嬰兒食譜 今日: 0|主題: 27290

Hello Szeszeccc ，2歲小朋友會好似成人咁食多元化食物，質感切成小塊/粗糙食物，透過咀嚼訓練舌頭和口腔肌肉協調，對佢說話能力都有幫助架。睇到媽媽好努力作出唔同嘗試，平時用誇張口型示範俾佢睇點樣咀嚼吞嚥，轉變下食物外觀，好似卷旦、熟食物整嘅壽司、飯團、三文治，用唔同顏色鮮艷蔬菜煮熟壓成蓉，製作芡汁或濃湯，番茄、甜椒、菠菜、青豆、蘑菇都係唔錯嘅選擇，仲可以加入少量牛奶或乳酪，令醬汁更香濃幼滑。小朋友做完運動，肚餓時候會更願意嘗試新食物，同其他差唔多年紀嘅小朋友一齊食，都可以增加佢嘅興趣。平時係咪同大人一齊食正餐?

小朋友會容易被四周事物吸引，如果未有餓意、進食環境/食物唔能夠引起佢興趣，未掌握好舀食物嘅技巧，都會影響佢唔肯主動進食，一齊去揀一套有佢鍾意嘅卡通人物、顏色嘅餐具吸引下佢，2歲小朋友鐘意模仿，建立同家人/爸媽一齊食早午晚餐習慣，一齊享用營養均衡的食物外，都可以吸引佢模仿架，平時媽媽多D引導佢自己扶住碗用匙舀食物，自己住拎食物(熟食物整嘅壽司、飯團、三文治)黎咀嚼，都好多小朋友鍾意，佢做到時要即時讚賞同鼓勵呀。