在職全職

跳至

首頁
1

尾頁
   1


複式洋房

積分: 483


發表於 18-1-11 16:06 |顯示全部帖子
我同99住,bb就2個月大,99就幫手凑。因為我房放唔到bb床,加上老公訓覺好嘈,b好易紥醒,所以夜晚b係同99一間房,半夜係99餵奶換片。唔知係咪因爲咁,我覺得b開始認得人,我同99企埋一齊,佢識望住我99叫(扭抱), 我當時好hurt, 我日頭都有餵奶、同b沖涼,但我覺得阿b都唔認得我.... 我應該要點做好?
我過多個月都要返工,好擔心....


琥珀宮

積分: 152908


發表於 18-1-11 17:34 |顯示全部帖子
spe98071 發表於 18-1-11 16:06
我同99住,bb就2個月大,99就幫手凑。因為我房放唔到bb床,加上老公訓覺好嘈,b好易紥醒,所以夜晚b係同99 ...

同邊個訓就痴邊個,大大下就知


複式洋房

積分: 483


發表於 18-1-11 18:24 |顯示全部帖子
mandy952 發表於 18-1-11 17:34
同邊個訓就痴邊個,大大下就知

我老公完全唔理,淨係要b同奶奶訓,最好唔好嘈住佢。佢又完全唔介意b認唔認得佢。
阿b又跟左我99同房一段時間,我都唔好意思無啦啦出聲話要b跟我訓,況且間房又冇位放多張床,加上我又唔想bb因為老公鼻鼾聲而訓得差,訓得差醒左要食奶,戒唔到夜奶。
我好似而家做乜都冇用,好無助...

點評

cwmanna    發表於 18-1-12 09:55


琥珀宮

積分: 152908


發表於 18-1-11 18:40 |顯示全部帖子
spe98071 發表於 18-1-11 18:24
我老公完全唔理,淨係要b同奶奶訓,最好唔好嘈住佢。佢又完全唔介意b認唔認得佢。
阿b又跟左我99同房一段 ...

其實你呢個情況都冇咩可以做……


男爵府

積分: 5609


發表於 18-1-12 09:53 |顯示全部帖子
你有99幫手已經好感恩, 幾十歲每晚無覺好瞓湊孫, 點解要煩呢喲無謂既問題(我覺得), bb大大下都會痴父母, 就算痴99都無問題啦! 要好好孝順'麻麻'呀!


男爵府

積分: 9833

開心吸收勳章


發表於 18-1-12 10:02 |顯示全部帖子
回覆 spe98071 的帖子

如果你個心真係真係真係唔介意, 就無所謂.

雖然話就話bb 大D 就會知道邊個係媽媽, 但係, 一直都唔係係陪瞓的話, 始終最痴O既一定會係你99. 抆轉係我, 一定唔得. 辛辛苦苦生個b 出O黎, 陪bb 瞓覺呢D 咁親密O既時光, 唔應該係屬於媽媽以外O既人O架.....

試下諗辦法減少房入面O既雜物, 放返bb 床入自己房, 至於你老公, 應該同佢傾, 叫佢忍讓一下, O個個係自己O既bb, 應該跟父母, 而且作為父母, 應該為bb 犧牲一下睡眠時間, 或者叫佢出廳瞓, 你同bb 一齊瞓


複式洋房

積分: 483


發表於 18-1-12 10:24 |顯示全部帖子
cwmanna 發表於 18-1-12 09:53
你有99幫手已經好感恩, 幾十歲每晚無覺好瞓湊孫, 點解要煩呢喲無謂既問題(我覺得), bb大大下都會痴父母, 就 ...

我想像到,如果第時b: 扭抱,唔要媽媽要99、扭訓,唔要媽媽要99、出街拖住,唔要媽媽要99、喊嗰陣,唔要媽媽抱要99抱.... etc...
我自己接受唔到,話就話咩放開d,係咁㗎啦,要返工留比屋企人凑,但都係難以接受。


男爵府

積分: 5609


發表於 18-1-12 10:47 |顯示全部帖子
回覆 spe98071 的帖子

如果係咁擔心, 建議你自己做返晒所有野, 我仔由1個月大開始到升小一前都係由婆婆湊大(在婆婆家住), 老實講佢當時會痴婆婆多喲, 但對於返工既我就好放心


瑪瑙宮

積分: 127467


發表於 18-1-12 11:59 |顯示全部帖子
如果 99 湊得好, 重好喇, 你可以專心返工. 我以前親戚幫我湊, b 星期六日先反黎, 我同个親戚一齊出現的場合, b 係會痴人地, 但我唔介意, 佢連湊佢果个都唔痴先驚.


複式洋房

積分: 483


發表於 18-1-12 15:05 |顯示全部帖子
BabyRonXo 發表於 18-1-12 10:02
回覆 spe98071 的帖子

如果你個心真係真係真係唔介意, 就無所謂.

一切都係土地問題......
我而家都係叫我99半夜叫我起身餵奶,爭取同b相處。日頭我都爭取自己換片沖涼餵奶抱下b。
想請教下夜晚嗰個時間真係咁關鍵?


男爵府

積分: 9833

開心吸收勳章


發表於 18-1-12 15:24 |顯示全部帖子
spe98071 發表於 18-1-12 15:05
一切都係土地問題......
我而家都係叫我99半夜叫我起身餵奶,爭取同b相處。日頭我都爭取自己換片沖涼餵奶 ...
我自己一直都係自己一手一腳湊仔O既, 即使返O左工, 夜晚都O係婆婆屋企接返bb 返屋企, 再同bb 沖涼, 餵奶, 同埋pillow talk 一陣再瞓覺. 所以, 即使我日頭見少阿仔10個鐘, 但係我仔最痴O既人依然係我.

我眼見我姑仔同我相反, 佢女由出世開始都係跟婆婆瞓, 即使星期六日會返屋企跟媽媽瞓, 但係, 日子耐O左, 到O左小學, 小朋友返O左屋企住, 但係個心依舊食掛住婆婆, 最依賴O既都仲係婆婆. 如果作為媽媽唔介意O既, 咪無所謂囉. 我就好介意喇


男爵府

積分: 9833

開心吸收勳章


發表於 18-1-12 15:28 |顯示全部帖子
spe98071 發表於 18-1-12 10:24
我想像到,如果第時b: 扭抱,唔要媽媽要99、扭訓,唔要媽媽要99、出街拖住,唔要媽媽要99、喊嗰陣,唔要媽 ...

換轉係我, 我一定接受唔到......

我會不停同阿仔講, 媽媽最錫O既就係bb, bb 最錫O既要係媽媽.......


男爵府

積分: 6587


發表於 18-1-12 19:18 |顯示全部帖子
spe98071 發表於 18-1-11 18:24
我老公完全唔理,淨係要b同奶奶訓,最好唔好嘈住佢。佢又完全唔介意b認唔認得佢。
阿b又跟左我99同房一段 ...

bb大d就知邊個係媽媽爸爸㗎啦,呢d係本性來的,其實唔需要驚佢唔認得你,再大d就成日痴你㗎啦。


別墅

積分: 576


發表於 18-1-13 02:23 |顯示全部帖子

回覆樓主:

我明。因為我囡就係由細老公爭住湊餵抱換片,我當時無呢個意識,仲覺得老公甘幫手好開心。但依家我囡3歲啦,唔係唔痴我,而係爸爸係度就必定唔跟我。單獨同我一齊佢好嗲我,但老公同我同場出現佢就會話要爸爸唔要媽媽。經常性下我都盲目左了,但連自己老公我都會有介意同唔開心,最近去旅行我同囡去洗手間,無啦啦發脾氣話要爸爸入來,我又哄又講佢聽爸爸唔入得來女廁 ,最後我囡不停踢我話要爸爸。我堅係唔開心左成日。
其實唔怕嘈到bb架,佢習慣左就ok..我老公都有鼻寒,兩個女自細一齊訓ok的。你可以試下買放床個d bb籃或墊,同99商量,天氣開始凍啦,半夜bb醒或飲奶換片你會好辛苦,我夜晚湊番阿b好唔好。


大宅

積分: 1923


發表於 18-1-18 18:03 |顯示全部帖子
spe98071 發表於 18-1-12 15:05
一切都係土地問題......
我而家都係叫我99半夜叫我起身餵奶,爭取同b相處。日頭我都爭取自己換片沖涼餵奶 ...

我囝的媽湊,平時夜晚跟佢地訓,之前我餵人奶,所以有排都住返我媽度,半夜當然自己餵返
bb細個時都會跟我媽既,但大大下,非常'痴'我,有時半夜扎醒或訓醒都會搵我都會搵我。
我本身要返工,平日響婆婆屋企訓,我放假先湊佢走,而家就黎2歲半,我係第1位。
我家姐佢2個小朋友都係'痴'佢,佢都係要返工。其實小朋友大d會識分邊個係爸爸媽媽,佢知道邊個錫佢既,放心


侯爵府

積分: 21970


發表於 18-1-19 15:35 |顯示全部帖子
aglee 發表於 18-1-18 18:03
我囝的媽湊,平時夜晚跟佢地訓,之前我餵人奶,所以有排都住返我媽度,半夜當然自己餵返
bb細個時都會跟我 ...

Bb真係會識分?我仔就來8個月 都係唔痴我最痴姐姐,我抱住佢,佢對眼唔會望我,只會望住姐姐,第二痴就係爸爸,就算爸爸唔理佢 返來只會打機玩電話 佢都會哄去爸爸度 了佢玩!
而我,除左返工時間外,所有時間都比哂佢,點解會咁我真係好唔開心


大宅

積分: 1923


發表於 18-1-19 15:54 |顯示全部帖子
yanyanli1234 發表於 18-1-19 15:35
Bb真係會識分?我仔就來8個月 都係唔痴我最痴姐姐,我抱住佢,佢對眼唔會望我,只會望住姐姐,第 ...

我記得我囝最初都係痴婆婆多d
不過可能我餵人奶關係,夜晚訓覺一定搵我,半夜扎醒就更加搵人肉奶咀
可能因為咁樣,大大下就好痴我
我老公都係打機多,一星期見幾日,一樣痴爸爸,不過首選一定係我。
所以我覺得小朋友知道邊個係爸爸媽媽

首頁
1

尾頁

跳至