輕鬆鬆冇乜壓力,就唔會怕咗學習啦。



琥珀宮

國民生產總值:185910

狗年勳章 畀面勳章 2017媽媽節 開心吸收勳章


發表於 17-12-18 13:26 |顯示全部帖子

回覆樓主

謝謝分享


珍珠宮

國民生產總值:42169

2018勳章


發表於 17-12-18 13:52 |顯示全部帖子
gramy7299 發表於 17-12-18 12:14
唔好過份認真,當係意見睇下就無妨
http://hk.on.cc/hk/bkn/cn.....216_00842_001.html
「叻人」父 ...

謝謝分享


子爵府

國民生產總值:13621

認識瑞士牛牛第一回


發表於 17-12-18 13:54 |顯示全部帖子


你需要登錄後才可以回帖 登錄 | 註冊

© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎