你都見 BK 有咁多帖話開大陸銀行戶口,開黎做乜 ?? 咪大部份開黎比微信支付寶,方便自己喺大陸用,香港冇得用,返大陸用都可以感受下果種便利,開心下 ~
我最初覺得手機支付喺香港會好快增長 ~但係依家諗法冇咁樂觀,因為睇到依家微信同支付寶好似懶懶閒咁,支付寶HK 舊年推出付款碼,應該差唔多有半年,我覺得佢依家直頭好似停左步咁,微信都唔好得幾多,香港個系統直頭係 short short 地,得果 D D 集團店可以比錢,都未攪得掂成日付款不成功 ~我有懷疑佢地係咪根本唔太注重香港市場 ~
我聽過支付寶早年喺大陸做推廣果陣係用鋪天蓋地黎形容,直頭好似我地香港選立法會議員選區議員咁,我地 D 議員周圍洗樓,支付寶員工就周圍洗小店小舖,即場介紹,開戶,比 code,教點收錢,點 check 數,點提現,全程專人教到你識為止~
香港推廣力度太低,根本有好多小店小舖,根本連支付寶係乜都唔知 ,你叫佢點會用一 D 佢自己都唔知係乜既野 ,就算果樣產品幾好幾方便都冇用 ~