Hello chinebearbear, 見到媽媽用左好多方法同食材幫BB加固,都會擔心營養唔夠。 6個月之後奶唔能夠完全滿足BB 需要,加固好重要。媽媽不如試下食固體嗰餐之前,等BB餓少少先餵, BB肚仔餓啲,胃口會自然好,盡量唔好補奶,寧願下一餐早少少餵。有D BB 好叻,知道扭計唔食等下有奶, 就會唔食固體食物架喇,媽媽加油!
每個小朋友適應固體食物進度都有吾同,9個月BB需要添加固體黎攝取全面營養,訓練咀嚼能力和口腔肌肉,有助日後BB說話能力發展。明白BB唔食固體會令媽媽好煩惱飲奶多係一個比較常見引致BB食固體時胃口唔好原因,進食份量唔多都唔好太快補奶,兩餐相隔最好4-5個鐘或以上,佢地專注力有限,通常係進食首15分鐘係佢最專心時間,顏色鮮艷食材餐具,轉變下食物形態都可以吸引到佢食慾,試下用D顏色鮮艷同味道突出蔬菜煮熟壓成蓉,製作芡汁或西式濃湯,增加天然味道黎吸引佢。 BB同大人一齊食午/晚餐,等BB可以多D模仿,都會快D有進步架。