×

用戶登入

找回密碼 | 註冊


王國商店facebook專頁
王國facebook

淘寶交流 今日: 394|主題: 40263

查看: 17098 | 回覆: 14
go 淘寶小教學 - 集運 (進階篇)


子爵府

國民生產總值:11827


發表於 11-6-16 22:00 |顯示全部帖子

淘寶小教學 - 集運 (進階篇)


之前提過集運既好處同使用方法...

有時一間鋪只係買一兩件, 運費仲貴過件貨, 而且好多時都唔只睇中一間鋪既貨品, 所以用集運會比較化算.. 分分鐘慳一半以上運費甚至更多


-
多數集運公司都係廣州既, 直接向賣家提供集運既地址就可以, 多數送貨去廣州都係8-10蚊.. 有時候買夠一定數量, 鋪頭仲會包郵, 只係需要比廣州去香港既運費, 抵好多架



-
首先用旺旺問集運仲接唔接新單, 佢話接之後就向賣家提供集運既地址, 收件人寫明“(集運名): 轉(你淘寶acc名)”, 咁集運就會自動幫你收貨.. 之後見到集運果邊簽收晒自己既貨之後就可以叫集運磅重, 再落BID同收錢

# 不過集運係有風險架, 因為收貨果時佢唔會拆開黎幫你check貨, 如果有咩大問題, 唔係個個賣家都肯負責.. 所以貴既最好都係唔好用集運喇 ............................................................................................................................................
其實淘點都有集運服務, 仲可以去OK便利店收貨, 不過佢一次最多只可以集運5間鋪.. 有時d貨唔同時間去到淘點果度, 但佢過左7日就要收存倉費, 所有單到齊而佢磅重後, 2日內未比錢又再有每件貨$5既附加費... 所以好煩... 而且佢地有時會好亂, 寄漏野既case都唔少...


以下係幾個集運既LINK, 我參考過好多人既分享後作出以下既summary...
佢地全部都無收存倉費, 亦無規限存放期...



  • 何生 http://shop34913388.taobao.com/
    依個係比較早期開始做既集運, 開頭好有交帶, 後來非常多人用, 所以會回覆得比較慢... 最繁忙既時間可能要等幾日先可以幫你磅重.. 每一單跟既時間會比較短, 試過寄漏野, 而有唔見野或有咩問題可能要比較耐先會開始同你follow, 不過佢係好有交帶既, 只係要比多d耐性, 佢一定會跟進

  • 天生一對09 http://shop59180853.taobao.com
    依個我用過, 因為客人比較多, 有時問佢野佢可能要第2日先回覆, 不過都好多好評, 係比較多人用既集運... 除左回覆慢之外無咩大問題... 貨到齊後通知佢磅重, 有時要等幾個鐘甚至一個下午.. 不過佢包裝得好整齊同埋細心, d貨係攤開一件件再逐件疊起..

  • 趙鵬 http://shop62409546.taobao.com/
    網上既comment都非常正面, 都覺得佢有交帶.. 岩岩試左一次, 佢真係回得好快, 即叫即應... 貨到齊後通知佢磅重, 15分鐘後就可以答到我, 好有效率, 不過包裝唔算仔細, 有d會捲埋左一堆, 好在係衫所以無所謂...

  • 舒麗琴 http://shop62625002.taobao.com/
    依個係何生既朋友, 係何生太多單接唔晒之後推介既.. 暫時評語都話佢又快又好, 我下次會試佢..


  • 波仔 http://shop61664699.taobao.com
    依個係丁玲既親戚, 佢地用同一個地址但分開做.. 好多人讚佢又快又NICE, 同埋快遞有問題佢都會主動幫手跟進, 不過我唔太敢試.. 因為佢同丁玲一齊住, 而我信唔過丁玲... 有時寄比佢既野係丁玲簽收, 已有人試過因為咁而唔見野
    2011年1月update: 波仔轉左地址喇, 唔再同丁玲一齊, 可以一試

  • 王俊杰 http://hkkuaidi8.taobao.com/
    依個我幫人訂野果陣用過一次, 佢都好快, 不過網上有人話佢唔夠細心, 試過寄漏野, 又試過地址寫漏幾多樓... 但都算有交帶同回覆快... 同埋佢新請左人幫佢手, 可能有改善
  • 周小平 http://shop61810192.taobao.com/
    波仔推介既.. 平時搵佢都回得幾快, 但大時大節多人買野既時候(例如新年假前)就要好夜先回得快, 同埋有時會答應左你先, 但好多野唔係即刻去做, 同埋都有發錯貨既紀錄... 即係將你既貨發錯比第2個客



    BLACK LIST
  • 丁玲 http://dmvz.taobao.com/
    網上都好多人話丁玲好, 不過亦有人話佢做熟左之後唔太誠實.. 之前睇過post有人分享話唔見左件貨, 但賣家寄出左, 快遞既record又話丁玲簽收左... 後來賣家同快遞溝通, 有快遞私下同返賣家講叫佢唔好再發貨比丁玲, 因為佢唔止一次偷左客人既貨再扮無簽收... 有時就只係寄個盒/包裝, 偷左入面既野... 所以絕對要BLACK LIST
    [Source: http://forum.baby-kingdom.com/viewthread.php?tid=3524910]

    ..........................................................................................................................................
    進階TIPS



      • 通常廣東省入面既貨都係發貨之後第二日就到, 廣東省以外會比較耐, 到貨時間需要3-4日, 甚至5日, 視乎地區同埋邊間快遞公司..
      • 落單前可以問下賣家比左錢後大約幾時會發貨, 因為有d貨可能要比左錢之後等賣家追加預訂... 如果都係即日或第二日發貨既話可以先買遠少少既貨, 之後先買廣東省內的貨, 就返個時間... 有d賣家會話追加期7-20日, 具體唔知要幾耐先有貨可以發, 咁其他貨如果貨源充足既話可以放入購物車, 等追加既野發貨果日先買
      • 賣家發貨後10日支付寶會自動比錢賣家, 雖然話可以要求延長, 但其實有D賣家會唔肯, 因為分2次送去香港佢既貨受既風險多左, 有問題佢唔敢幫你負責...
      • 可以計到個時間差唔多, 通常4-5日內集運就可收齊晒所有貨, 跟住送黎香港大約1-3日,所有時間應該可以係8日內... 如果時間計得岩, 仲有1-3日時間先到支付寶自動過數比賣家既時間, 可以拆開貨物清點下有無遺漏先確認比錢, 會安全好多... 就算時間有偏差, 部份耐d既貨到香港已經過左10日, 都可以確保唔係全部貨都過左...
      • 當然就算係過左10日, 比左錢, 收貨後發現有問題都仲可以同賣家用旺旺傾返.. 佢地好怕客人比差評, 所以都會盡量處理.. 如果你同佢傾完佢唔肯負責, 確認收貨後15日內可以搵淘寶介入去幫你, send返旺旺history, 影返相做證據就ok
      • 同賣家傾左先, 傾唔掂先比中評/差評... 中評/差評可以有一次既修改機會.. 但如果你一開始就比左好評, 係唔可以改返左中評/差評既.. 所以一日未check好貨都唔好比評語住, 因為依個係你既bargaining power =v=
      • 唔好太貪心一次集太多間鋪或者太多貨, 因為海關有時會扣件check, 一check就可能幾個鐘甚至幾日... 而愈大件/愈重既貨扣關既機會愈大(例如8kg以上), 而節慶前後, 亞運等日子, 扣關機會亦會比較大... 中國海關會check, 香港海關又check多次... 一般情況唔太多都好少扣關, 就算check都好快過到
      • 聽講.. 相對上, 用其他快遞公司會比EMS扣關既機會少d.. 原因我都唔清楚... 不過都係唔好太貪心, 而且太多貨集運寄漏既風險都大左, 分2次都係比多十幾蚊首重, 唔緊要啦
      • 我試過扣關, 因為咁岩係聖誕之前... 不過只係扣左一日, 但EMS都幾慢, 太多貨, 等左好幾日先排到隊上車, 用左6日先到香港.. 但我既貨無比人拆過, 應該佢只係扣起SCAN下入面有乜..
      • 快遞公司送黎之前會打比你, 如果無人係屋企可以試下同佢約第二個時間, 如果唔係就要上佢公司拎, 都幾麻煩... 而且一般都要比住宅附加費RMB$20-40蚊不等.... EMS就唔駛附加費, 會送上屋企門口, 但因為係郵差送, 到之前唔會比電話你... 不過如果屋企無人佢會留一張紫色既卡仔, 可以自己約佢去附近郵局收件, 或約時間叫佢派多一次
      • 有時候快遞公司/EMS既網上status係唔太準既, 唔可以完全信晒... 只會顯示佢上落車同埋去唔同分發站既情況, 有時會有delay.. 同埋如果個包裹係2個站中間, 可以2-3日無update都唔奇... 我就試過網上寫住派過去我屋企但無人收, 打去問就發現其實未派, 包裹仲係中環總局未分發.. 所以有咩都唔駛心急, 等下先, 亦唔好怕打去問下


資料來源:http://hk.myblog.yahoo.com/Janet-K/article?mid=27







點評

奇異果小邱  謝謝你的分享!  發表於 11-6-17 12:49

王國熱話
怎樣為之正常的M? 點為之量多 or 量少?
12/6排卵,12/20 due day揮手區
紅d轉淺! 不要放棄dodo!
84年想做媽媽揮手區…彼此鼓勵,互相分享.....


男爵府

國民生產總值:5810

好媽媽勳章 畀面勳章


發表於 11-6-17 11:04 |顯示全部帖子
Very good! Thanks.


男爵府

國民生產總值:5193

馬年勳章 親子達人勳章


發表於 11-6-17 11:40 |顯示全部帖子
I have a question:

I use 集運 to collect several packages. However some sellers send the goods a bit late & after all packages are collected and the co deliver to me again take 3-4 days. Then some of the transactions already become automatically completed in the taobao system without having me to send the payment password. The status changed to transaction sucessful itself.

However I did not actually received the goods and checked them. that means even if I am not satisfied with the goods but it is already too late. Then what can I do?


大宅

國民生產總值:1370


發表於 11-6-17 12:37 |顯示全部帖子
我一直唔多識用集運, 今次我會俾心機睇晒佢, 唔該晒呀


子爵府

國民生產總值:14196

馬年勳章 畀面勳章


發表於 11-6-17 12:48 |顯示全部帖子
回覆 GAT 的帖子

你同SELLER講,你D貨係集運度, 叫佢DELAY個SETTLEMENT。我試過係OK的。

同埋如果唔得,等你收到貨之後,再CONTACT個SELLER,話剛拆開,先發現有XX 漏咗/唔咗等...有D SELLER會俾你申請退款的。 因為就算你俾咗錢,佢都期望係俾好的COMMENT的。(PS: COMMENT係唔知SETTLE咗幾日內要俾的。)





大宅

國民生產總值:1097


發表於 11-6-17 13:46 |顯示全部帖子
好詳細, thx!


男爵府

國民生產總值:6388

有「營」勳章 醒目開學勳章 畀面勳章 環保接龍勳章 大廚勳章 BK Milk勳章


發表於 11-6-19 11:23 |顯示全部帖子
多謝樓主
好詳細 好心機 收為己用


大宅

國民生產總值:3815

好媽媽勳章 醒目開學勳章


發表於 11-6-19 16:02 |顯示全部帖子
thanks 好詳細的資料


男爵府

國民生產總值:7259


發表於 11-6-27 00:04 |顯示全部帖子


伯爵府

國民生產總值:15618

好媽媽勳章 睛靈勳章


發表於 11-6-27 00:28 |顯示全部帖子
邊間係上海同有ems可以介紹下?


大宅

國民生產總值:2010


發表於 11-6-27 11:16 |顯示全部帖子
thanks, good post...

以後唔使夾硬買啦


子爵府

國民生產總值:12634

好媽媽勳章 醒目開學勳章 畀面勳章 環保接龍勳章 親子達人勳章


發表於 11-10-24 00:33 |顯示全部帖子
謝謝 , 我係淘寶新手 , 努力中


侯爵府

國民生產總值:24251

玩具勳章 趣教勳章 畀面勳章 大廚勳章 遊學勳章 BK猜猜猜慶中秋 BK Milk勳章 hashtag影視迷勳章 馬年勳章 2014xmas


發表於 11-10-24 00:59 |顯示全部帖子
勁多謝分享, 有進階睇.

竟然有集運偷野, OMG!!!

真係要小心D.


大宅

國民生產總值:4065


發表於 11-10-24 10:27 |顯示全部帖子
我用左丁玲過差不多年幾兩年,暫時未遇過不快事件,我最多集8單,每次都好快.

試過有次同個朋友既單一齊集,唔同ID,我以為俾個運單no.佢已經得,佢搵左成個鐘都搵唔齊,我問下佢,佢話唔見,問我係咪唔同名,我先知原來佢搵到件貨,但個ID唔同,佢以為唔一樣所以冇pack埋俾我. 我覺得佢都老實,可能之前佢搵人做D人跟得唔好.

宜家我每次旺旺佢都係佢本人答.我諗每間集運都有佢既捧場客,盡量唔好一黎就"blacklist" 人家,可以講大家遇過既經驗之後各自決定用邊家


大宅

國民生產總值:4494

畀面勳章 BK Milk勳章 hashtag影視迷勳章 馬年勳章


發表於 11-10-24 14:25 |顯示全部帖子
慘,以前用過淘點,第一次試丁玲,d貨差不多明後天就到齊,希望不要有不愉快事情發生
© Baby-Kingdom.com Limited. All rights reserved. 有關我們 | 使用條款 | 免責聲明 | 私穩政策 | 廣告查詢
1.香港服務名牌選舉 公民企業嘉許計劃 中小企組別金獎 2013香港資訊及通訊科技獎 匯豐營商新動力 2013 無煙領先企業金獎 家庭友善僱主 社會資本動力獎 商界展關懷 連續五年標誌 碳審計-綠色機構 有心企業 友商有良 全面關懷大獎 無障礙網頁 - 流動應用程式銀獎