母乳餵哺 今日: 1 | 主題: 85693

積分: 657

1^#

發表於 18-2-18 11:44 |只看該作者 |倒序瀏覽 |打印

介紹下自己背景先，第一胎，開刀生！bb而家19M，在職媽媽。我有啲長氣，同有時講到一舊舊，唔好介意！

母乳對bb最好，而且可以增加親密度！無人可以代替媽媽對bb的愛！

由於我係開刀，加上bb要係icu觀察，出世淨係見咗一眼之後未見過，亦都埋唔到身！到第二日我先落到去icu見到佢，當然亦都係無得埋身！我自己係產後時都試過自己揸奶，但只係得一兩滴黃色的金黃乳，個時都比唔到bb，真是唔太開心！
直至第三日bb上黎，姑娘知我係餵母乳，比咗我試！第一次bb都有啜，但對一個新手媽黎講，真是唔知佢夠飽未，淨係知佢不停喊！忍唔住叫姑娘比水奶，當然係比姑娘罵到7彩！（其實後來先知喊到好，都要不停比佢啜先上到奶）
自己亦都因為咁情緒都好差，會自己一個人喊，亦都唔想見人！姑娘知道有過黎安慰，亦都幫我報咗母乳班！之後先學識點餵會好啲！

出院後，返到屋企堅持要母乳唔補奶粉，個時唔知點解覺得奶粉有害咁！（其實而家我覺得有時一餐半餐ok，係唔知點解個時好反感）
呢個時候已經面對母乳媽媽成日預到的問題！
1.老公覺得咁辛苦為乜，無咪無囉，咪食奶粉。
由於我唔甘心無，所以每次餵完即泵，泵完又夠鐘換片/甚至夠鐘下餐。基本上無時間休息！老公心痛我先咁講，當然男人未必知我地的心情，如果佢正面啲講會好啲，亦都幫手湊bb會好啲！
2.老一輩：bb成日喊係咪肚餓？你啲奶係咪唔夠好/唔夠營養架？
老一輩唔識我地呢代的知識！可以解釋佢地知/自行過濾呢啲說話

由於我係在職媽媽，所以我都買咗泵返工用，返工前亦都要泵定存貨！
3.奶泵問題
我係用spectra 9+本身跟機個喇叭唔啱所以成日泵到個乳暈損哂，痛到癲，每次餵奶/泵都痛到眼濕濕！所以要配啱自己喇叭同泵

終於叫做搞掂啲基本野同適應bb埋身，但就坐完月要返工！
儲咗奶，預備返工，頭一日返工前泵咗一轉，到食飯lunch再泵，但由於我第一次怕唔夠時間係泵咗先食，呢個係錯到不得了！因為壓力同未食野飲唔夠水，個次係泵得平時既3分1，灰咗！

續……

0 0 0

私人傳訊回覆引用

積分: 657

2^#

發表於 18-2-18 12:50 |只看該作者

回覆樓主:

由於返工唔係成日可以行開泵奶，所以返工第一日已經塞咗，實到舉手就痛！收工即刻衝返屋企埋身！

4.塞奶，由於返工後同坐月時泵奶頻密度有差別，所以成日都塞，有時就算返去埋身都唔得，仲係硬。要沖涼時放奶，覺得好哂，但好過塞咗無奶到！後期返工覺得有啲硬都會去廁所放奶！

以為只係有呢啲問題？當然唔只啦！

不停塞不停放，大約一個星期到身過終於適應返！
當然由於做咗阿媽係長期唔夠瞓，試過大頭蝦既事！

5.帶漏泵奶用具！
試過帶漏奶袋，本身啲泵既樽唔夠位放，所以用奶袋，個次泵完發現無奶袋，真是崩潰咗，唔係要倒咗佢呀……之後有媽媽教買支最細既蒸餾水，倒哂啲水出黎，再放奶！好過無野裝！
亦都試過帶漏hand free bra，好彩
h我用緊哺乳bra可以頂到！
於太大頭蝦，所以之前係公司放咗奶袋同hand free bra!! 咁就唔怕唔記得帶！

總算我都泵咗一年，由於開始唔夠阿囡食！所以都停泵了！只是早晚埋身！

問題又黎啦！
6.餵咗咁耐，你啲奶仲有無營養，你睇bb幾奀！食奶粉仲多營養啦！
首先，我有得餵點解唔餵先，其次母乳係有坑體，呢啲奶粉係無既，而且係求健康唔係求重量！

大家不防解釋多啲比人知，我當然知道bb肥啲可愛啲，但作為父母係健康重要過可愛！

7.一歲之後咁大個，仲飲母乳？會搞到好痴身架！快啲介咗佢啦！
其實一歲好大個咩？真心唔明白飲奶有咩問題，點解飲牛奶飲到幾歲就健康，飲母乳飲到一歲就唔好？
其實比到我會照比，唔會刻意去介，想自然離乳！
至於痴唔痴身，我諗每個bb都痴媽咪架啦！無咩關係！

暫時我的分享係咁多！各位母乳媽媽繼續加油努力！
新一年祝大家同bb身體健康，奶路長有，長泵長有！

私人傳訊回覆引用

Bido

積分: 2754

3^#

發表於 18-2-18 13:02 |只看該作者

回覆樓主

加油！有得餵就餵

我第一日返工帶漏配件，要人手渣奶落樽，好難忘，但解決倒最開心。

私人傳訊回覆引用

loliecat

複式洋房

積分: 336

4^#

發表於 18-2-22 00:44 |只看該作者

huenbbhuen 發表於 18-2-18 12:50
由於返工唔係成日可以行開泵奶，所以返工第一日已經塞咗，實到舉手就痛！收工即刻衝返屋企埋身！

4.塞奶， ...

樓主既分享我好有同感！！在職母乳媽媽真係唔容易！但一諗到BB，唔知點解就會好有動力、繼續餵！

私人傳訊回覆引用

ivylcm

子爵府

積分: 10051

5^#

發表於 18-2-22 15:56 |只看該作者

出院後，返到屋企堅持要母乳唔補奶粉，個時唔知點解覺得奶粉有害咁！（其實而家我覺得有時一餐半餐ok，係唔知點解個時好反感）<-好有同感，我仔都兩歲零，人奶奶粉都有食

私人傳訊回覆引用

積分: 657

6^#

發表於 18-2-27 12:22 |只看該作者

Bido 發表於 18-2-18 13:02
加油！有得餵就餵我第一日返工帶漏配件，要人手渣奶落樽，好難忘，但解決倒最開心。
...

最緊要解決到！

最壞既打算係棄奶防塞！

私人傳訊回覆引用

積分: 657

7^#

發表於 18-2-27 12:23 |只看該作者

loliecat 發表於 18-2-22 00:44
樓主既分享我好有同感！！在職母乳媽媽真係唔容易！但一諗到BB，唔知點解就會好有動力、繼續餵！
...

係呀，無錯！一諗到bb就可以繼續努力！大家都要加油

私人傳訊回覆引用

積分: 657

8^#

發表於 18-2-27 12:25 |只看該作者

ivylcm 發表於 18-2-22 15:56
出院後，返到屋企堅持要母乳唔補奶粉，個時唔知點解覺得奶粉有害咁！（其實而家我覺得有時一餐半餐ok，係唔 ...

可能啱啱生完，精神仲好緊張！所以未識諗！而家囡囡都會食下奶粉（係婆婆度，佢地會易啲處理），仲有時係屋企會比牛奶佢飲添！

私人傳訊回覆引用

babychuc

積分: 2365

9^#

發表於 18-3-2 08:14 |只看該作者

huenbbhuen 發表於 18-2-27 12:25
可能啱啱生完，精神仲好緊張！所以未識諗！而家囡囡都會食下奶粉（係婆婆度，佢地會易啲處理），仲有時係 ...

大家好，
我都係母乳媽媽。
因為囝囝早產仍在醫院，現在儲凍奶及帶凍奶到醫院。覺得自己奶量雖然穩定尚算但覺得質素唔及初生完時咁好，可能太忙或緊張。想知點可以令奶質素好d呢？

私人傳訊回覆引用

積分: 657

10^#

發表於 18-3-3 19:09 |只看該作者

babychuc 發表於 18-3-2 08:14
大家好，
我都係母乳媽媽。
因為囝囝早產仍在醫院，現在儲凍奶及帶凍奶到醫院。覺得自己奶量雖然穩定尚算 ...

何解覺得質素唔好？
母乳隨著bb而改變的！
我朋友都試過因為留醫而要帶冰奶去！佢試過一日要泵一公升去醫院！我都好佩服佢！你都已經好叻！加油呀！會唔會食啲媽媽奶/補充劑？不過最好都係問下醫生先！
我自己無額外加食啲咩，我阿媽成日話我啲奶無營養，但我自己過濾咗啲說話咁解！

私人傳訊回覆引用

babychuc

積分: 2365

11^#

發表於 18-3-16 08:17 |只看該作者

huenbbhuen 發表於 18-3-3 19:09
何解覺得質素唔好？
母乳隨著bb而改變的！
我朋友都試過因為留醫而要帶冰奶去！佢試過一日要泵一公升去醫 ...

因為我BB增磅得有點慢，可能我們太緊張因為覺得佢出世有段日子應該要增磅。營養師最近希望BB增磅，將佢飲奶調較下希望幫到佢。

其實有無需要飲媽媽奶粉?婦科醫生話無需要，均衡飲食就可以同問過營養師，現在母乳營養也已經穩定，叫我唔好懷疑自己同繼續努力。

私人傳訊回覆引用

積分: 657

12^#

發表於 18-3-18 15:09 |只看該作者

babychuc 發表於 18-3-16 08:17
因為我BB增磅得有點慢，可能我們太緊張因為覺得佢出世有段日子應該要增磅。營養師最近希望BB增磅，將佢飲 ...

其實係呀唔使懷疑自己的母乳！
我覺得最多咪飲媽媽奶，其實飲多啲湯水就得！
bb有自己的成長節奏，唔係到危險介線就得啦！
如果你覺得都係要增磅咪補一至兩餐奶粉！不過母乳係最好的野！唔好忘記！努力加油，盡咗力就得！享受同bb之間的樂趣！

私人傳訊回覆引用

aquaQ

積分: 1248

13^#

發表於 18-3-21 11:40 |只看該作者

huenbbhuen 發表於 18-2-18 12:50
由於返工唔係成日可以行開泵奶，所以返工第一日已經塞咗，實到舉手就痛！收工即刻衝返屋企埋身！

4.塞奶， ...

支持自然離乳！

媽媽加油！

私人傳訊回覆引用

積分: 657

14^#

發表於 18-3-21 11:46 |只看該作者

aquaQ 發表於 18-3-21 11:40
支持自然離乳！

媽媽加油！

感謝支持！

各位媽媽都努力呀！

私人傳訊回覆引用

ctwkitty38

積分: 777

15^#

發表於 18-3-27 23:14 |只看該作者

回覆樓主

見到你的故事好有動力！
我都係一樣，Bb 13m 都係埋身，但個個人都話我要戒，話bb 咁痴住你唔得又點點點，好討厭.....不過點都好我都係決定戒奶由Bb 話事，不會逼他戒

私人傳訊回覆引用