×

用戶登入

找回密碼 | 註冊


王國商店facebook專頁

元朗區媽媽會 今日: 44|主題: 24218

查看: 6158 | 回覆: 95
go 德怡開放日..


大宅

國民生產總值:2088


發表於 09-10-18 00:11 |顯示全部帖子
今日同囡囡在左德怡開快日...個感覺又真係唔錯...各位媽咪..你地有無去...有咩意見...會唔會讀尼間?

王國熱話
特濃牛奶
奀仔計劃-見醫生
有無人知骨齡細
bb魚肝油


大宅

國民生產總值:1187


發表於 09-10-18 10:10 |顯示全部帖子
我都有去, 感覺ok, 不過佢個所謂戶外playground只不過係個空地, 冇設施, 又冇得上二樓參觀...我覺佢個校舍同元朗英藝差唔多大, 不過佢係獨立校舍, 樓底高d, 光猛d, 老師都幾nice...但d課程就應該淺過英藝, 學費同校服就貴d, 雜費同校車就平d...overall佢個open day攪得好過英藝...

因為我打算俾bb讀英普班, 所以都係德怡同英藝二選一, 我即場填咗報名表讀n1, 佢哋話出年2月會通知interview, 而我都會報埋英藝, 但佢哋會喺11月interview...遲d confirm讀邊間就會俾bb去上佢哋嘅playgroup, 早d適應吓...


侯爵府

國民生產總值:24688


發表於 09-10-19 14:38 |顯示全部帖子
我都有去, 感覺ok, 老師幾nice, 但遠了一些, 不過c6話仲好, 可以坐校車, 但得3歲人仔mouth:
學費真是貴 冇學倦
c6想女兒讀英文班(國際班), 要讀全日再加錢才可以讀中文
咁一個月咪要成$6000 (唔計其他興趣班 )
但其實我想報激活, 家的對面, 但怕明年多一名成員, 姐姐攪唔掂


大宅

國民生產總值:1187


發表於 09-10-20 01:26 |顯示全部帖子
我冇問全日班d資料, 點解要加錢學中文? 即係點?

原帖由 Cammy3007 於 09-10-19 14:38 發表
我都有去, 感覺ok, 老師幾nice, 但遠了一些, 不過c6話仲好, 可以坐校車, 但得3歲人仔mouth:mouth:" />
學費真是貴 冇學倦
c6想女兒讀英文班(國際班), 要讀全日再加錢才可以讀中文
...


侯爵府

國民生產總值:24688


發表於 09-10-20 10:52 |顯示全部帖子
原帖由 skylark 於 09-10-20 01:26 發表
我冇問全日班d資料, 點解要加錢學中文? 即係點?


德怡分國際班 & 主流班
國際班, 全英文, 有20-30分鐘普通話
主流班, 2文3語, 主力廣東話, 每日有20-30分鐘英文 & 20-30分鐘 普通話
如果讀國際班, 將來又怕中文差, 要讀全日班+ $ 讀中文 (課程一樣, 但少d功課 & 習作)~因主力都是英文


大宅

國民生產總值:2180


發表於 09-10-20 11:25 |顯示全部帖子
我地一家都有去睇德怡開放日, 即場報主流班(其實未決定實, 可以改讀國際班), d問題同國際班差唔多(由家長回答), 應該係想知道小朋友嘅自理能力, 之後觀察/問亞女玩緊玩具嘅配對/認動物/認顏色/認數字(由小朋友回答), 過程輕鬆, 亞女都全部都能應付, 最後老師問佢係度返學好唔好, 幸好佢無請食lemon, 回應話好
因為我喜歡獨立校舍, 見佢同激活佈置差唔多, 不過覺得激活室內playground仲大d/光猛開揚喎
當日interview嘅老師好nice, 課程內容竟然唔記得問(其實講我都唔識分深定淺)mouth: , 而佢有自己校車區內服務約2百幾, 我覺得平


大宅

國民生產總值:2180


發表於 09-10-20 11:39 |顯示全部帖子
我詳細問咗, 學費(1年付12次)+書簿茶點書包雜費((1年付2次), 另購校服(夏季$4xx, 冬季$9xx, 有2套) !

即約$4,647 + 中文materials 約$9xx(好似1年付2次)
其實上午跟國際班半日班一樣內容, 返9:00am, 不同係中午有lunch -> 午睡 -> 上中文課40-50mins -> 茶點 -> 做revision後到4:15pm放學, (主流全日才有延展, 可早上8:00am返, 下午6:00pm放)
原帖由 Cammy3007 於 09-10-19 14:38 發表
我都有去, 感覺ok, 老師幾nice, 但遠了一些, 不過c6話仲好, 可以坐校車, 但得3歲人仔mouth:mouth:" />
學費真是貴 冇學倦
c6想女兒讀英文班(國際班), 要讀全日再加錢才可以讀中文
...


大宅

國民生產總值:1187


發表於 09-10-20 21:43 |顯示全部帖子
咁讀全日國際班所謂要加錢讀中文是否純粹$9xx materials錢, 每月學費重駛唔駛另外加錢? 可否選擇下午唔讀中文?

全日國際班英藝好似抵d, 下午係local老師帶, 唔駛加錢讀中文...

原帖由 iamchingching 於 09-10-20 11:39 發表
我詳細問咗, 學費(1年付12次)+書簿茶點書包雜費((1年付2次), 另購校服(夏季$4xx, 冬季$9xx, 有2套) !

即約$4,647 + 中文materials 約$9xx(好似1年付2次)
其實上午跟國際班半日班一樣內容, 返9:0 ...

[ 本帖最後由 skylark 於 09-10-20 21:45 編輯 ]


大宅

國民生產總值:2180


發表於 09-10-21 13:31 |顯示全部帖子
妳最好打電話去問清楚, 佢地會回答好詳細 , 我聽到國際全日班同半日班上午課程一樣, 國際下午先會多教中文, 唔讀中文, 咁咪報上午班
原帖由 skylark 於 09-10-20 21:43 發表
咁讀全日國際班所謂要加錢讀中文是否純粹$9xx materials錢, 每月學費重駛唔駛另外加錢? 可否選擇下午唔讀中文?

全日國際班英藝好似抵d, 下午係local老師帶, 唔駛加錢讀中文...

...

[ 本帖最後由 iamchingching 於 09-10-21 13:32 編輯 ]


大宅

國民生產總值:1538


發表於 09-10-21 14:57 |顯示全部帖子
hi,各位,我係路過的,我囡囡以前都係讀全日,上午國際班,下午讀中文班.各位可參考下

其實係: 上午國際班學費$3280(不知有無加價),如要讀埋下午就另加$1200(已包午餐及午睡用的被舖),下午可選中文或繼續讀英文.中文真係請個標準普通話老師教的,所以才要教材費(個院長話我知的). 讀國際班好好玩的,成日有不同的名堂同小朋友開party的(以前無另收費的).

一點要留意的是大家不要以為讀德怡或英藝,小朋友的英文會好像出面傳統的國際學校那樣,因為d同學基本上都係本地人,而就算國際班(有2班主任)係得一個外籍老師,但另一個班主任就係本地老師,英文不一定是好native的.但英文當然會好過讀本地主流幼稚園啦,最少不會怕外籍人同聽一定無問題


大宅

國民生產總值:2180


發表於 09-10-21 16:30 |顯示全部帖子
請給予意見:-

我考慮報國際半日班, 主要要想佢有英語學習環境(屋企講廣東話), 從小開始唔怕英文(並不期望好叻), 其二報半日班, 是因為想佢下午上其他興趣班, 發掘下有無潛能(睇怕多數都無 ), 因為上咗小學後無咩時間剩, 其實每日上午都有30mins中文, 下午加多40mins中文是否有作用? 如須要對日後接上中文小學, 諗住每週外出私人/小班形式報讀1至2次中文堂, 是否不足夠?
定係報主流班, 見佢話有一位講國語做班主任, 而另外每日都有一節英語, 是否改為補其他英語課好些? 因為日後如考英文小學(激活太貴 , 好似得番李宗德一間?), 怕考不上/或考上英語方面會否吃力?
原帖由 pigmei 於 09-10-21 14:57 發表
hi,各位,我係路過的,我囡囡以前都係讀全日,上午國際班,下午讀中文班.各位可參考下

其實係: 上午國際班學費$3280(不知有無加價),如要讀埋下午就另加$1200(已包午餐及午睡用的被舖),下午可選中文或繼續讀英文.中文真 ...


大宅

國民生產總值:2852


發表於 09-10-21 21:47 |顯示全部帖子
我囡囡而家讀梗德怡主流半日班低班, 我覺得唔錯, 老師真係follow得好好, 因為認中文字英文字都冇問題, 中文字能夠講到廣東話同普通話, 英文字亦都認到, 其實都好平均, 而又可以慳番d錢, 所以我個人認為冇必要讀國際班, 因為而家並唔係英文重要, 普通話都好重要, 下星期仲有個考試添, 我係用口試, 測試下小朋友認字, 初時我收到notice, 嚇死我, 咁細個就要考試....唔係掛.....今日我再問番班主任, 係個評估, 第一次test唔會落成績表, 第2次test就會開如mark喇.....我再諗深一層, 得閒test下, 都可以了解小朋友嘅學習進度, 而且又可以practice下佢地習慣考試, 都係一件好事.

我有個同事個女而家讀梗李宗德, 英文真係好, 但係普通話就唔得喇, 要出去補習...........所以我認為2文3語真係好重要.

以上係我個人意見.


大宅

國民生產總值:1187


發表於 09-10-21 22:21 |顯示全部帖子
其實我因為想bb將來讀一間用普通話教中文,其他科目用英文教嘅中小學(只有某d直資學校有), 為咗bb可以早d適應, 所以想佢讀英普幼兒園, 我開頭都有d擔心讀國際班學中文嘅時間唔夠, 如果讀全日班有多d時間學中文, 咁都ok, 加埋自己喺屋企同佢講廣東話, 咁咪兩文三語囉, 唔駛出去再補習....不過學費同雜費就好甘


伯爵府

國民生產總值:15753

好媽媽勳章


發表於 09-10-22 00:52 |顯示全部帖子
原帖由 菲比108 於 09-10-21 21:47 發表
我囡囡而家讀梗德怡主流半日班低班, 我覺得唔錯, 老師真係follow得好好, 因為認中文字英文字都冇問題, 中文字能夠講到廣東話同普通話, 英文字亦都認到, 其實都好平均, 而又可以慳番d錢, 所以我個人認為冇必要讀國際 ...


你同事個小朋友依家讀李宗德, 咁佢幼稚園讀邊間呀?


大宅

國民生產總值:2852


發表於 09-10-22 10:39 |顯示全部帖子
大女就唔記得(即係讀梗李宗德果個), 要問一問先, 而家佢個細女都係讀梗德怡k3主流班.


原帖由 莎莎莉莉 於 09-10-22 00:52 發表


你同事個小朋友依家讀李宗德, 咁佢幼稚園讀邊間呀?

[ 本帖最後由 菲比108 於 09-10-22 10:41 編輯 ]


大宅

國民生產總值:2180


發表於 09-10-22 11:54 |顯示全部帖子
請問方唔方便講下妳囡囡已讀/將報, 中文/英文小學, 想知讀國際班升小出路如何?
原帖由 pigmei 於 09-10-21 14:57 發表
hi,各位,我係路過的,我囡囡以前都係讀全日,上午國際班,下午讀中文班.各位可參考下

其實係: 上午國際班學費$3280(不知有無加價),如要讀埋下午就另加$1200(已包午餐及午睡用的被舖),下午可選中文或繼續讀英文.中文真 ...


大宅

國民生產總值:2180


發表於 09-10-22 12:01 |顯示全部帖子
多謝妳嘅分享, 亦想請問日後升小, 有無想囡囡入中文/英文小學?
原帖由 菲比108 於 09-10-21 21:47 發表
我囡囡而家讀梗德怡主流半日班低班, 我覺得唔錯, 老師真係follow得好好, 因為認中文字英文字都冇問題, 中文字能夠講到廣東話同普通話, 英文字亦都認到, 其實都好平均, 而又可以慳番d錢, 所以我個人認為冇必要讀國際 ...


大宅

國民生產總值:2852


發表於 09-10-22 12:26 |顯示全部帖子
德怡通常大多數會派去天水圍天主教小學, 跟住又大多數上崇德英中, 或者其他英中, 我就係朝哩個方向行, 如果李宗德小學都ok嘅.

原帖由 iamchingching 於 09-10-22 12:01 發表
多謝妳嘅分享, 亦想請問日後升小, 有無想囡囡入中文/英文小學http://ads.baby-kingdom.com/www/delivery/avw.php?zoneid=69&cb=12345611&n=a084433c?


大宅

國民生產總值:2180


發表於 09-10-22 12:42 |顯示全部帖子
李宗德一般? 天主教小學係中小? 天水圍好似得激活及李宗德是英小, 妳覺得入傳統中小, 日後再上英中會唔會辛苦?
sorry 好多問題
原帖由 菲比108 於 09-10-22 12:26 發表
德怡通常大多數會派去天水圍天主教小學, 跟住又大多數上崇德英中, 或者其他英中, 我就係朝哩個方向行, 如果李宗德小學都ok嘅.


伯爵府

國民生產總值:15753

好媽媽勳章


發表於 09-10-22 15:58 |顯示全部帖子
原帖由 iamchingching 於 09-10-22 12:42 發表
李宗德一般? 天主教小學係中小? 天水圍好似得激活及李宗德是英小, 妳覺得入傳統中小, 日後再上英中會唔會辛苦?
sorry 好多問題


我自己以前就係由中小去英中, 頭兩年係幾辛苦, 但適應左之後就無乜大問題.
如果入到天天小學, 就好, 但係, 我可能唔係呢區做大抽獎....因為太多人爭, 又太少位.....

但如果入到李宗德, 我就可以唔駛個仔出番出面讀小學了....
© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎