吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 自我中心的家長

少年成長今日: 0|主題: 15847

收藏本版

發帖

返回列表

跳至頁

查看: 6406 | 回覆: 6

自我中心的家長 [複製鏈接]

csir3290

子爵府

積分: 10923

1^#

發表於 18-2-11 12:38 |只看該作者 |倒序瀏覽 |打印

本帖最後由 csir3290 於 18-2-11 13:22 編輯

之前同個做中學老師嘅朋友傾計，傾下傾下就講到啲所謂怪獸家長，佢話有啲真係好經典，其中一類就係乜嘢都以自己為中心，乜嘢都要學校聽佢講。呢一類家長其實好錫自己嘅仔女，不過佢乜嘢都以為自己嗰套諗法就係啱，佢嗰套諗法先至係為仔女最好，所以當學校嗰個做法同佢嘅諗法有出入，佢就第一時間要學校跟佢嗰套做法，唔係就投訴到你更為止。個朋友話試過早幾日好凍個家長打電話嚟學校要學校畀佢個仔著大褸返學，咁我個朋同佢講話其實學校都有校褸，如果凍可以喺校褸入面再加保暖嘅衣物，但係個家長同佢講話個仔冇買校褸，因為唔鍾意著校褸覺得老土，淨係得件冷衫，所以要學校畀佢著街褸返學。個朋友解釋畀佢聽，點知仲鬧番老師轉頭話乜嘢你老師都著羽絨返學喇。個朋友最後都冇再同佢糾纏只係話好啦好啦。個家長聽到終於學校跟佢嗰套先肯收線。我朋友最後寧願去同佢個仔解釋話畀佢聽究竟個規矩係點，反而佢個仔仲講道理知道咁樣學校好難做。佢個仔反而話，唔想令學校難做就著件褸出門口返到學校就除咗佢。另外我朋友同我講因為佢學校啲學生如果遲到就要留堂，所以有時啲細路因為遲起身遲到就會叫家長打電話去學校扮病幫佢哋請假，但有時啲家長打去請假就連揾籍口都費事，只同學校講話個仔女遲起身所以遲到要請假。我個朋友都會同啲家長解釋話如果啲細路遲到，就應該畀佢哋承擔責任唔好幫佢哋請假，如果佢哋遲起身就應該要承擔責任，但係真係試過畀啲家長鬧返轉頭話咁我而家幫佢請假咁咪請假囉，點解仲要罰。又係我個朋友有陣時都同我講，唯有同啲家長講咁俾次機會下次唔好啦！
我個朋友有時都同我講好感慨點解而家啲家長會咁唔尊重學校，佢話其實學校都係想幫佢哋教好個仔女，學校就係社會嘅縮影教佢哋啲仔女將來要點樣面對社會教佢哋承擔責任教佢哋誠實教佢哋坦白，有時我個朋友同我講佢覺得啲家長真係當自己係顧客學校係提供服務，所以抱住顧客永遠是對的嘅心態去同學校相處，其實我都覺得家長呢套諗法好傻，因為仔女係學校最多都係讀幾年，將來其實自己咪又要承擔番所有嘅後果，如果唔信任學校有點解要將佢送入去呢間學校讀書呢！如果係我，我一定會教對仔女要同學校合作，因為我知道將來我對仔女離開學校之後出嚟社會工作就需要同其他好多唔同嘅人或者機構合作，如果喺學校都唔識得守規矩唔識得合作到頭來受苦嘅咪又係佢自己。我總覺得學校同家庭應該係一個合作嘅關係而唔係顧客同服務提供者嘅關係，我永遠都知道學校要唔理一個學生其實係容易過要用心機去教一個學生，如果個家長咁麻煩到頭來學校可能會揀為咗怕麻煩都係唔盡量唔理就算數，到頭來邊個受害呢？

0 0 0

私人傳訊

oceandeepsea

珊瑚宮

積分: 109216

虎到金來勳章 2021可愛聖誕B勳章牛年勳章

2^#

發表於 18-2-14 20:18 |只看該作者

回覆樓主:

係咪真係有依d家長，好不可思議

私人傳訊

ps1314

大宅

積分: 1779

3^#

發表於 18-2-24 21:28 |只看該作者

回覆樓主:

係有的，還愈來愈多，仲要覺得自己好醒，嬴左學校，其實把自己的小朋友害得好慘

私人傳訊

kl1

伯爵府

積分: 16403

4^#

發表於 18-2-26 00:11 |只看該作者

oceandeepsea 發表於 18-2-14 20:18
係咪真係有依d家長，好不可思議

的確有很多這類家長，他們的出發點是愛錫自己子女，但他們沒想到這才是害了自己子女的行為

私人傳訊

貓薄荷123

大宅

積分: 2397

5^#

發表於 18-5-28 09:40 |只看該作者

kl1 發表於 18-2-26 00:11
的確有很多這類家長，他們的出發點是愛錫自己子女，但他們沒想到這才是害了自己子女的行為
...

大把呢類家長，我女同班就有一個這樣的家長，全家都不講理，自己小朋友在校欺負了別人，她的父母覺得好自豪，一旦自己小朋友被別人欺負，就立即打電話去小學投訴，有小小事都喜歡小事化大，投訴校車舊，投訴司機惡，投訴校車保姆唔拉佢女上車，投訴校車唔準時到達，訓導主任大聲了小小跟他女講嘢，又不滿，要求訓導主任即刻跟他女道歉，還驚動了校長，等等，十分變態，就是有咁樣的父母，所以這個女仔小一便已經講大話眼都唔眨，經常搬弄是非，刁蠻任性，公主癌，我非常期待她長大後父母承受翻一切