嬰兒食譜 今日: 0|主題: 27290

Hello 凍奶茶_，BB幾大呀? BB第一種固體食物，開始時由稀滑到泥糊狀質感食物，份量由少到多，由一種食物到多種食物，用1茶匙米糊加4茶匙BB飲開嘅奶質感就OK，剛開始時試1-2茶匙，連續試2-3日，如果無過敏反應，就可以嘗試其他新食物，例如加香蕉蓉/蘋果蓉。

7個月BB已經有一定吞嚥能力，媽媽可以考慮多D 煲粥仔俾BB食 ，食材/質感有更多變化，能夠根據BB 咀嚼/吞嚥能力去調較米和水比例， 調較合適嘅質感俾BB，例如稀粥(1/2杯白米:5杯水)，粥(1/2杯白米: 3 1/2杯水)，粥入面嘅米粒可以令BB 多D去練習咀嚼， BB 更容易去適應蔬菜/肉類嘅質感，多咀嚼可以強化口部肌肉，對將來學習說話都有幫助架

米糊一般添加了鐵質，對於未能進食肉類BB，是吸收鐵質嘅重要來源，質感和食材配搭變化會較少。白粥含鐵質較低，但加入左瓜菜、蛋黃、豆、肉類後，BB就可以係天然和新鮮食物中，攝取鐵質和多元化營養，食材配搭有更多變化，天然食物香甜味道會增加BB食固體興趣，亦可以透過調較米和水比例，煮出唔同稀稠嘅粥/爛飯/軟飯。食左固體BB，餐與餐之間俾佢飲水/湯水，黎補充足夠水份黎幫助排便，BB肯唔肯飲清水?

Bb肯飲水好乖乖呀 媽媽用魚/瘦肉湯煲粥，增加天然味道都會剌激BB食慾架

明白BB便便次數多左媽媽會有唔放心 BB便便質地、顏色、次數會經常有變，如果BB玩/食/瞓得好一般唔需要太擔心，可以觀察住先，如果BB便便質地係水還水、渣還渣或者便便次數持續增加，就建議睇睇醫生喇。 另外BB有冇吽牙仔徵兆？好似流口水、咩都塞入口？經常咬手嘅BB有機會影響便便質地/次數架。

牙肉唔舒服可能會影響BB睡眠質素，BB亦可能會多左食手仔或者咬玩具，有機會食左D菌入肚仔度令BB便便次數增多左，便便質地軟身/ 糊狀一般都係正常，如果便便次數愈來愈多，質地係水狀無渣就可能係肚仔唔舒服，要考慮睇醫生喇。媽媽可以將毛巾冰凍擦佢牙齦，雪凍生果/紅蘿白(切成條狀)咬/食，涼涼地會舒服D，可以舒緩牙肉不適/痛楚架。