嬰兒食譜 今日: 0|主題: 27290

Hello kwowff ，媽媽餵緊人奶真係 6 個月BB需要添加固體黎攝取全面營養，訓練佢咀嚼能力和口腔肌肉，有助日後口腔/說話能力發展。明白BB唔食固體，會令媽媽好煩惱 飲奶多係一個比較常見引致BB食固體時胃口唔好原因，即使固體份量唔多都唔好太快補奶，兩餐相隔最好4個鐘或以上，餓少少先會食返多D固體，通常邊個餵BB食? 媽媽有無試過加D人奶入固體度，俾BB容易D適應味道?

媽媽唔用強迫方法同BB食固體好好呀! 媽媽可以幫佢做餐前”熱身”，如唱下兒歌、講下故事，清潔手和臉，係一個輕鬆愉快情況圍上小圍裙，同上餐奶相隔4小時，餓D自然會比較肯開口食，有DBB 好叻，知道唔食等一陣就有奶，就會唔食固體食物架。嘗試將糊仔開稀身少少，媽媽一邊以誇張口型扮咀嚼俾BB模仿，媽媽有冇試過加少少水果蓉落糊仔增加天然味道吸引BB 食?

蔬果通常係試左五穀類後第2種嘗試嘅食物，試下俾天然甜味水果(蘋果、梨、香蕉、木瓜、啤梨) 增加糊仔味道和新鮮感，揀熟透用鐵匙羹刮成果蓉都好方便，每樣新食物連續試3-4日去觀察BB腸胃接受程度，多食高纖食物、多飲水，BB腸胃都健康D。