我而家24周，返緊工時，間唔時飲盒檸檬茶，都未放入口，d 同事就話唔好飲 Lee d 無益野啦，對 BB 唔好架，我話我唔係經常飲，飲得多水，口淡淡飲下遮，又勁講唔好飲啦，飲水啦，之後我決定下次要飲都離開公司後才飲。仲有，食細包裝薯片，剛開封食第一塊，佢地又有野講，唔好食啦，大肚唔食得架，其實如果我日日食就話唔好遮，但而家我只係食少少過下口癮之麻，我唔信你地陀 B 時又或你家中 d 女陀緊時，戒口戒到咁清囉！
仲有，我本身瘦底，即食極都唔肥唔長肉果類，上至同事們下至工友們都勁叫我食多 d 至會肥架，BB 至有營養增磅架，其實呢，我次次都回應我已食好多野，我唔長肉我都冇計，阿 B 在我肚內好健康，醫生都話重量與周數合乎囉，唔一定要媽媽肥至合格囉！好鬼煩，見你一次講一次，我知我明你地關心我，但唔駛日日講。
發表於 
返回列表
