懷孕前後

跳至

首頁

尾頁
   4


複式洋房

積分: 102


發表於 18-4-15 12:17 |顯示全部帖子
尋日6週剛剛去做產檢,第二胎本應我是 Book 張智醫生的,姑娘回覆我張智醫生要8個星期前book 先有得睇,佢地叫我6週都可以睇到心跳先睇住譚穎琪醫生先,話之後可以 pass 返資料比張醫生,所以我尋日就先去產檢。

入到去問左幾問題,就叫我入去照超聲波,我諗住隨褲做陰超,點知姑娘叫我唔駛隨褲,就咁都照到 , 我心諗 6週喎!都照啦,個胎真係好細,好難睇到,譚醫生仲話 6週只睇到你有無宮外孕,而家眼見你個胎都正常,微微閃閃下”應該” 係心跳,我再問:點解唔照陰超,譚醫生話都唔會睇得清楚好多同大得好多。(我心諗你有無 hea D 呀 !我第一個陣未夠6週用陰超都照到有心跳同個胎正唔正常生長。

最離譜係譚醫生話,而家只睇到你懷孕但未証實,你下次黎再寫紙比預產期排政府醫院。
你擔心 BB生長下個星期再黎,7週會清楚好多架啦 。埋單$980 !完!

我唔會再去睇譚醫生,浪費我時間同金錢 !

嬲爆 !(emoji)(emoji)(emoji)(emoji)



大宅

積分: 3501


發表於 18-4-15 12:25 |顯示全部帖子

回覆樓主

可能醫生怕陰超整親你?個時我6/7周都係照肚,醫生都係話好細要遲啲先再睇到多啲野。


男爵府

積分: 7461


發表於 18-4-15 13:53 |顯示全部帖子
bonnieonlyone 發表於 18-4-15 12:25
可能醫生怕陰超整親你?個時我6/7周都係照肚,醫生都係話好細要遲啲先再睇到多啲野。
...

係囉,我都冇照過陰超(當時5-6週),醫生話冇必要都唔會照,至於懷孕證明,醫生都係8週先開比我架


大宅

積分: 2074


發表於 18-4-15 13:57 |顯示全部帖子

回覆樓主

我懷孕都堅持肚照唔陰照。懷孕證明係8w見到有心跳先開


大宅

積分: 1955


發表於 18-4-15 14:07 |顯示全部帖子

回覆樓主

我都係照肚喔,唔會要求做陰超㗎!呢個唔怪得醫生阿


侯爵府

積分: 21950


發表於 18-4-15 14:13 |顯示全部帖子

回覆樓主:

我都有6w要求照陰超, 其實果時照肚已經見到心跳。不過當時想聽bb 心跳,所以醫生幫我照埋陰超


大宅

積分: 2950


發表於 18-4-15 14:18 |顯示全部帖子

回覆樓主

沒有最差只有更差,我上次係港安果個更差,佢已經知我 hcg 低,當時得 2xx, 因為我m 從來都唔準,同埋一定遲排卵,佢都只係照肚,仲話咩都照唔到,又無問我之前病歴,連第幾次懷孕都唔知,最後叫我再去驗血,下星期覆診。包埋驗血收我 $14xx

我即刻約返上一胎開刀產科再睇,無論個胎得唔得都唔想再去港安睇


大宅

積分: 2661


發表於 18-4-15 15:10 |顯示全部帖子

回覆樓主

未確實的確唔開懷孕證明,我之前都試過(另一個呢度好多媽媽提既醫生),果次睇好似係5周,未照到又未心跳唔開,下次檢6定7周先開。
不過譚醫生堅持唔照陰超就唔係好明白⋯⋯


複式洋房

積分: 102


發表於 18-4-15 15:30 |顯示全部帖子
ambermatt 發表於 18-4-15 15:10
未確實的確唔開懷孕證明,我之前都試過(另一個呢度好多媽媽提既醫生),果次睇好似係5周,未照到又未心跳 ...

本帖最後由 Kinki_MaMa 於 18-4-15 15:32 編輯

其實我上年9月流產,6-7週去在港安檢查,醫生都係幫我陰超照,陳醫生好清楚睇到BB 成長大少不付 6週,仲未有心跳。建議一星期後再觀察。一星期後確定BB 停止生長。話寫紙証明要做人工流產。不過當時陳醫生話我唔係算急症,叫我唔好入急症去排期,所以我今胎無再去港安。

尋日譚醫生都之知我上年流產,佢只係話陰超唔會清楚好多,你擔心既就下星期再黎照。

我覺得佢話陰超唔會睇得清楚好多,我好唔認同。


大宅

積分: 2022


發表於 18-4-15 15:33 |顯示全部帖子

回覆樓主

我琴日打去book張醫生,最快要到5/10先有得睇


男爵府

積分: 5869

2024年龍年勳章


發表於 18-4-15 15:40 |顯示全部帖子

回覆樓主:

不如去抽血驗hcg, 驗一次再隔一天驗第二次,一來睇升幅理唔理想,二來醫生會開懷孕證明。每次$350, total都係$700


大宅

積分: 1363


發表於 18-4-15 15:49 |顯示全部帖子

回覆樓主

我呢胎第一次照(6/7週),因為係經期一向長,醫生幫我照超聲波先,照唔到就話幫我改陰超就已經搵到+check到有心跳。
我上胎第一個直情一開頭已經陰超,發現原來有11週即刻轉番超聲波。


大宅

積分: 2661


發表於 18-4-15 15:52 |顯示全部帖子
Kinki_MaMa 發表於 18-4-15 15:30
本帖最後由 Kinki_MaMa 於 18-4-15 15:32 編輯

其實我上年9月流產,6-7週去在港安檢查,醫生都係幫我陰 ...

而家唔好嬲啦,廢時激親自己。你就快睇張醫生,等佢開紙同照啦~~我今次都係睇張醫生,覺得佢好好


男爵府

積分: 9251

牛年勳章


發表於 18-4-15 16:22 |顯示全部帖子
pussykat 發表於 18-4-15 13:53
係囉,我都冇照過陰超(當時5-6週),醫生話冇必要都唔會照,至於懷孕證明,醫生都係8週先開比我架:questi ...

我第一胎及第三胎6週都係照肚,第二胎6週照唔清,後用陰超,结果陰超後出血,小產左。所以冇必要唔做陰超,好正常。


別墅

積分: 940


發表於 18-4-15 17:23 |顯示全部帖子
babycei 發表於 18-4-15 16:22
我第一胎及第三胎6週都係照肚,第二胎6週照唔清,後用陰超,结果陰超後出血,小產左。所以冇必要唔做陰超 ...

我都想話冇咩唔好照陰超,我照左果次小x左.......
之後身邊都有好幾個人話真係有影響....


男爵府

積分: 9251

牛年勳章


發表於 18-4-15 17:25 |顯示全部帖子
Cannonak 發表於 18-4-15 17:23
我都想話冇咩唔好照陰超,我照左果次小x左.......
之後身邊都有好幾個人話真係有影響....
...

係呀,所以第3次大肚時堅決拒絕任何陰超。


複式洋房

積分: 251


發表於 18-4-15 17:44 |顯示全部帖子

回覆樓主:

我一直睇開譚醫生,佢又冇出現hea我情況,我之前係佢到驗到甲狀腺有事佢當日仲叫姑娘call我入醫院,幾日之後仲叫姑娘問我情況 ,同一間公司郭志偉差10倍,3分鐘檢查完


別墅

積分: 620


發表於 18-4-15 17:45 |顯示全部帖子

回覆樓主

我醫生都係咁,當時6周左右,都係唔建議陰超。除非過多1-2星期,都仲係睇唔到先會做陰超。


禁止訪問

積分: 1235


發表於 18-4-15 18:10 |顯示全部帖子
提示: 作者被禁止或刪除 內容自動屏蔽


大宅

積分: 3480


發表於 18-4-15 18:39 |顯示全部帖子

回覆樓主

而家只睇到你懷孕但未証實 真係講咗等於冇講,唔知做乜要照,我都係6週照陰超,如果個胎本身冇問題其實好安全,用陰超係比較清楚。

首頁

尾頁

跳至