上年11月去!
Costa Fortuna,歌詩達郵輪幸運號!不過近2個月都無再喺香港見過!
嘢玩呢..... 又唔算多,足夠咁囉!kids club 有好多親子活動!唔多人,除咗免費自助餐早午晚餐爆多人!不過我地住露台房,晚餐安排方面,露台房及再貴嘅套房,有餐劵去轉屬餐廳食 set dinner!
親子活動都玩得好開心,我果個航程唔太多人帶小朋友,所以小朋友活動都唔洗排!
只不過我果次6日航程,有4日都唔好天,所有喺船頂層嘅戶外活動,戶外遊樂場都無開,只得喺沖繩果2日出太陽!
我女仲細(3歲),所以我地 prefer 郵輪,佢玩到攰想瞓晏覺,可以即刻返房瞓得舒舒服服,BB車都唔洗帶!又唔洗下下搵地方坐低休息俾佢瞓!食方面又包晒;沖繩又可以報 local tour!表演... 晚晚大劇院都唔同表演,free嘅!早D去搵位就得!有 video game 嘅房,細!喺賭場入面,不過小朋友可以入!唔入賭場入唔到機舖!我女最鐘意入去騎電單車!
基本上喺船上,唔飲汽水啤酒唔購物,係唔洗用錢!亦有要俾錢嘅餐廳選擇,食得超舒服,因為勁少人!