6個月-1歲 今日: 4|主題: 17801

Hello Babykit2017，BB 全日大概瞓幾多個鐘呀? 臨瞓餐奶有無早左食/食少左呀? 正如Babykit2017 分享似唔似想出牙? 佢地瞓覺有時會反覆，同大人一樣咁瞓瞓下會轉姿勢、反身、甚至會醒左，晏覺瞓多左夜晚亦會冇咁熟睡。媽媽試下係日頭增加BB 活動量，製造一個空間俾BB活動/練習爬行，係屋企地下加D地墊俾BB爬下同碌來碌去，消耗左精力BB 夜晚都會好瞓D。黃昏後避免去嘈吵、多人地方，係一個溫度適中﹑昏暗和寧靜環境瞓覺會瞓得好D架。

8個月BB全日大概瞓12-15個鐘左右，睡眠通常係熟睡、淺睡等循環階段組成，當BB係淺睡狀態時，容易對聲音/光線驚醒，加上BB係2個月左右開始建立瞓覺模式，如果習慣左大人一齊瞓，有可能需要大人抱住先可以瞓返，試下俾BB攬住有媽媽氣味毛巾瞓，媽媽聲音和氣味會令BB多D安全感，如果半夜王醒左，改用輕輕拍佢背部，溫柔撫摸身體黎幫助佢入睡，未必馬上會成功，需要時間慢慢改變架。