今日真係激死我喇。
以前淨係聽人講 dream bexxxx pro 好黑, sell得好勁，我都有比佢哋sell過，但點都唔夠高Ling代言嘅You bexxty勁。
話說我係二十歲個年岩岩出黎做野無幾耐，係條街到比人捉住做問卷入左個氹，之後呢幾年都有斷斷續續買佢哋ge plan,
每次會比錢都係因為我d plan 到期，如果我唔買小小就全部過期，無得用。
對上一次去做body 係今年8月ge事，8月個陣因爲又有野過期，先比完錢買多個plan. 之後都因為book 唔到無去過。點知今日一去就激到我扎扎跳。
我係8月先買多左20格，今日一做完又叫我比錢，話聖誕節有優惠，當我係朋友先叫我買，最多送 coupon 比我，又叫我分期，分24期一個月先比一千好少。我開始都好聲好氣咁同佢講唔洗住，多謝你嘅好意，但最近真係手頭緊等等。點知佢都係唔死心，2個人夾我一個，仲係咁問我拎信用卡，同埋準備埋份form 比我填。
最後我好誠實咁講: 其實我除左係你哋度有body plan,
我係出面仲有3間都join 左。
Sales: 係唔係啊(側視我)
我: 無必要講大話呃你，我仲要上個月先係另一間買完plan,
人哋仲要平d。
Sales: 有幾平啊，平野比我就唔敢做。同埋你係第二間買，又唔係我哋度買。
我: 個間都叫做大公司，同你哋一樣都係連鎖式，我敢做wor.
之後係 sales 就係咁話好多大公司用ge都係 cheap野，數人哋唔好。
我: 點都好啦，我次次黎都sell,上一次先比完錢，今次黎又叫我比錢。我都係做 sales 我明白你嘅出發點，但我最近真係手頭緊，唔容許我再洗咁多錢。
Sales: 你明就好啦，你比少少錢米唔洗我難做，你又好過d。
我: 但我最近真係無錢。比唔到。
Sales: 點解。
我真係嬲嬲哋: 係米我要將我嘅家事話埋比你知，我最近幫屋企人還左筆錢啊。
Sales: 都唔知係唔係。
聽到佢講呢句，我真係好激氣,
好嬲咁同返佢講: 我無咁仆街，為左你去咀咒我屋企人有困難。仲之我就唔會再比錢，我都多謝你嘅好意，我趕時間，我要走。
佢先肯放我走。
我細鋪大鋪都有幫襯過，間間都會sell 但真係無咁過份。通常拒絕2次 d sales 就會停。
[size=22.66666603088379px]個位sis真係小心踩入呢個氹
發表於 
我諗我之後唔會再上去囉
返回列表
